|
سمعت كلام سيء عن خطيبتي وش اسوي؟مستجدات رد24
السلام عليكم
تقدمت لبنت قبل تقريبا 3 شهور وخطبتها ووافقت وكل شي ممتاز لكن جاني واحد اعرفه وقال لي ان البنت هذي والله اني اعرف واحد كان يكلمها من زمان ومرسله له صورها ومن هالكلام وحاولت اني اعرف من هذا الشخص وللأسف ماطاع يقول لي وانا ماهمني كلامه ولا اعرف انه صادق ولا كاذب بس تغيرت نظرتي الصراحه فيها مع انها عاجبتني واعرف اخلاقها انا مره واخواتي واهلي يمدحونها بس مازال فيني شك من كلامه والى الأن ماتملكت ومحتار مره |
رد: سمعت كلام سيء عن خطيبتي وش اسوي ؟!
أستغفر الله الله يكافينا شر اللي يقطعو النصيب استخير واذا ارتحت توكل ع الله يجوز يكون شخص حاقد ومايبك ترتبط فيها والله كثيرين خرابين البيوت مابعد الاستخاره واذا ارتحت انسى سالفه الرجال اللي جاك ولا تقولها لها ابد ابد وربي يسسر للجميع كل خير
|
رد: سمعت كلام سيء عن خطيبتي وش اسوي ؟!
من قال لا ادري فقد افتى
مشكلتك مرة صعبة انت بين نارين خايف ترفضها ويكون كلام غلط ويصير ظلمت البنت وظلمت نفسك ووخايف ان يكون كلام صح وتقبلها وتطلع تكلم وتعيش حياتك في شك وتبدا تراقب جوالها وتحبسها وتعيش حياة المعاناة الله يعينك |
رد: سمعت كلام سيء عن خطيبتي وش اسوي ؟!
طيب كيف عرف خويك عن البنت وكيف عرف ان هي نفسها البنت .. الي كانت تكلم خويه؟؟
وهل انت ضامن 100% ان لو خطبت وحدة ثانية انها ماكانت تكلم احد؟؟ انت في زمن ما تضمن فيه احد لا تقدر تصدق ولا تقدر تكذب.. |
رد: سمعت كلام سيء عن خطيبتي وش اسوي ؟!
من الافضل للبنت انك ماتتزوجها
لانها لو كانت اشرف نساء الارض راح تضل تفكر بكلام صديقك ثم بعدين أطلقها ، وهي ايش ذنبها اراه ظلم لها ، ولو اعرفها راح اقولها ما توافق عليك ، لانك خطر عليها وحسبنا الله ونعم الوكيل على قاطعي الارزاق |
رد: سمعت كلام سيء عن خطيبتي وش اسوي ؟!
اخوي لاتظلمها انتبه
معروف البنت اذا انخطبت يكثر القيل والقال انا قبل زوجي خطبني شخص من عائلة اهلي يحبونها جدا وفرحوا به والرجل واهله ماقصروا صراحة تمت الموافقه وعملنا وليمة وتمت النظره وتمت الامور والخطبه واعطاني هدايا خطبتنا وصرنا مخطوبين بعدها بفتره دق ابوه ع ابوي وجلس يعتذر كثييير وقال الولد ماعاد يبغى واجل فكرة الزواج الحمدلله يشهد الله اني فرحت لاني غصبت نفسي عليه عشان اهلي بس امي حاولت تعرف السبب فقالت امه انه فيه وحده تكلم الولد وتزعجه وووووو وطلع كلام كثير من ضمنه اني راعية خرابيط وامي ماعلمتني بس قامت تعايرني وللاسف هي تعرفني وانا عرفت كل ليله اتوضاء واقوم كل الليل وابكي بحرقه واطلب العوض واطلب حقي بعدها بكم شهر انخطبت وتزوجت اول شي عرفت الي كان يكلمه وحده من اهل البيت ثانيا هو تزوج لكن بعد زواجه بشهرين اصيب بحادث وضل بغيبوبه سنه كامله ثم صحى طفل الان يحبي ياكل زي الاطفال ويتعالج بمركز تاهيل كنت وقتها وانا ابكي واصلي تدخل امي وتسبني انه الله ماراح يتقبل مني واني لي وجهين وقلت لها انا متاكده ان حقي باشوفه بعيوني والحين يقولون حقك يافلانه الله نصرك ع الظالم انتبه لاتظلمها ترى دعوة المظلوم مستجابه |
رد: سمعت كلام سيء عن خطيبتي وش اسوي ؟!
قد يكون مرسل من شخص اخر او هو نفسه حاط عينه عليها
اذا كان الكللل يمدحها فعلا فعلا فهي مطمع لا تستبعد 😊 وتحصل كثير! لكن مايمنع انك تتاكد |
رد: سمعت كلام سيء عن خطيبتي وش اسوي ؟!
اقتباس:
حتى لو تجاهل كلام الرجل وتزوجها.. سيبقى في نفسه الشك أن صديقه يعرف ماضي زوجته.. ------ الله يعينك ويفرج همك |
رد: سمعت كلام سيء عن خطيبتي وش اسوي ؟!
السلام عليكم ورحمة الله وبركاته ,,
الأستاذ الكريم هيرو . فوالله ليس بصديق هذا الرجل ، إذا من البداية ستُرخي سمعك للآخرين لا تتزوجها واتركها سيأتي نصيبها بأفضل . المفترض أن تسد بوجه كل من يتحدث عنها ، وأنت الوحيد تعرف من هي هذه الفتاة وأخلاقها .. من المحزن صار الحديث عن بنات الناس سهل ،لاحول ولا قوة إلا بالله .. إذا بدأت الشك اتركها .. أسأل الله من يأتي بكلام سيء عن بنات المسلمين ويحاول الإفساد يرد كيده في نحره . |
رد: سمعت كلام سيء عن خطيبتي وش اسوي ؟!
( َيا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ )
الحجرات : 6 |
| الساعة الآن 08:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©