|
مخطوبه وشايله هم !!!
سلام عليكم ورحمة الله تعالى وبركاته .
كنت وايد ادخل المنتدى . ويعلم الله اني استفدت وايد منه بصراحه عندي مشكله . انا مخطوبه من فتره بسيطة بعد استخاره والحمد لله وبدأت اشيل هم اني بفارق اهلي واسكن في بيت بروحي . صحيح انه فرق بين بيتنا وبيت زوجي ممكن عشر دقايق . بس انا متعلقه في امي . فرحتي ماكتملت بسبب هالموضوع . احس بضيق وحزن . حاولت اقنع نفسي بس ماقدر . فما نصيحتكم ولو بكلمه . شكرا لكم |
رد: مخطوبه وشايله هم !!!
عادي مع الوقت تتعودي راح تبكي شوي وتحسي بضيق بس اشغل حياتك ويروح الضيق ان شاء الله
|
رد: مخطوبه وشايله هم !!!
عادي اغلب البنات كذا وخصوصا اللي تنتقل لمدينة ثانية لكن يضغطون ع انفسهم
طبعا هذا في البداية بس لكن مع الوقت تتعودين |
رد: مخطوبه وشايله هم !!!
قسم بالله قريت موضوعك وانا في فراشي ابكي .. بسبب هالموضوع بالذات قاعده افكر كيف بافارق اهلي كيف بتركهم انا شلون رضيت !! ..
انا بروح لمنطقه ثانيه مو بنفس المنطقه .. يعني بتغرب .. اذا جلست اتقهوى معهم وشاي وسواليف وتذكرت اني ببعد عنهم اتنكدددد واختنق و بس اعصب و متوتره ولين جيت انوم ابكي .. ولا شكيت لاحد لانه نصيبي ومابي يضيق صدرهم وخاصه اني متعلقه فيهم مرررره ومن جهه صديقاتي يبكون اني ببعد .. و احيانا احس استعجلت واندم اني وافقت واحيانا اهونها مع انها ماتهون والله كيف بفارق امي وابوي واخواني واي احد يقول لي كلمه وش فيك ابكي على طول .. الله يعدي هالفتره على خير وخطيبي مدري زوجي ماعطاني فرصه اتعرف عليه اكثر هي كانت مكالمه وحده .. ""::: كان ودي يهون علي و احس بامان اقل شي بس الحمدلله نشوف مع الايام .. ماشيه على البركه انا المهم اني خايفه ونححححفت نحف وقالوني نار وشرار والحمدلله على كل حال الله يقويني ولا يبعدني عنهم بشر ولا يحرمني منهم ويخليهم لي ويارب زوجي يلقى وظيفه بالرياض قولو امين ""::: يعني ماشاءالله عليك انتي احسن مني لين اشتقتي يمديك تزورينهم الله لا يحرمك منهم ويخليهم لك |
رد: مخطوبه وشايله هم !!!
شكرا على ردودكم . كلامكم خفف عني . والكل يقول لي بتتعودي .
ولا تحرمونا من دعواتكم . جزاكم الله خير |
رد: مخطوبه وشايله هم !!!
^
تدرون اني ما نمت من هالموضوع موضوع الغربه والشوق صعب والله .. بديت حتى اقرى عن كيف اتعرف على جارات عشان لا اتوحد .. برسل لهم حلا بتعلمه برمضان انشاءالله ههههههههه عسى زوجي يكون طيب ويقدر الغربه والبعد الله يسخره لي واكون قرة عينه ادعولي ولكل وحده تمر بهالمرحله راشديه والله ادري دخلت في موضوعك غلط بس مره لما شفت كلامك جاني الالهام وتفجرت الاحاسيس والمشاعر.. لدرجه ابكي مانمت كيف بترك جنتي و الامان .. الله يحفظهم راشديه عزيزتي ماشاءالله 10 دقايق باذن الله مو صعبه وحتى لو زوجك بيروح مشوار لا صدقائه يقدر يحطك عند اهلك .. لين يخلص شغله يعني باذن الله ماراح تبعدين عنهم وتفارقينهم الله يخليهم لك ويخليك لهم هذا غير التيلفون لا تشيلين هم ولا تخافين الله لا يحرمك منهم ويسعدك بزواجك ويسخره لك وانا ادعي لي زوجي ينقل لرياض قريب عند اهلي |
رد: مخطوبه وشايله هم !!!
الى اختي حبق . .
اكذب عليك اذا قلتلك مابكيت . بس الكل يقول لي عادي بتتعودي . يعني مسألة وقت . انا مامتواصله مع خطيبي لانه بعد ماملكنا. المفروض صديقاتك يخخفون عنك. مايزيديونك حزن لاتنسي. الدعاء في السجود له اثر كبير . والاستغفار . وربك يسهلها علينا . |
رد: مخطوبه وشايله هم !!!
هههههه ترا بس يمكن دلع بنات . نبي نقعد جنب امهاتنا ع طول ههههههه
وان شاء الله ربي بيسخرلنا ازواجنا . وانا شاء الله يارب تنتقلين الرياض . |
رد: مخطوبه وشايله هم !!!
هذا شي طبيعي جداا ..
مابالكم باللي اخذ زوجته بعد الزواج بثلاث ايام خارج المملكة ولم تكن لاجل شهر عسر بل للدراسة .. وكذلك زوجتي لم تكن متعوده على الخروج من المدنيه اساسا ... صح انها بكت وبكت وبكت اول ما طلعنا من مدنتهم بتجاه المطار .. ولكن الحمدلله استمر الوضع طبيعي جدا .. والان اصبح الذهاب عند اهلها قليل ولا تحب ان تطيل .. الله يسخر لك زوجك .. ويحفظ لك والديك .. .. |
رد: مخطوبه وشايله هم !!!
اقتباس:
ويحفظ لكم غاليكم ومغليكم .. والله انا من الحين ابكي وما احط عيني بعين امي وابوي عشان ما ابكي مابيهم يحسون .. الله يسهل امري وامركم |
| الساعة الآن 02:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©