زوجي مطنشني
 

أنا متزوجة حديثا .. ( كتب كتاب ) بدون دخول ..
و نحن من عاداتنا و تقاليدنا .. أنه الزوج ما يكلم زوجته إلا وقت الدخلة ..
يعني قبلها يكون شايفها مرة وحده و بس ..
و هذي في عائلتنا .. و عائلته .. مايعجبهم أنه الرجل يكلم زوجته قبل الفرح ..
مع أنه حلاله .. .. بس عوايد موروثه ..
أخواني فتحوا المجال لزوجي أنه يكلمني بالجوال ..
كلمني مرة وحده بس ..
و حسيت بعدها أنه ما يبغي يتكلم معاي ..
أنا تفهمت الوضع .. و احترمت رأيه و موقفه ..
تكلمت مع أخوي .. خبرته ...و انا مستغربه ..
( في رجل ما يريد يكلم زوجة المستقبل .:؟)
فرد علي و قال : أنه في رجال يفضلون يعرفون زوجاتهم بعد الدخول مو قبله ..

و على فكرة ..
زوجي خلوق جدا .. و من النوع الخجول ..
و مرة صارت عندي مشكلة .. و تطلب الموضوع رأيه فيها .. لأنها تخصه ..
أرسلت له مسج أستفسر .. فكان بالإمكان يرد علي بمسج .. بس هو اتصل فورا و كلمني ..


فهل نقدر نقول ..
أنه زوجي ما يريد يكلمني .. علشان ما يسبب مشاكل بين العائلتين .. خاصة لو عرفوا بموضوع مكالماتنا ..؟
أم لأنه من النوعية اللي ذكرها أخوي ؟؟



أفيدوني ..

السلام عليكم

أتصـــور - والله أعلم - أن زوجك من النوع الخجول وهذا - برأيي أنه قد يكونُ دليلاً على أنه ليس لديه أية علاقات نسائية من قبل. فاشكري الله على ذلك أختي.
وتقبلي تحياتي.

نا والعياذ باله من كلمة انا ......اتوقع ان زوجك يحبك الى حد الجنون ولا يبي يحطك في موقف محرج مع اهلك واهله ولا يبي يسبب مشاكل بين العائلتين ..وانتي خليه على راحته اذا كلمك كلميه واذا ما كلمك خليه على هواه .

زوجك يستحي يكلمك بالجوال لأنه حاس انه الموضوع الي ممكن يكلمك فيه هو كلام غزل... و لكن صعب هالشي بوجود أخوانك حولك... أو انه يستحي يتغزل فيك على الجوال... يمكن يبيك تكونين أمامه عشان يقدر يفرغ مشاعره.

لكن يوم سألتيه عن المشكله صار عادي تماما انه يكلمك لأن في باله موضوع معين يتكلم عنه معك... مو مثل الوضع السابق

حاس باللي سواه زوجك تماما... و أعتقد هذا ممكن يكون تصرفي...

ما ارتاح "أسولف" مع شخص أستحي منه و ما بعد ارتحت تماما معه. أما إذا كان فيه موضوع واضح أمامي نتكلم فيه فما فيه مشكله..

الأخ الكريم عمّار
هذا هو الرأي الأرجح أخي ..

مسألة الحب ما أظنها تنشأ من مكالمة أو مكالمتين ..
هي المسألة أنه يمكن ما يريد يحطني بمشاكل مع أهلي .. و يبغي يحطي لنفسه مشاكل مع أهله ..

مشكور على حضورك أخي

ما اظن المسألة تتعلق بالغزل ..
يعني ممكن ( بما أنه من النوع الخجول ) ما يعرف يفتح مواضيع .. مب عارف كيف يكلم زوجته .. و بأي طريقه ..

و أنا لاحظت إذا في موضوع معين أريد أخبره فيه .. و محتاج الموضوع لرأيه .. يرد علي بسرعه .. كأنه ينتظر الفرصه ..


الله يجزاك الف خير على ردك ..

مساء الخير
صدقيني قلبة بيتقطع ودة يكلمك كل شوي بس زي ماقالوا اللي قبلي الخجل اهو السبب الرئيسي وصدقيني هذي من صالحكم لانة مرااااااا ت يمكن يحدث سوء فهم وانتو لسة على البر ولمى يجي الدخلة ولا الواحد منكم ماخذ على الثاني يعني شوي زعلان بس كذا لمى تجي الدخلة ولا كل منكم ولهان على الثاني ولهان على سواليفة وتصير محبتكم لبعض مالها حدود

وسلامتكم :)

عادي اختي الزوج ما يحب الا لما يدخل طال ان المكالمه بس راح اتكون بالتلفون

صدقيني ماراح يبين الحب الا بعد الزواج خاصه انك متزوجه زواج تقليدي فأكيد لازم تعذرينه ؟؟ خاصه ان اهلكم مانعين هل الشي والله يوفقك حياتي

الله يهداج على هالعنوان ( زوجي مطنشني ) خرعتي العالم انا قلت الحين سالفة خطيرة

لا يا معودة هدي اعصابج كلشي طبيعي اذا تقولين هاذي عاداتكم مع انها عادات شوي مالها معنى بس تظل عادات ( مع احترامي ) .