|
اهل خطيبي لن يحضرو شبكتي
السلام عليكم ورحمة الله وبركاته
بدخل بالموضوع على طول كلمني خطيبي "زوجي" والحمدلله اتفقت معه على الشبكه بس انصدمت ان اهله ماراح يجون :( والسبب ان امهم كبيره بالسن و البنات مع انهم كبار و7 بنات ومتزوجات بس يستحون .. مدري هو عذر او ايش .. يعني ماجو الملكه ولا راح يجون الشبكه ! ما خبرت فيه شبكه بدون اهل المعرس .. احس تحطمت وانا كنت مره متأمله وافكر فيها وكيف بسويها :(( مدري وش اسوي وعلى فكره حتى هو منقهر من اخواته وحيائهم الزايد و تقوقعهم على نفسهم . يعني وش اسوي الحين لازواج ولا شبكه ""::: ولا ذكريات تم تعديل العنوان ليتناسب مع المضمون |
رد: اهل خطيبي
خلي امك تكلمهم
و عادي اذا ما جوو سويها |
رد: اهل خطيبي
وعليكم السلآم
عزيزتي : إقتنعي قنآعه تآمه آن لجميع شخص في هذه الدنيآ لديه اعذار كمآ قال الرسول " إلتمس لآخيك 70 عذراَ " فآلفرحه متعلقه بك و به فلا تكسريهآ وعيشيها لحظه بلحظه إنهآ أجمل آيآم العمر , دعوآتي لك بآلتوفيق |
رد: اهل خطيبي لن يحضرو شبكتي
اختي انا اشوف انها عادي جداا ..
لان الشبكه بينك وبين زوجك.. حتى تاخذون راحتكم في كل شي .. يا اختي لا تأخذين الفكرة انها من سنة النبي صلى الله عليه وسلم وانما مبتدعه من الناس ..لذلك لا تلومين احد .. قد يكون عندهم ظروف ..فهي ليست واجبه مثل الدخله او يوم الزفاف .. |
رد: اهل خطيبي لن يحضرو شبكتي
مدري ما اشوف ان الموضوع سهل
لا اجوا الملكة ولا الشبكه ! هذا يعطي انطباع انهم ما يبغونك طيب ليه ما تسوين الحفلة أو الشبكه ببيت ام العريس اذا كانت كبيره يعني تنازلوا عن المكان عشان خاطرها أو عالأقل اذا عنده عمه ولا خالة تنوب عن والدته بكره بالزواج ايش رح يصير ؟؟ كمان رح يقولوا كبيره والخوات مستحين ؟؟ مستحيل زواج بدون اهل العريس كأنه ماخذك غصب عنهم |
رد: اهل خطيبي
اقتباس:
التواصل مع ابوي و الرجال نفسه .. |
رد: اهل خطيبي
اقتباس:
بس لاني ماراح اسوي زواج بسوي شبكه كبيره وبدون اهله الناس بتحط وتعجن على الاقل وحده او ثنتين تقدير لاخوهم ولي مدري مستغربه انا .. الله يهديهم والله يصلحهم والله قهروني |
رد: اهل خطيبي لن يحضرو شبكتي
اقتباس:
انا مثل اي بنت تبي تفرح وتنبسط مابي احد يقول ليه ماجو وليه وليه فيه ناس تحب تخترع قصص من هالشي الله يسخر لي بس الله يسعدك |
رد: اهل خطيبي لن يحضرو شبكتي
اقتباس:
بس هي علمتني ظروفها وعاذرتها الله يشفيها ويخليها لعيالها بس على الاقل اخواته ؟ افكر احطها صغيره وبالبيت بيني وبينه مع ان احلامي طارت |
رد: اهل خطيبي لن يحضرو شبكتي
إحنا عندنا هالشيء عييييب وشق جييب وممكن الخطوبة تتكنسل بكبرها لأن إذا ماجاب أمه وأخواته بيوم الشبكة اللي هي الحفلة نعتبره هالشيء شبهة، يعني يا إنهم مو راغبيني أو ولدهم أقشر ومايحبونه عشان كذا محد بيوقف معاه بيوم فرحته !
عذرهم غيير مقبول أبدا ! شنو يعني أمه ماتقدر وأخواته يستحون ، 7 ماشاءالله تبارك الله فيهم رهاب اجتماعي مثلا ؟! كيف تزوجوا وفتحوا وبيوت واختلطوا بالحمولة ! أعرف اللي تستحي من الناس لا تزوجت انفكت عقدتها ، شيء غريب، هالعريس من وين جايك ؟ عن طريق منو ؟ لكم معرفة فيهم مسبقا ؟ |
| الساعة الآن 04:36 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©