مصر في قلوبنا اريد طريقة عمل الكشري
 

اخواتي الفاضلات المصريات ممكن طلب صغير :o ابغى طريقة عمل الكشري :confused: وشكرررررا :p

غالية والطلب رخيص . بصى يا ستى : تجيبى عدس بجبة (عدس لة قشرة غامقة) وتنقعية لمدة ساعة وبعدين تغلية لغاية ما يقرب للسوى . وبعدين تتطبخى الرز بالطريقة العادية يعنى تفلفلية فى شوية زيت وتغطية بالماء لغاية ما يغلى

اسفة ضغطت على زر غلط .اكملك .بعد ما يغلى الرز تهدى علية النار وتحتة صاج وبعدين تضيفى علية العدس اللى استوى نص نص علشان يكمل سواة مع الرز. وتغطية وتسبية على النار الهادية لغاية ما يستوى الرز ومعاه العدس . وبعدين تقطعى بصل حلقات وتحمرية فى شوية زيت وتنشلية ودة البصل اللى بيبقى على وش الكشرى . وفى نفس الزيت اللى حمرتى فية البصل تحطى شوية ثوم مدقوق ناعم تحمرية فى الزيت وبعدين تضيفى علية معلقة صغيرة خل وعليهم كباية طماطم مضروبة فى الخلاط وعليها كمان شوية صلصة معلبة . وتسيبى الخليط دة لغاية ما يتصلصل مع اضافة ملح وفلفل اسود وشطة حسب الرغبة . وبعدين تسلقى شوية مكرونة (مش كتير ) المهم تكون مكرونة حجمها قليل (مكرونة صغيرة لانها هتنضاف على الرز بالعدس ) .بعد ما تتسلق المكرونة وتصفيها من المية .تغرفى الرز (اللى معاه عدس ) وعلية المكرونة المسلوقة المتصفية من المية وتحطى على الوش البصل المتحمر وتقدمى معاهم الصلصة بالشطة وبالهنا والشفاء . فية ناس بتحط حمص (تنقعية وتسلقية وتصفية وتضفية على الرز زى المكرونة كدة )

مشكوررررة اختي بيرو وجعلك لطول العمر وللعمل الصالح

الكشري المصري

المقادير:


1كوب عدس اسمر-1كوب أرز مصرى-4بصلات مقطعة حلقات-3حبات طماطم

ملعقة صلصة-معكرونة مسلوقة-ثوم-ثلث فنجان خل أبيض-فلفل حار أو رومى-حمص مسلوق


الطريقة:

طريقة الكشرى :
1-يسلق العدس نصف سليق
2-يحمر البصل فى الزيت حتى يصبح لونه بنيا ثم ينشل
3-يوضع الارز المغسول على الزيت و معه العدس و يقلبان ويوضع عليهم الملح و يغطى بالماء و يترك لينضج
4-تشوح المعكرونة فى قليل من الزيت مع الملح و الفلفل الاسود و ذلك قبل التقديم مباشرة


طريقة الصلصة:

1-يدق 4 فصوص من الثوم مع الفلفل و يحمر فى قليل من الزيت
2-تبشر الطماطم بمبشرة البصل و توضع على الثوم مع ملعقة الصلصة
3-يوضع عليهم الخل و الملح و الفلفل و يترك على نار هادئة ختى تتسبك


طريقة الدقة :

1-يدق حوالى 4فصوص من الثوم
2-عصير ليمونتين
3-خل - ملح - كمون - فلفل أسود
4-توضع جميع المقادير على بعضها و تخلط جيدا
عند الغرف نضع اولا الارز و العدس ثم يوضع عليه المعكرونة ثم الحمص ثم الصلصة ثم البصل على الوجه و الدقة حسب الطلب .

وبالهناء والعافيه .

ما شاء اللة آدى التنظيم والا بلى .تقريبا نفس اللى قلتة لكن بطريقة واضحة اكتر .يا بخت المنتدى بيكى . سلام ليك ولكل اللى فى مصر من مصرية متغربة فى بلاد اللة .

حبيبتى الله يسلمك ويعطيك الف عافيه على مساعدتك للاخت الكريمة........وبالهنا للكل يارب