منتدى عالم الأسرة والمجتمع

السلام عليكم ورحمة الله وبركاته.

من كم يوم كانت طبختنا كشري. muy

أنا من محبات الكشري حباً جماً .. وما عندي مانع أكله ثلاث أربع أيام ورا بعض. ;)

مثله مثل محشي الملفوف ..... لكن الفرق إني ما أعرف ألفلف الملفوف. :d

المقادير:

مقاديري هالمرة كثيرة شوي لأني عملت لي ولبيت أمي .. لكن بالعادة أستخدم نصف الكمية.

1. كوبين ونص رز مصري. (أغسله وأنقعه في ماي قبل الطبخ بنص ساعة)
2. كوب عدس بني. (إغسله وأنقعه في ماي قبل الطبخ بنص ساعة)
3. كيس معكرونة.
4. ملعقة ونص صغيرة كمون.
5. أربع مكعبات ماجي (مكعبين للكشري ـ مكعبين للصلصة)
6. أربع أو خمس فصوص ثوم مدقوق.
7. فلفل أسود + فلفل أحمر مجروش.
8. بصل مقطع شرايح. (ما حددت الكمية لأن في ناس تحب البصل كثير وفي ناس تحبه قليل .. فانتوا بكيفكم)

بسم الله نبدأ.

نحط شوي زيت في القدر ونضيف العدس بعد ما نصفيه من ماء النقع .. ونصب مقدار ملائم من الماي + الكمون

وطبعاً القدر لازم يكون كبير شوي عشان يستوعب العدس والرز والمعكرونة بعدين.

http://up.arabseyes.com/uploads2013/...0739683161.jpg

بعد ما يغلي الماي نتركه لمدة خمس دقايق لين يبدأ العدس في النضج بعض الشيء.

نضيف مكعبين ماجي ونحركهم لين يذوبون .. وممكن إضافة نصف ملعقة فلفل أسود إذا تحبون .. ثم نضيف الرز المصري بعد ما نصفيه من ماي النقع.

http://up.arabseyes.com/uploads2013/...7396833072.jpg

نقلب العدس مع الرز عشان يختلطون .. ثم نضيف مقدار من الماء بحيث نغطي سطح العدس والرز.

http://up.arabseyes.com/uploads2013/...7396833723.jpg

نترك القدر على نار عالية حتى يغلي الماي ويبدأ ينشف .. ونكون مجهزين عين النار الصغيرة

http://up.arabseyes.com/uploads2013/...7396834494.jpg

بعد ما ينشف ماي العدس والرز ننقل القدر على العين الصغيرة ونحط غطا القدر ونخفض النار .. ونتركه لين ينضج.

http://up.arabseyes.com/uploads2013/...7396836146.jpg

في هذه الأثناء ممكن يتم تجهيز المعكرونة.

http://up.arabseyes.com/uploads2013/...7396836987.jpg http://up.arabseyes.com/uploads2013/...7396837838.jpg

بعد ما ينضج الرز والعدس نضيف المعكرونة ونخلط كل المكونات مع بعض .. ونغطي القدر ونخليه على نار هادية لبعض الوقت عشان تنسجم المكونات كلها ويحبون بعض. ;)

http://up.arabseyes.com/uploads2013/...7396838619.jpg

لتحضير الصلصة .. كنت زمان أستخدم ثلاث أو أربع حبات طماطم .. لكني مؤخراً اكتشفت هذه الطماطم المقشرة المعلبة وجربتها وعجبتني .. فأنتم بالخيار.

http://up.arabseyes.com/uploads2013/...3968392410.jpg

عادة أستخدم علبة طماطم وحدة + ملء العلبة ماء + علبة معجون طماطم .. لكني ضاعفت الكمية هالمرة لزيادة العدد.

نضع شوي زيت في قدر مناسب .. وبعد ما يسخن نضيف الثوم

http://up.arabseyes.com/uploads2013/...3968400311.jpg

لما يبدأ لون الثوم يتغير نضيف عصير الطماطم (طبعاً الطماطم والماء مخلوطين في الخلاط بروحهم)

http://up.arabseyes.com/uploads2013/...3968410612.jpg

ولما تبدأ الطماطم تسخن نضيف حبتين ماجي + معجون الطماطم + فلفل أسود حسب الرغبة .. ونترك الصلصة لين تغلي وتغلظ بعدين نقصر النار ونتركها خمس دقايق تقريباً.

http://up.arabseyes.com/uploads2013/...0740494241.jpg

هالخطوة ممكن تتم على مرحلة وحدة للي يبحون الفلفل الحار .. بحيث يضيفون الفلفل الأحمر بدل الفلفل الأسود وهم يحضرون الصلصلة.

لكن لأني أنا وعيالي ما نتحمل الفلفل الأحمر .. وزوجي وأمي وخواته يموتون في الحار .. فأنا أضطر آخذ جزء من الصلصة وأضيف عليها الفلفل الأحمر المجروش.

أنا أحط ملعقتين أو ثلاث من الفلفل وبعد يقولون لي مب حار :D .. فانتوا عاد حطوا الكمية اللي تناسب طموحاتكم الفلفلية. :d

http://up.arabseyes.com/uploads2013/...0740494322.jpg

الحين وصلنا لمرحلة البصل. yyy

http://up.arabseyes.com/uploads2013/...7404943923.jpg

ومراحل تحميره

http://up.arabseyes.com/uploads2013/...7404944634.jpg

ولازم أسلي نفسي بشي .. وزوجي ما قصّر وياب لي عصير فراولة.

http://up.arabseyes.com/uploads2013/...7404945255.jpg

وبدأ البصل يتحمر شوي

http://up.arabseyes.com/uploads2013/...7404945896.jpg

يا مسهّل يا رب.

http://up.arabseyes.com/uploads2013/...7404946657.jpg

يالله هانت.

http://up.arabseyes.com/uploads2013/...7404947398.jpg

ووصلنا للنهاية بالسلامة

http://up.arabseyes.com/uploads2013/...7404948139.jpg

عادة أنتهي عند هذا الحد .. وأخلي البصل منفصل واللي يحب يضيفه في صحنه .. لكني هالمرة حبيت أخلط البصل مع الكشري .. فقمت بأخذ كمية من الكشري وحطيتها في قدر منفصل وأضفت عليها البصل.

http://up.arabseyes.com/uploads2013/...4049487610.jpg

وخلطتهم مع بعض.

http://up.arabseyes.com/uploads2013/...4049494411.jpg

وأضفت حمص (اختياري وغالباً ما أستخدمه)

http://up.arabseyes.com/uploads2013/...4049502112.jpg

وهكذا تم الكشري بحمد الله. ;)