لم ارتاح للفتاه التي خطبتها الوالده لي
 

السلام عليكم ورحمة الله وبركاته
أولا أنا سعيد اني متواجد بهالمـوقع وصـراحه لففتني وأضطرني أني أسجل وأعرض مشكلتي عليكم

من مبـدا وشـاورهم بالأمر فإن عزمت فتـوكل على الله

أنا شاب أعزب عمري تقريبا 27 بديت بفكرة الزواج لما الوالدة اتكلمت على بنت ارتحت ووافقت وتم الأمر ووافقو بس للأسف بعد مده وبسبب ضـروف اقلعو عن هالخـطبة وفكو الخطبة وحزنت وتألمت بس الحمدلله ماقدر الله يكون وبعدها فاتحنا ناس بس للأسف ماصار نصيب والمره الأخيره سجلت بواحد من مواقع الزواج وأعجبت ببروفايل وحده واخذت رقم امها ووافقت البنت وكانت من أفضل الحريم خًلقا وُخُلقا لكن للأسف ماصار نصيب والأن الوالده شافت بنت وأتكلمت معاهم بدون مدري ومابقي إلا الشوفه وأكبر مني بشهور وصراحه مالي رغبه نهائيا صار الموضوع لي محبط ومابغا أسعى بشي مو لي لأن من أخطا تعلم وحسيت بضيقه شديدة ومالي أي رغبه مجرد مجاملة فقط وبر والدين هل تنصـحوني مع العـلم إني الحمدلله مافيه شي بديني ولا بخلقي يعيبني يعني أصلي وهادي وحالي حال نفسي ووسيم و كل من يشوفني يرتاحلي بفضل الله بس ناقصه شغله الوظيفة لأن تـوي انتهيت من دراسة مرحلة مابعد البكالوريوس الوظيفه شرأيكم أنا محتاج جدا لمشـورتكم dgn


تم تعديل العنوان ليتناسب مع المضمون

رد: أتـزوج ولا أصرف النـظر ؟
 

كيف تتزوج وانت ما عندك مصدر دخل؟؟ انت تقول ما عندك وظيفة؟؟ هل لديك مصدر دخل؟
اخوي العالم بهذا الزمن ما يفكرون الا بوظيفة الولد.. ولا يسألون عن اخلاقه ابد.. لي سنين عايش واصحابي تزوجو كثير منهم ولا احد جاء سألني عن فلان. العالم صارت تشوف الوظيفة والاهل واذا كانت وظيفة مرموقة نسو كل شي ثاني ولا يسألون ويقررون على وظيفته الراقية للاسف. نسو الاخلاق وسمعة الولد..
الشيء الثاني ليش تدور بمواقع الزواج؟
خل اهلك واذا ما يعرفون احد..
كلم احد اصحابك الي له اخت متزوجة ( لازم متزوجة لأن الاخت العزباء مستحيل تدور لك عن تجربة) او زوجة احد اصحابك تدور لك على بنت بالمواصفات الي تبيها..

واذا ما امداك .. فيه جمعية وئام بالمنطقة الشرقية فيها قسم التوفيق وهناك تقدر تسجل اسمك وعندهم بنات ودهم بالستر..

رد: أتـزوج ولا أصرف النـظر ؟
 

اخي اذا كان لديك الله فلديك مدخل رزق سواء وظيفة او اي عمل اخر
اخي اذا وقع النصيب لن ينتكس لا اي سبب
انتظر رزقك بفارغ صبر ولا تعجل على رزقك في العجلة الندامة
لا تقلق و لاتفكر كثيرا
اكثر الاستغفار و الشكر لله
و ربنا ما بنسى احد
لا تنتظر الوظيفة تجيك على صحن ذهب اسعى في الارض
و كل من رزق الله

رد: أتـزوج ولا أصرف النـظر ؟
 

لا تجامل والدتك ابداً على حساب حياتك اما اقتناع كامل والا لا تقبل
و دعك من مواقع الزواج التي كلها كذب و ادعاء الفضيلة

رد: أتـزوج ولا أصرف النـظر ؟
 

خبر امك انك حطيت فكرة الزواج على جنب بسبب الوظيفة
لما تلقى وظيفة يومها يحلها ربنا

كيف تخطب و انت ما عندك مصدر دخل و الزواج مصاريفه كبيرة
و ما بعد الزواج كيف تنفق عليها
برائيي البحث عن وظيفة حاليا اهم من البحث عن زوجة

الله يرزقك الاثنين

رد: أتـزوج ولا أصرف النـظر ؟
 

يعني مجرد خطبة أخوي فهمت والناس أبدت موافقتها انا قلت بنفسي يمكن يكون وجهها خير علي وتنفتحلي أبواب الرزق وقريب راح تجيني وظيفة مرموقه إذا سهلها الله إن شاء بالنسبة لرأيك إن محـد يسأل مع إحترامي لك المادة مو كل شي والله والمناصب أختك أو بنتك أو قريبتك ماهي رخيصه عشان تديها أي واحد مايخاف الله خصوصا مسألة الصلاة وغيرها

الله يكتب الي فيه الخير
شكرا على مداخلتك

رد: أتـزوج ولا أصرف النـظر ؟
 

ونعم بالله العظيم كلامك يريح صراحه إن شاء الله ماني مستعجل والي مكتوب راح تاخذه
أستغفر الله العظيم والحمدلله
لا بهذي النقطة أتطمن إحنا نمشي بالأرض ونعمل بالمسببات والرزق على الله
شكرا اخي على هالمـداخله

رد: أتـزوج ولا أصرف النـظر ؟
 

لا مو قصة مجـاملة كل ام تدور عالأفضل وتحـاول تحجز البنت الي تعجبها فاهم علي يعنـي الأم ودها تفـرح ب أبنها
صدقت في هذه النقطه أغلبها كذب وتدليس الحمدلله الي ماكتبلنا نصيب فيها

رد: أتـزوج ولا أصرف النـظر ؟
 

انا كنت على راس وظيفه بس تركتها
الخبر جاء فجاه لي ومتحير صراحه
صحيح الوظيفة هي الأهم والصحه
شكرا على هالمـداخله

رد: لم ارتاح للفتاه التي خطبتها الوالده لي
 

توظف اول يامسافر.. والزواج مسالة وقت وانا اخوك..

والوالدة الله يحفظها سايرها شوي.. خذ ببرها و روح شوف البنت..

ثم قولها: ماني مرتاح بالمررررة.. صدري ضايق، كاره نفسي.. حالتي صعيبة..

وسوي لك كذا فيلم هندي شوي ضيقة صدر على زعلة خفافي على نرفزة منضبطة وحالة اكتئاب ونوم سريري..

وكم يوم سهرة خارج البيت لوقت متاخر..

وحتسايرك الوالدة... لانك اهم عندها من بنت الناس..

والله يوفقك في الوظيفة والزواااج