تعبت من عصبية زوجي وتحكمه
 

بسم الله الرحمن الرحيم
السلام عليكم ورحمة الله وبركاته
انا عضوه جديده وجذبني منتداكم كثير
وعندي مشكله وان شاءالله تفيدوني
انا عمري 24 سنه متزوجه من سنه وثمانيه شهور بالاضافه الى انه كنا قبلها متملكين لمده سنتين..زوجي عصبي بسرعه ومهما كان الامر يطلعني انا الغلطانه وانه انا لازم اعتذر وان انا اللي ماعرفت اتكلم وانا اللي غلطت من الاساس
انا حساسه جدا واتاثر بسرعه وابكي وفيه غرور مره ومن بدايه خطوبتنا بشهور كان بيننا مشاكل وكنت اقول طبيعي احنا بالبدايه واكيد اذا عرفته وفهمته وبعد الزواج راح يتغير كل شي ..هو مو مقصر معي في شي ويحبني كثير ويدلعني ..بس يكره الطلعات والزيارات مع اي احد غيره مايحب اقابل احد ولااروح زيارات او مناسبات رافض تماما اني اطلع مع اهلي من واحنا متملكين والا الان لاي مكان بحجة انه مايحب الطلعات ومالها اي داعي مع انه في بعض الاحيان في وقت يكون مسافر في عمل واكون عندهم او حتى بدون سفر و حاولت اتكلم معه اكثر من مره بهدوء يعصب عليه ولانطلع بفايده وارجع انا كل مره اراضيه عشان تستمر علاقتنا اتفه الاشياء تكون اكبر سالفه احيان انصدم كيف يعصب على هالشي ومايحتاج كل هذا !! كيف اقدر اتعامل معه تعبت من هالتحكم وحتى في اشياء اخرى ..علما بان زوجي صفاته شماليه وانا جنوبيه..ساعدوني الله يسعدكم

(تم تعديل العنوان ليتناسب مع المضمون)

رد: كيف يكون التعامل مع الزوج الشمالي؟!
 

رد: تعبت من عصبية زوجي وتحكمه
 

اسمعي كلامه مدام يحبك ويدلعك وصدقيني بعد مرور سنوات وخصوصا بعد ما تجيبوا بزورة راح يتغير زوجك وتقولي حور قالت.

رد: تعبت من عصبية زوجي وتحكمه
 

خلي عنك العناد ولاتستفزيه وخوذي منه الشي باللين… الكلام الحلو مع نوعيه زوجك يفيد وتقدرين تاخذين الي تبينه منه اذا تجنبتي حساسيتك المفرطه ..

رد: تعبت من عصبية زوجي وتحكمه
 

انا عندي ولد عمره 7 شهور بس كأنها قوانين صارمه مايحب الجدال والاخذ والعطاء فيها واذا تناقشت بهدوء كإني اعانده واستفزه

رد: تعبت من عصبية زوجي وتحكمه
 

والله انا اكلمه باللين والكلام الحلو واقوله ي حبيبي حابه اطلع مع اهلي ننبسط ونغير جو بس لان كان كلامي بالرسايل ماقدر اكلمه لانه مسافر فمااعرف ليش الرفض وكاني لما اكلمه اعانده :(

رد: تعبت من عصبية زوجي وتحكمه
 

ممكن عنده غيرة زايدة , او حب التملك

ما يحب يشوفك مع غيره , يبغاك له بس لحاله , يتضايق يشوفك مع اهلك او صاحباتك , يعني ما يحب يشوفك تنبسطي مع احد غيره .

اذا هذه مواصفاته , معليش اصبري عليه مع الوقت بتخف , انتم لسا في بداية زواجكم وطبيعي غيرته , انا واجهت نفسي الشي , وحسيت بنفس الاحساس , كنت ما احب اشوف زوجتي تطلع مع احد او تنبسط مع احد غيري , كنت حتى اتضايق لما اشوفها تكلم اهلها باستمرار تكلم امها اخوها خالها ابوها , بس كنت اكتم وما ابين اني متضايق , لأنه ما يحق لي او بمعنى اصح " غلط " امنعها عن اهلها , في النهاية هم اهلها ولهم حق عليها .

حاولي معه باللين , اذا ما نفع , اتركيه مع الوقت صدقيني بيخف , خاصة اذا جاء اول ولد

رد: تعبت من عصبية زوجي وتحكمه
 

حاولت معه باللين طيب يعني ايش يضره لو طلعت معاهم هو مو موجود ومسافر ويطلع ماادري انانيه يعني او تحكم عجزت افهم