منتدى عالم الأسرة والمجتمع - عدم رد الخطاب بعد رؤية اهلهم لي يضايقني

منتدى عالم الأسرة والمجتمع

صفحة 1 من 2

1

عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - عدم رد الخطاب بعد رؤية اهلهم لي يضايقني (http://www.66n.com/forums/showthread.php?t=261777)

nice1413

31-07-2015 03:00 AM

عدم رد الخطاب بعد رؤية اهلهم لي يضايقني

السلآم عليكمم
بدخل ب الموضوع ع طول
شششسمه انا بنت طبعا عمري 23 والحمد لله اصلي واصوم وملتزمه بس كل ماانخطب مايتم واحيانا يججون اهله يشوفوني بالبيت ومايرجعون لنآ اي شيء اخر شي جونا ناس قبل يومين ولاردو لين اليوم
بس انا راضيه ب القضاء خيره وشره وراضيه باللي ربي كآتبه لي
صح مثلي مثل اي بنت ودها تتزوج وكذا وتعيش حياتها مثل غيرها
بس كل ماجلست مع صديقاتي اغلبهم متزوجآت لآ التقينا في زوآج يقولون كلنا تزوجنآ وانتي باقي ومدري ايش حرام كذا ليش مايفهمون ان كل شيء بيد ربي لو خير ربي كاتبه لي بيجي ،
وششسمه ابيكم تدعوون لي الله يخليكم صرت اكرهه الطلعات مع هذي النوعيهه الللي كذا بس تقول تزوجنا وانتي باقي ومدري وش نفسيتي تعقدت والله rfegr
اول مره افضفض ب اللي في بالي بس والله مقهوره عشان كذا كتبت موضوعي
وشكرا لكم fffsg

تم تعديل العنوان ليتناسب مع المضمون

رائحة البخور

31-07-2015 03:09 AM

رد: عدم رد الخطاب بعد رؤية اهلهم لي يضايقني

ينقل الي قسم المقبلين علئ الزواج
حيث مكانه الانسب

VANITY

31-07-2015 03:36 AM

رد: عدم رد الخطاب بعد رؤية اهلهم لي يضايقني

ياللدراما.. مقهورة من ايش؟ تعقدتي من ايش؟ وش تشتكين منه؟؟!

اذا بتتزوجين بتتزوجين عشان ايش وعشان مين؟ عشان تستقرين وتبنين حياتك ولا عشان تصيرين مثل صديقاتك بس؟؟!

بالنسبة للحريم اللي يزورون ويروحون ولايردون.. الافضل الخطبة والشوفة الاولية تكون لراعي الشان "الخاطب"..

مثل ماقلت قبل انا شوفة الحريم ماوراها خير وفيها اهانة للبنت كنهم يقلبون بضاعة تعجبهم ولا ماتعجبهم..

النصيحة الاهم وسعي مداركك ولاتلتفتين لسفاسف الامور وتتركين المهم..

miss luna

31-07-2015 03:42 AM

رد: عدم رد الخطاب بعد رؤية اهلهم لي يضايقني

كله مقدر ومكتوب ولسا عمرك ماشا الله حلو كثير اكبر منك ولسا ماتزوجو عادي بس الافضل انك تحاولين تقللين الجلسه مع صديقاتك المتزوجات وتشوفين صديقاتك اللي مثلك بنات لانه يكون بينكم اشياء مشتركه وتقدرين تنبسطين معاهم ان شاء الله

nice1413

31-07-2015 03:45 AM

رد: عدم رد الخطاب بعد رؤية اهلهم لي يضايقني

اقتباس:

المشاركة الأصلية كتبت بواسطة VANITY (المشاركة 3285674)

ياللدراما.. مقهورة من ايش؟ تعقدتي من ايش؟ وش تشتكين منه؟؟!

اذا بتتزوجين بتتزوجين عشان ايش وعشان مين؟ عشان تستقرين وتبنين حياتك ولا عشان تصيرين مثل صديقاتك بس؟؟!

بالنسبة للحريم اللي يزورون ويروحون ولايردون.. الافضل الخطبة والشوفة الاولية تكون لراعي الشان "الخاطب"..

مثل ماقلت قبل انا شوفة الحريم ماوراها خير وفيها اهانة للبنت كنهم يقلبون بضاعة تعجبهم ولا ماتعجبهم..

النصيحة الاهم وسعي مداركك ولاتلتفتين لسفاسف الامور وتتركين المهم..

انقهر من كلامهم طبعا تحسسني انها شي وانا شيء ثاني
اكيد انا ابي الاستقرار مو عشان صديقاتي بس مره ماله دآعي هذا الكلام
لان هذا شيء ربي كاتبه لنا ،
احنآ عآدآتنآ كذا اول اهل الولد يجون وبعدين يجون الرجال gfg
ان شاء الله ، يعطيك العافيه وجزاك الله خيير

nice1413

31-07-2015 03:47 AM

رد: عدم رد الخطاب بعد رؤية اهلهم لي يضايقني

اقتباس:

المشاركة الأصلية كتبت بواسطة miss luna (المشاركة 3285678)

كله مقدر ومكتوب ولسا عمرك ماشا الله حلو كثير اكبر منك ولسا ماتزوجو عادي بس الافضل انك تحاولين تقللين الجلسه مع صديقاتك المتزوجات وتشوفين صديقاتك اللي مثلك بنات لانه يكون بينكم اشياء مشتركه وتقدرين تنبسطين معاهم ان شاء الله

انا عارفه ومؤمنه بالقدر خيره وشره وراضيه باللي ربي كاتبه الحمد لله .
انا مقلله الجلسه معاهم بس احيانا نلتقي ب الزواجات ويتكلمون كذا
ان شاء الله ، الله يسعدك

*أوراق*

31-07-2015 04:53 AM

رد: عدم رد الخطاب بعد رؤية اهلهم لي يضايقني

احسك تتوهمين ان الناس تشفق عليك او تستغرب انتي ليش ماتزوجتي
تراك مو محور الكون هذا اولا
وثانيا توك صغيرة مررة على الخوف من عدم الزواج
رزقك بيجيك ومن اسلوبك احسك اصغر من 23 بكثير

حبق	31-07-2015 06:24 AM

رد: عدم رد الخطاب بعد رؤية اهلهم لي يضايقني

بالنسبه لصاحبة الموضوع
حبيبي توك صغيره على هالكلام والهم
لما كنت بعمرك ولا اجيب طاري الزواج همي دراستي ووناستي hhر
والله يرزقك الزوج الصالح اللي يسعدك ويغنيك عن الطرق الكثيره المدري ايش هي الله يغنينا بحلاله عن حرامه وبفضله عن من سواه .. nngff

فرح تايه ~

31-07-2015 07:55 AM

رد: عدم رد الخطاب بعد رؤية اهلهم لي يضايقني

الله يرزقك بحق هالجمعة اللي يسعدك ويهنيك ويشيلك على كفوف الراحة

مو مشكلة متى نتزوج .. الأهم منوو نتزوج ..؟!

إن شاءالله ربي يجعل نصيبك مع واحد سيد سيد أزواج صديقاتك ..

ولا ترخي راسك لصديقاتك .. حياتك الشخصية خط أحمر ليه ما تزوجتي ! هذا مو من شغلهم على أساس هم يملكون لأنفسهم ضرا أو نفعا ! أعطيهم ردود قوية وبيسكتون عنك !

Rudi	31-07-2015 06:34 PM

رد: عدم رد الخطاب بعد رؤية اهلهم لي يضايقني

لمثل هذي المواقف المفروض تستعدين لها كونك حساسة

شدي حيلك بدراستك و خلي عندك طموح للماستر و كل من يسألك جاوبي ان دراستك اولى اولوياتك ..

و محد بيتكلم عندك لأن عرفوا ان عندك توجه

..

.

الساعة الآن 08:04 PM.

صفحة 1 من 2

1

عرض 40 مشاركات من هذا الموضوع لكل صفحة

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©