|
خطوبتي من ابن عمي
السلام عليكم
هذا اول موضوع اشارك فيك واريد نصايحكم ورايكم؟ انا مخطوبه من ولد عمي وخلاص تم عقد القران وتمت الموافقه من الطرفين وايضا موافقه الاهل الموضوع هو قبل عن الخطوبه كان ولد عمي يحبني وانا ما احمل له اي مشاعر --- قعد يسوي الف طريقه عشان يجذبني صوبه بس انا رفضت / بيتنا يم بيتهم. اتجاهله واسوي اي شي عشان ما اخذه او ارتبط فيه مع مرور الايام وبعد ما صارت الخطبه تغير فكري عنه تماما صرت احبه وهو يحبني./ هو بعده مستغرب شو الي غيرني.. اول الايام من الخطوبه كان طول الوقت معي ينفذ اي شي اقوله مايردلي طلب مخليني ملاك' لانه كان يحبني من زمان بس انا لا. مع مرور الاشهر لما حس اني بديت احبه قعد يزعل كل يوم مايمر يوم الا وهو زعلان مني/ اعرف بتقولون يتدلع عشان اراضيه. اوكي يتدلع واراضيه بس ما كذا اقعد اكلمه ويرد علي بكلمتين لين ما يهدا وفي اليوم الثاني يدور اي زله عشان يزعل مني. انا اسوي الي علي وارد اراضيه حتى لو ما كنت غلطانه. الحين لما هو يسوي شي ملحوظ وانا ازعل وربي ما يجي يراضيني مثل اول اول يموت ولا ازعل منه. اقوله تراك زعلتني يقولي زعلي من اليوم لين باكر !! اكثر عن مره يقولها؟ قبل كان هو يرسل ويتطمن الحين لا ما يرسل الا اذا شافني انا راسله .. الحين انا ما عارفه اتصرف معه اراضيه يرضى ويزعل ع اي شي احسنا م فاهمين بعض مع انه هو يحبني وانا احبه. لكن هو تغير بـعد ما عرف حبي له ماصار يهتم ولا يرسل ولا يتطمن حتى مثل قبل. مع انه يهديني كل ما يرجع من السفر. الحين يعني كانه خلاص م يريدني؟؟؟ مع انه يموت فيني م فاهمه شي انا ساعدوني ما عارفه شو اسوي! |
رد: خطوبتي من ابن عمي
لما رآكِ في هواه متيمة
عرف الحبيب مقامه فتدلالا 😍 حبيبي ما أعرف إنتي من أي نوعية من البنات يمكن تكوني مضيقة عليه وبكل مكان وبكل وقت طالعتله .. وهو بدأ يمل ويطفش ! الله آعلم نصيحة حبيبتي / لا تراضينه ع كل شيء .. لما تغلطي راضيه وبعدها أعطيه وقته يراجع نفسه ويرجعلك .. غلط إنه ما يكون صدر منك أي شيء ومع ذلك تطلبين الصفح والغفران لا .. من راح ع كيفه وكيفه يوديه .. خله ع كيفه وكيفه يجيبه 😊 |
رد: خطوبتي من ابن عمي
اذا غلطتي اعتذري
غير ذلك لاتعتذري وتعاملي معه بشكل عادي, أسألي عنه وتطمني عليه و كأنك لاتعرفين بزعله |
رد: خطوبتي من ابن عمي
اثقلي شوي الحب مو تملك كل يوم زعل و كل يوم تراضيه اشتغلي بأمورك و خليله مساحة يتنفس فيها و قواعد الاحترام لازم تتحط من هدا الوقت ادا لا تفلت الامور من ايدك بعد الزواج و يتفاقم الامر
|
رد: خطوبتي من ابن عمي
الرجال يحبون البنت الثقيله لنه يشوفها مميزه الي تسحب عليه وتطنشه يحلق وراها لما صرتي خفيفه سحب عليك صرتي مثل غيرك
|
رد: خطوبتي من ابن عمي
اقتباس:
|
رد: خطوبتي من ابن عمي
اقتباس:
وبعض الاوقات لمن يزعل اطنش واغير الموضوع. و انا للحين ماسكه نفسي مب على اي شي يزعل ع اراضيه بس اراضيه اذا كان زعله كايد. واكثر عن مره اطنشه ولما يشوفني مطنشتنه يقعد يطلع اللوم علي. هو كان يلحق وراي عشان بس اعطيه وجه الحين اذا ما رسلت ولا طنشت يزعل ويقول تمي كذا |
رد: خطوبتي من ابن عمي
اقتباس:
ثقلت وطنشت بس هو يكابر ومودي الي فراسه يسويه من عرف اني احبه كذا تغير ومع انه انا ما اتواصل معه دايما عشان فرق التوقيت هو مسافر وفرق التوقيت كبير اعطيه وايد وقت يقعد بروحه ومع ربعه اما الوقت الي يقعد معاي ينعد ع الاصابع |
رد: خطوبتي من ابن عمي
اقتباس:
قعد يزعل يقول انتي ما تهتمي فيني م فهمت له ابدا اذا اهتميت تمادى وهو ابدا م يسال واذا راسلته شوي قعد يسوي سوالف واذا ما راسلته خير شي يزعل |
رد: خطوبتي من ابن عمي
اول شي انا من النوع الهادي
نفس الوقت من النوع الي يهتم وكذا بس اني نشبه واطلع له فكل مكان لالالالالالالا هذا مش طبعي ابداً. هو يعاند ويتغلا لكن انا ما قادره استحمل هالتغلي😟 هو يموووت فيني قبل قلت له ما بنتواصل ' هو الي اصر انه نتواصل ومادري شو من خلاص عرف اني له م عاد يهمه شي بس همه يزعل ويطنش ويتدلع اكثر من مره طنشت بس ماشي فايده. م عارفه شو اسوي😔 ساعديني |
| الساعة الآن 06:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©