|
ليه لما تزوجتها حقرتها؟
من قلبي لقلب كل رجل متزوج
ليه ما تعيش جو مع زوجتك؟ كل زوجه سواء عمرها في العشرين وإلا الأربعين . مر على زواجكم شهر والا ثلاثين سنه لها نفس الاحتياجات دامك عارف يا آدمي انها عاطفية خلقه فكرت اليوم تجيب لها ورده ؟فاجاتها برسايل حلوه ؟ قلت لها لما تنوم عند أهلها انك اشتقت لها ؟ لما تكون لحالك فكرت بالأشياء الحلوه اللي تسويها لك ؟ ليه تحقر زوجتك لما تتزوجها وما تخليها حبيبتك؟ معقوله لما صار عندك وحده تصونك وتحفظ بيتك حقرتها ؟ تدري انه مره شئ قوي ويقهر أنها تعيش معاك محرومة من الكلام الحلو واللمسه الحلوه والمعاملة الحلوه وتبقى صاينتك وحافظه بيتك وتجيب منك عيال وتشوف الموت في الولاده. لا انت اللي عيشتها جو ولا انت اللي خليتها تشوف حياتها فكرت تحاسب على كلامك وتصرفاتك معها؟. محترمها من وراها ومن قدامها؟ قد مدحت لها الأشياء الحلوه اللي تسويها مثل ما تذكر لها الأشياء الشينه؟ تمدحها عند اهلك ؟ لبست شي سنع في البيت وتعطرت علشانها؟ بستها او ضميتها قدام أولادكم ؟<< لا تصير ثور عاد وتجيني بغبرتك اقصد بشكل معقول علشان يتعلمون أولادكم أن هذا الصح والمفروض يصير سو هالاشياء اول بعدين تفلسف علينا بالمسخره مع ربعك وبالزواج الثاني والحب والغرام . السالفة مو حياة ممله روتين ومقاضي بيت وسرير. كذا تحسس زوجتك أنها آلة تفريغ وتفريخ في النهايه هذي أشياء والله حلوه وما تكلف احب يكون عندي زوج يعشقني يسعدني ينبسط انه يقضي وقته معي يشتاق لي ويفكر فيني لما ابعد عنه يفاجئني بأشياء لو كانت بسيطه يفتخر اني زوجته عند اهله واصدقاءه يذكر محاسني اكثر من عيوبي يشوف خاطري واشوف خاطره ويقول أنا أسف إذا غلط علي ملاحظه *هالموضوع من سبة المشاكل اللي اقراها في قسم المتزوجين ومعرفتي من حياة وتجارب المتزوجين حولي *أنا قلت اللي عندي وإدري أن مو كل الناس كذا *ادري الزواج مسؤليه بس بالله مو حلو تصير هالاشياء بحياة. المتزوجين؟ * لا توجهون الرد لي شخصيا اكتبوا الأشياء اللي تحبون تصير في النصف الاخر كذا كل واحد يفهم الثاني لان معي أو ضدي أنا مقتنعه بكل كلمه كتبتها |
رد: ............ ليه لما تزوجتها حقرتها؟
معاك مية بالمية ولكن للاسف الرجال حياتهم سرير سرير سرير وبدون ﻻشوق وﻻ ذوق وبشكل اقل من عادي ﻻ يعرفون يتزينون ﻻ بالكﻻم مع زوجتة وﻻ غيرة للأسف البعض مثل البهايم ويقول لية زوجتى ماتتفاعل معي وربي لو عرفت قد ايش الكلمة الحلوة واللمسة الرايقة والمداعبات تاثر فيها كان ماحد تشكى
واذا انتهى من السرير يادوام يا اصحاب وخرجات وزوجتة تفقد الجانب العاطفي بتاتا ولوﻻ خوف الله كان خانتة يارجال افهمووا الحرمة تبغى تقدير واحترام سوا بينكم او امام اﻻطفال او اﻻهل تبغى عاطفة ضمها بوسها عيشها جوها ....خلها حبيبة عشيقة صديقة بالنهاية هى حلالك قدر تعبها ﻻطبخت ﻻ حملت وولدت اعرف لغة الهدايا بين الزوجين بعضهم للاسف قليلة بحقة كلمة ثور ﻻ دين وﻻ اخﻻق وﻻ تقدير وشين وقوى عين بعد استغفر الله تلقينة يتشرط صارحها بالى تبية مو تقول زوجتى ماتعرف ايش ابغى او احب فى جميع نواحي الحياة وخاصة عﻻقتكم الخاصة وقبل اي شيء خاف الله واتق الله فى معاملتها الموضوع كبير ولي عودة |
رد: ............ ليه لما تزوجتها حقرتها؟
لأنها حلاله
والبعض مايبغى الا الحرام هذا اقصر وابلغ واصدق جواب |
رد: ............ ليه لما تزوجتها حقرتها؟
باختصار شديد ما فائدة الزواج اذا كان الاشباع بين الزوجين مفقود
|
رد: ............ ليه لما تزوجتها حقرتها؟
ببساطة كوني له أمة يكون لك عبداً
اما وحده كل ويك اند تنام عند اهلها ومهمله البيت والعيال واغلب وقتها صديقات ومولات واكل من برا وش يمدح فيها اكيد بيذكر عيوبها ولا راح يذكر لها حسنة من النهاية مثلكم ياحريم افهموا الرجال اذا ما ارتاح ببيته يقضي اكثر وقته برا البيت لأنه مريح اكثر واذا هو خان او هي خانت لانعلق الشماعة على فقدان العاطفة |
رد: ............ ليه لما تزوجتها حقرتها؟
[QUOTE=ظل الياسمين
لا انت اللي عيشتها جو ولا انت اللي خليتها تشوف حياتها /QUOTE] ممكن توضحين لي معني تشوف حياتها مادري وش تقصدين في هالكلمة |
رد: ............ ليه لما تزوجتها حقرتها؟
اقتباس:
أسمعي مزبوط ( كوني له أمه ) أقسم بالله ما تشتكي منه وتحطيه في عيونك ويكون خاتم باصباعك.. الرجل كالطفل لو عرفتي كيف تهتمي فيه لملكتي قلبه.. |
رد: ............ ليه لما تزوجتها حقرتها؟
اقتباس:
اقتباس:
كنت بجهز رد بعد الفطور بس ردودكم بردات قلبي يعطيكم العافية وفيتو وكفيتو |
رد: ............ ليه لما تزوجتها حقرتها؟
سبحان الله أنا هذا من أحد الأسباب لي مكرهني من الزواج لأني أعرف أنني سأستمتع في أول سنوات الزواج قم كل شيء يذهب لا الحب و لا المشاعر و لا كل الزخارف التي نحصل عليها الآن
|
رد: ............ ليه لما تزوجتها حقرتها؟
اللي يشوف السيارات بأيدهن
الحرمة شورها و استئذانها بيدكم و من المشاكل اللي اقرأها. ان حتى اللي منطقة بالبيت وصارت أمة على قولتكم. تشتكي ويستمر الرجل بالخروج مع أصحابه و لا يعبرها |
| الساعة الآن 07:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©