زوجي زعلان وانا المفروض اللي ازعل مستجد 43
 

السلام عليكم
سبحان الله كل ما احترت اجيكم القى الراي السديد عندكم
لاني ماحب اشكي لاحد صراحه فاكتب هنا محد يعرفني
المهم
صارت موقف بيني وبين زوجي قهرني فيه وخاصه انه يعرف هالشي بيزعلني ومع هذا سواه وهو يضحك
المهم زعلت وانقهرت ..
*واليوم السادس يوم وحنا زعلانين* وبكره موعد طيارتي بسافر امس قلت بكلمه واحاول نتصالح مع انوه من قبل كنت احاول يمر الموضوع عادي بس طلع هو الزعلان* جلست جنبه وحطيت القهوه مابعد نطقت بكلمه انصدمت انه يبيني اعتذر منه !
*بدون سبب سويته وحاولت افهم ليه يطلب مني اعتذر وانا ماسويت شي وجايه اصالحك وانت الغلطان .. سفهني قلت يرضيك اسافر وانت زعلان هز براسه ايجابي انقهههرت يعني غير اني جايه اراضيك تبيني اعتذر على ولا شي قلت والله اعتذر وابوس راسك بس عطني سبب !
ركب راسي الف جني ما اعتذر بدون سبب
خليته وقلت الله يسامحك انا زوجتك المفروض ما تذلني ولا ترضى باذلالي
حتى دموعي قريبه الله يسامحني ولا حن قلبه
المهم خليته ونام
من بكره حاولت اخذ واعطي معه بس ما يتفاعل معي ولا حتى يناظر لي
*كلامنا بس* اساله تبي عشاء قهوه بس هذا كلامنا
انا ماحب اطول الزعل ولا احب ان احد يفرض علي شي وانا ماسويت شي حتى وانا زعلانه ماقصرت
بس ليه هو اللي زعل وهو يعرف انه هو غلطان
انا بكره سفرتي وهو مو راضي نتصالح الا اني اعتذر
ومايهون علي اسافر واحنا كذا احنا مالنا الا شهرين متزوجين
واول مره ابعد عنه ومابيها تكون كذا
وش رايكم وش الحل
الله يسعدكم

(مستجدات الرد37)

http://66n.com/forums/showpost.php?p...0&postcount=37

(مستجدات الرد41)

http://66n.com/forums/showpost.php?p...4&postcount=41

مستجد الرد 43
http://www.66n.com/forums/showpost.php?p=3351305&postcount=43

رد: زوجي زعلان وانا المفروض اللي ازعل
 

وماهو سبب إصراره على أعتذارك له ؟!

رد: زوجي زعلان وانا المفروض اللي ازعل
 

سالته قلت علمني بايش زعلتك وانا اعتذر ماعطاني رد
فا مدري ليه مصر

رد: زوجي زعلان وانا المفروض اللي ازعل
 

بعض الامور تحتاج اتخاذ موقف لرسم الحدود
وبعض الامور سهله وتحتاج تغاضي وذكاء
وامركما من الثاني
لاتناقشي هذه المواقف ولاتنتظري نتيجة حوار منطقيه لانها تحدث بسبب تفاعل بينكما فانتما حديثا عهد ببعضيكما ومايحدث لكماصحي وطبيعي
الان الفقي غرزة هذاالتفاعل لصالحكما

تجملي بكامل زينتك
مرريه كيوم لطيف وكأن شيئا لم يكن
قومي بقراءة كتاب او مشاهدة برنامج ما
مع حلوى تحبينها
عندما يبادر
افقدي ذاكرتك مما بدر منه مهما حاول ابليس استرجاعها

رد: زوجي زعلان وانا المفروض اللي ازعل
 

مرحباً أختي

تقولي كنتِ جايه تصالحيه وتراضيه.. كيف يعني.. ؟؟

مهو طيب المصالحة والمراضاة هي نوع من أنواع الإعتذار الفعلي.. يعني كأنك أعتذرتي ضمنياً ... فما كان يعجزك أن تقولي.. أنا آسفة إذا زعلتك بدون ما أقصد.. وخلاص تنتهي شحن النفوس بكلمة بسيطة جداً .. من ثاني يوم تنسوها ولا كأنه كنتو زعلانين أمس.

وربما تقولين في نفسك .. لا أريد أن أولفه على أني أعتذر دائماً حتى لو كان هو غلطان.. فأقول لكِ لكل حادث حديث وهناك أمور تحتاج أن لا نعتذر خصوصاً إذا كانت كبيرة وتمس الكرامة أو الأخلاق.. أما الأمور الصغيرة .. فالأفضل أن لا نكبرها ونعطيها أكبر من حجمها


بارك الله فيك

رد: زوجي زعلان وانا المفروض اللي ازعل
 

مستحيل يزعل بدون سبب هل صار قبلها سوء تفاهم بينكم ؟؟

رد: زوجي زعلان وانا المفروض اللي ازعل
 

الله يصلح مابينكم

رد: زوجي زعلان وانا المفروض اللي ازعل
 

اتمنى يبادر والله لا انسى انا سهل انسى
بس هو يزعل اذا زعلت ..
كل يوم اتجمل و احاول امشي اليوم كانه ماصار شي
يس هو ثقيييل الله يهديه

رد: زوجي زعلان وانا المفروض اللي ازعل
 

الله يسعدك
هو مره من المرات قال لي حتى لو اخطىء بحقك
تعالي انتي وراضيني واعتذري
قلت اذا انا غلطت بعتذر بس اذا ماغلطت ليه اعتذر
قال انا رجال ..
وانا اخاف يتعود انه مايرضى الا باسف
واعتذار سواء غلطت او ما غلطت


وللامانه تمنيت اني اخذت الموضوع ببساطه واعتذرت
ومشيتها وتصالحنا .. بس الله يهدي النفوس

رد: زوجي زعلان وانا المفروض اللي ازعل
 

لا والله بالعكس قبلها كنت او بوقتها كنا نضحك
الله يهديه