رايكم في زواج العشرينيه من رجل بالخمسين
 

السلام عليكم ورحمه الله وبركاته

دمتم في تمام الصحه و العافية

حبايبي وخواتي بدخل بالموضوع على طول
وابغي رايكم واقتراحاتكم ونصائحكم الجميله لي
انا طبعا منفصله عمري 26 عندي ولد عمره

انا الان تقدم لخطبتي شخصين :
الأول : مطلق عمره 30 وعنده بنت وولد بس عايشين مع امهم
والسكن ساكن معه ابوه في نفس البيت يقولون انو شقه كبيرة ؟
والمشكله انو ذا الناس كل عايلتهم مطلقين امه منفصله عن ابوه ، اخوه الكبير ايضا
منفصل عن زوجته ، خواته 2 مطلقات ،
بصراحه من مجالستي معهم احس انهم شوي ماخذين امور الزواج مدري كيف بصراحه يعني الطلاق عادي عندهم احس كذا ما اتحت اخاف اطلق بعدين
وولدي طبعا مراح يكون معي yyy


الثاني : ارمل عنده 4 بنات وولد واحد
طبعا كل بناته كبار ومتزوجات وولده مملك
راضي بكل شروطي وراضي بولدي معي ايضا
وفاهم الدنيا وعاقل ورزين
بس عمره 49 - 50
بس لو تشوفونه تقولون توه في بداية الثلاثين
حتى ضغط وسكر ماعنده ماشاء الله تبارك الله
راعي سفر ومقتدرا جدا وحنا نعرف اهله من بعيد بس

وهو يبغي وحده بنفس عمري


ومحتاره يا اخواني والله مدري شنو اسوى
واهلي يقولون القرار لك انتي بس ابوي خايف من عمره وكذا


وش رايكم عطوني من تجاربكم فديتكم

رد: رايكم في زواج العشرينيه من رجل بالخمسين
 

اسألي مستشار اخبر منا بهالامور

رد: رايكم في زواج العشرينيه من رجل بالخمسين
 

رد: رايكم في زواج العشرينيه من رجل بالخمسين
 

عندها استعداد تضحي بحاجاتها العاطفية والجنسية والتوافق الفكري اللي غالبا يكون معدوم وغيرها وغيرها؟

هو مو عالرقم.. لكن الرجل بهذا العمر احتياجاته غالبا مختلفة تمااااما عن من هم اصغر عمرا

ولا تتناسب مع البنت بعشريناتها.. حتى لو ابدى رغبة بالارتباط بها

استخيري واحسبيها من كل النواحي السلبية والايجابية

رد: رايكم في زواج العشرينيه من رجل بالخمسين
 

الرجال معادن
والعمر مايفرق
المهم ان يكون رجل صالح واخلاقه طيبه ومشهود له

اسالوا عنه ثم توكلي على الله واقبلي به
عسى ان يكون وجه خير عليك وعلى ابنك
ويعوضك الله فيه

رد: رايكم في زواج العشرينيه من رجل بالخمسين
 

مرحباً أختي..

أستخيري أولاً وآخراً..

الأول قريب من عمرك ولكن وضعه ما يطمن، عائلتهم مستسهلين الطلاق..
( والله العالم أنه بيتزوج وحده لخدمته هو وأبوه )..

الثاني ممتاز إذا كان رجل صالح يخاف الله فيك..
لكن مثل ما ذكرت الأخت فانتي..
ضعي في إعتبارك الفروقات والإهتمامات وفارق السن بينكم..
( العمر لا يعيب أحد إذا كان رجل بمعنى الكلمة )

أنتي ذكرتي أنه لا يعاني من شي وصحته ممتازة ( ماشاء الله لا قوة إلا بالله )..
وكأنك تلمحي أنه مقتدر جسدياً وسيلبي إحتياجك العاطفي..
غالباً الرجل في هذا السن لا يفكر كثيراً في هذا الجانب، بينما أنتي العكس..

ربنا يكتب لك الخير والصالح

رد: رايكم في زواج العشرينيه من رجل بالخمسين
 

والله لو الموضوع لي
برفض هذا وذاك :(
انا قريبه من عمرك واللي مطلق اخاف يطلقك مرا ثانيه
والكبير بالعمر .. كبير .. اخاف ماافهمه ولا يفهمني او يقصر معاي ب احتياجاتي الخاصه بسبب عمره
انا تكلمت عن نفسي ...
انتي شوفي نفسك اذا لازم ي دا ي دا
عندي الارمل تضمنين ولدك وحياتك لان وضع المطلق يخوف مرا

رد: رايكم في زواج العشرينيه من رجل بالخمسين
 

عنوان الموضوع عن الخمسيني ( وكأنه الميل له أكثر )

وبداخل الموضوع معاه واحد ثلاثيني

ورأيي الشخصي

أعطي لنفسك فرصة سنة أو سنتين لعله القادم يكون أفضل
والله الرازق

رد: رايكم في زواج العشرينيه من رجل بالخمسين
 

الثاني افضللو انا بختاره مع الاستخارهاهم شي يكون ذا دين وخلق ومتعلم

رد: رايكم في زواج العشرينيه من رجل بالخمسين
 

السلام عليكم ورحمة الله وبركاته.

حبيبتي سهام الأول لاتفكري فيه أبدا..

أما الثاني تتوقعي رجل الخمسين وعنده أولاد ووو ماذا يريد منك وبعمر بناته؟!

ليس بالشكل و الملامح حتى لو مبين ثلاثين لكن في تفكيره احتياجاته كرجل وخاصة في عمر كهذا وأنت بعيدة كل البعد احتياجاتك كفتاة وفي عمر مثل هذا.

فكري فقط بعقلك ولا تتسرعي واستخيري..

كتب الله لك الخير.