زوجي طردني من البيت واهلي خاصموني مستجد رد 64
 

اخر ماوصلت له مشاكلنا المشكله تتوقعون كبيره لكن بكتبها لعلي اجد من ينير طريقي لاني في حيره من أمري والحمد لله على كل حال

زوجي سافرنا انا وهو لمنطقة اهلي واهله لزيارة رسميه لاحد افراد العائله طول الطريق نسولف نضحك مافينا شي لماوصلنا لبيت اهلي قلت انزل للفطور رفض عزمته امي رفض قلت اجل تجي للغدا برضه رفض بالرغم من ان امه مسافره وماعنده غير اخوانه المتزوجين دق على واحد من اخوانه قال صاحي بجيك قال له اخوه طيب انا حزت في نفسي رفضه للفطور لكن ماقلت شي جلست ساكته قالي وش تبين فطور قلت اشتر اللي تشوفه سالني مره ثانيه عدت نفس الاجابه وصلنا بيت اهلي نزلت وقفلت الباب مع الزعل انقفل بسرعه (بدون قصد والله) رحت الباب ادق تفاجئت ان زوجي يجيني عند الباب يقلي ليش تقفلين الباب كذا ولا لانك عند أهلك سكت ماقلت له شي وطلعت البيت مادريت الا واللي اخذ عياله ركبهم السياره مع الشغاله ورجع لمنطقتنا وتركني عند اهلي انا تفاجئت
اهلي لان اختي مطلقه عندهم مايبغوني اتطلق مثلها جلسوا يخاصمون فيني وامي تهزئني وشرشحتني يعلم الله اني ماسويت له شي زي ماقلت لكم امي تدق على زوجي تبي ياخذني زوجي قافل جواله قال لاخواني كبرت المشكله جلسوا يعتذرون منه اخواني ويكلمونه قال خلاص جيبوها للبيت انا هنا وقفت قلت زي ماتركني يجي ياخذني قامت امي تسب وتسخط وتقولي اطلعي من بيتي اقلعوها لبيت زوجها لما شفتها كذا قلت اوك ودوني له سافرنا انا واخواني لبيتي ودخلنا البيت لقينا زوجي كلموه اخواني بشروطي اللي هي تمشيه وحده بالشهر وذبيحه للثلاجه لانه مايجيب غير دجاج طبعا زوجي زعل من الطلبات في الاخير قال اوك بس قال ماتتمشى لاي مكان المكان اللي هو يختاره نفس المكان يمشيني فيه من يوم ماتزوجنا( مخطط نجلس فيه قدام البيت ) قال اخويه لا تمشيها للاماكن الثانيه تهاوشوا هو واخوي على ذي النقطه وكبرت بينهم وكان بيطرد اخوي وطول الوقت يقول اذا ماتشوفوني كفو لاختكم خذوها ومع السلامه وطول الوقت يعيد في الجمله ذي المهم اخويه قلي انا ماني راضي اذا انتي راضيه اجلسي قلت اوك بجلس بس على الاقل من فتره لفتره نروح تخاصم مع اخوي الكبير قال زوجي خذوها من بيتي ماعاد ابغى اشوفها دخلوا علي اخواني قالوا لمي عفشك ويالله الرجال ماعاد يبغاك تذكرت طرد امي لي قلت اتركوني انا اتفاهم معه راح اخوي الكبير بسيارته رجع زوجي شافني في البيت ورجع كلم اخواني الباقين قال خذوها ماعاد ابغاها تقعد دقيقه يلا لمي عفشك جلست ابكي انا وعيالي قلت ابجلس ببيتي قالوا يقول بضربها لو قعدت قلت خلوه هو ذحين معصب قلت اخرجوا واتركوني قلي اخوي ليش تذلين نفسك قلت محد يبغاني امي تقول اسكني مع اخوك لاتجلسين عندي انتم ذليتوني من لما رجعتوني من الاساس ولو رجعت معكم راح يرجعوني ويترجون فيه يجي ياخذني حاول فيني قلت خله يذبحني عشان اموت وافتك المهم اخواني تركوني وراحوا جلست بالبيت رجع بعد فتره زوجي قال ليش مارحتي يلا لمي عفشك وبوديك لما قلي كذه قلت خلاص الوضع ماعاد يبيله ذل اكثر من كذا قلت طيب لبست عبايتي الا وبنتي سخنت مسكينه من كثر ماتبكي ومن كثر خوفها طول اليوم اني اروح واتركها وولدي يبكي مره قام زوجي دق على امي قالها ان اخوي تركني وراح وانا وهو ماعاد نناسب بعض ولانصلح لبعض قامت امي جلستت تترجاه يتركني عند عيالي قال اتركها بشرط اتزوج قالت تزوج بس خلها عند عيالها
انا في هم مايعلم فيه غير رب العالمين ارشدوني كيف اتصرف بعد كل اللي صار وان المشكله اصلا تافهه اصلا لو افكر فيها مافيه مشكله اساسا بس زوجي كبرها بشكل مو طبيعي
حاليا افكر بالانتحار لااهل ولازوج يبغوني والحمد لله
نسيت اقول انه قال لاخوي اذا ماخذتوها من البيت تراني بطلقها فمدري هذي طلقه او لا الشي الثاني انه اشترط علي الاحترام ويقول اني مااحترمه لاني قفلت الباب بقوه قالوا وش غيره قال ماعندي شي قلناله وش شروطك الثانيه قال مااتذكر شي يعني زعلان كذا بدون اي سبب يحمل ذا كله
لاحول ولاقوه الا بالله يعني عصبيه فقط وانا اتحمل كل الباقي وهذي ثاني مره يرميني عند اهلي وياخذ عيالي ويروح المره الاولى يروح وهذي المره الثانيه نفس الطريقه المشكله الهوشه مو من الييت تكون في السياره يعصب ويتركني عندهم يترجونه ويرجعوني له ذليله
ولاحول ولاقوه الا بالله

(تم تعديل العنوان ليتناسب مع المضمون)

(مستجدات الرد35)


http://66n.com/forums/showpost.php?p...1&postcount=35


(مستجدات الرد54)

http://www.66n.com/forums/showpost.p...4&postcount=54

مستجدات (الرد 64)

http://www.66n.com/forums/showpost.p...8&postcount=64

رد: مشكله تافهه وبتوصل للطلاق
 

ممكن تقولي ايش سبب رفضه هنا ؟ .. لانك ماتكلمتي عن هالنقطة

يعني مرات بالنسبة لي يكون سبب الرفض ضيقة بصدري لأمر ما او من مشكلة معيّنة .. مو معقولة يرفض انه ياكل من غير سبب !

امر اخر .. تقولي انك قفلتي الباب بقوة وفجأة نزل وقالك ليش تقفلين الباب ولا عشانك عند اهلك .. يعني معقولة قالك هالكلام من غير مايعرف حتى سبب زعلك من اول ؟ او من غير ماتكلمتوا عن سبب رفضه للأكل مع اهلك ؟

فيه حلقة مفقودة

رد: مشكله تافهه وبتوصل للطلاق
 

اخوانك ما كان له داعي يتشرطوا على زوجك
يحق له زوجك يعصب وقتها

المشكلة فقط في الأسلوب

لا تكلميه و لا تناقشيه حاليا ابدا ابدا
و لا تدخلي اهلك و لا اهله

خذي حقك بيدك و حلي امورك بنفسك
قلت لك المشكلة في الأسلوب

الموضوع يبغاله طولة بال و هدوء و برودة اعصاب

رد: مشكله تافهه وبتوصل للطلاق
 

رد: مشكله تافهه وبتوصل للطلاق
 

رد: مشكله تافهه وبتوصل للطلاق
 

الله يريح بالك ويفرجها عليكي يارب

رد: زوجي طردني من البيت واهلي خاصموني
 

الله يفرج همك ويصلح زوجك

رد: زوجي طردني من البيت واهلي خاصموني
 

رد: زوجي طردني من البيت واهلي خاصموني
 

والله ياختي تفريج همك كله بسسجدة وحده اشتكي لله من كل شي ضايقك وتعبك ..صدقيني بتلقين راحه وانشراح في الصدر عجيبه
والهفترة ذي تجنبي زوججك مررة وركزي بس بشغل البيت وبعيالك

الله يفرج همك يارب ويسخرلك زوجك ويحنن قلبه عليييك بس اهم شي الدعاااء

رد: مشكله تافهه وبتوصل للطلاق
 

كيف تاخذ حقها بيدها وتنحل امورها!!!!
ممكن توضيح