|
عدم تقبل اهل زوجي لي يقلقني !
السلام عليكم
مشكلتي تتلخص في حاجه وحده اعتبرها هي كل مصائبي ومعاناتي اني خلقت متوسطة الجمال مع الاسف وقت تكوني في مجتمع يقدس الجمال ويعتبره اهم حاجه في الوجود للمرأه تعرفين حجم المشكلة خطبت قبل سنوات وزوجي ماطل في الملكة عرفت بعدها ان ان أهله كانوا رافضيني وكانوا يتمنون وحدة بيضه وطويلة وجميلة بقدرة قادر تم الزواج وسط معارضه شديدة من أهله وحريم اخوانه كانوا حريم اخوانه يبون له بنت أختهم وعملوا المستحيل علشان ياخذها وفعلا راح خطبها وعملوا التحاليل وطلعت مطابقه وتم مراسم الشوفة الشرعية تالي تفركشت بعدها اصروا يخطبون له بنات ويرفض كنت وقتها معلقه مااعرف شي كنت انتظر متى يجون يملكون ماكانت اعرف نواياهم المهم طبعا تمت الخطبة قالوا نبغى زواج بسيط ومش مكلف بس على شرط يكون بعد السفر علشان نشوف متوافقين او لا وافقت لان كنت فعلا مش عارفه راح نستمر او لا سافرنا لندن وأبوي هو تكلف بالسفرة مع ان ماكان قابل ابدا بأسلوبي في الزواج ولاحتى قابل بهالطريقه رجعنا وكانت الصدمة قالوا ماراح نعمل لك زواج خلاص ماله داعي الناس عرفت أنكم متزوجين ليه الخساير !!! عملت الزواج بنفسي وأبوي تكفل بالمصاريف احضروا كان حضورهم باهت وتصرفاتهم غريبة عشت اربع شهور من اتعس وأسوء شهور حياتي تداخلات أمه لاتطاق حتى في ادق في حياتنا الشخصية تتدخل كانت حياتي مكشوفة وزوجي كل شي يقولوه لهم كانت لي غرفه وحدة وأثاثها هو الاثاث القديم من غرفه نوم حريم اخوانه وودايما أمه تتنقد بشكل جنوني تعاملها مع حريم عيالها رائع ومعي بشع الى اقسى درجه اقرا محادثاتها بالواتس اب بالصدفة كلها سب فيني وتطلب منه ان يمسح المحادثات جلست أفكر ان راح اخسر زوجي لو استمر الوضع فكرت ان افضل حل او اروح مكان بعيد جدا هو الحل البعيد خصوصا ان مع الاسف شخصيته ضعيفه وبسرعة يتاثر قدمت على جامعة أهلية وكانت مصاريفها عالية جدا جدا اكثر من مئه الف ريال فعلا انقلبت ابوي ماقصر معي قلت لزوجي وجيته بأسلوب ان مستقبلنا وحياتنا ومن هالكلام ووافق سافرنا فعلا لكن كل نزله تصير مشكلة وهوشه بسبب حريم اخوانه طبعا الكل وواقف معهم واطلع انا بمنظر السيئة يعني لو طلعنا نتمشى عملوا مشكله ليه تطلع وأمك لحالها مع انهم يسافرون ولاحتى يهتمون وكل مرة يجيبون طاري قريبتهم وان كيف جميله ومرتاحه مع زوجها الجديد !!! وصلت الامور ان يقولون له انت اجمل من زوجتك وعيالك راح يطلعون قبحين على امهم ان قلت له شي قال مااقدر أرد هم مثل خواتي كل شي جربت التطنيش والرد ولافاد نفسيتي تدهورت وانا أعاني منهم بعدها قلت لازم احط حد لكن بأسلوبي واستخدم كيد الحريم انا في معركة مصيرية في حياتي في البداية قعدت احكي له قصص كيف ان بعض الأخوات وحريم الأخوات يغارون من الرجال اذا نجح يحبونه فاشل لكن مجرد مايحسون ان راح ينجح يحاربونه بكل وسيلة وقَعَدت احكي له قصص من الي اسمعه كان هو ماخذ قرض من البنك وتأخر في التسديد لان يمر بمشكلة ماديه قال أكلم ابوي ان يسلفه قلت معليش ابوي حاليا يبني ومايقدر يسلفك أساسا ماكلمت ابوي أنجن كيف المشروع راح يكنسل وانو وانو قلت الحل كلم ابوك وقول له يسلفك ونرجعها له قال خلاص بكلمه كنت في هالفترة. أعيد له في قصص عن غيرة حريم الاخوان وكيف يحطمون مستقبل غيرهم لان عارفه ومتاكدة ان راح يرفضون ان ابوه يساعده طلب منه مساعدة وكنت متاكدة ان حريم اخوانه ماراح يقبلون هالشي جاه الرد بشكل قاسي جدا من ابوه وان كيف تتجرأ وتطلب منا وأنك مب رجال ومش كفو خلي الي رحت معها تساعدك واحنا مالنا دخل انهار زوجي اول مرة اشوفه محطم بالطريقه جاني قال معك حق رفض ابوي بسببهم في اخر نزله لنا قبل تسع شهور صارت مشكله راح لهم البيت وصار عليه هجوم شديد من ابوه واخوانه وحريمهم كنت في السياره واسمع السب له والشتم طلع من البيت قال اعتبروني ميت وماني ولدكم له شهور طويله وهو رافض يكلمهم كنت والله أتحايل عليه والله العظيم كلمهم اهم اهلك مع اني بكيت دم بسببهم بس خفت من عقوبه الله وان انا بكون ام واعرف مشاعر الام كلمهم بعد شهور قطيعة العجيب قبل حتى مايسلمون على طول طاحوا فيني سب وإني السبب الي غيرته عليهم !!! بس طبعا حريم اخوانه قطع علاقته فيهم بشكل كلي سلام من بعيد وطلب منهم ان مايسولفون معه وارتحت منهم قريب اخلص دراستي وعايشة في هم وغم ان برجع صحيح مب أعيش معهم لكن اكيد راح يوصلني الشر عشت مرتاحة بعيد عنهم والله راحه مش طبيعية طبعا اهلي ماكانوا يعرفون عن مشاكلي مع اهل زوجي مع الاسف كل نزله يصرون ان لازم أزور اهل زوجي واهم الي سعادتي عندهم !!! وانا بالعة الجمرة وساكته ماابغى أزعجهم بمشاكلي تم تعديل العنوان ليتناسب مع المضمون |
رد: لأَنِّي غير جميلة رفضوني
معليش عبى الأخطاء الإملائية
لكن اكتب من جوال والتصحيح صعب |
رد: لأَنِّي غير جميلة رفضوني
الله يخلي لك زوجك ماشاء الله متمسك فيك رغم حرب اهله والله انه كفوو
دام علاقتك معه زينه تحملي اي شي من امه خاصة بس زوجات اخوانه واخوانه خليكي قويه واوقفي وقفة حق في وجوههم . |
رد: لأَنِّي غير جميلة رفضوني
ماشاء الله عليك
تعجبني المراءه الذكيه حبيبتي انتي مالك دخل بمشكلتهم وقطيعتهم انتي حاولتي تحافظين ع بيتك وهم حاربوك ترى حاسه بشعورك مريت بنفس التجربه انتي الي عليك انه ماتحرشينه ع امه وابوه وحثيه على الاتصال بهم اختي اكثري من الصدقه والاستغفار حافظي على اذكارك وتحصينك حصني منزلك وزوجك الله يبعد عنكم كل حاسد ويسخر اهله لكم |
رد: لأَنِّي غير جميلة رفضوني
طيب انتي عارفه بالسالفة كلها قبل الملكة وعارفه طبعهم واخلاقهم ورحتي رميتي نفسك بينهم و وافقتي عليه و كمان سافرتي معه من غير زواج ليه يعني كل هذا التنازل
|
رد: لأَنِّي غير جميلة رفضوني
اقتباس:
ثانياً : أعتقد سبب عدم تقبلهم لك ، بسبب زوجك الي تزوجك مع عدم رغبة اهله . *ماله دخل بالجمال* اقتباس:
نصيحتي لك اصبري وقابلي الإساءة بالإحسان ، ولاتكثيرن الجلسة معهم ولاتطولين . . اهم شي ادي الي عليك . الين تاخذون بيت مستقل وترتاحون . وأهم شي رضا الوالدين ، أطلبي من زوجك يبر فيهم ويعزمهم ويرسل لهم هدايا ويزورهم . يعني مهما كان هذا ابوه وهذي امه .. لازم يتحمل . |
رد: لأَنِّي غير جميلة رفضوني
اهم شي زوجك واضح انه شاريك بالرغم مما يسمع،،والبنت اللي كان يبيها خلاص اعرست وراحت بحال سبيلها ..اهم شي لاتحاولين تفتنين بين زوجك واهله مهما كان هم اهله ولهم حق عليه حتى ولو كانو سيئين وانتي تقدرين تكونين بعيده عنهم لان مالهم شي عندك،،
|
رد: لأَنِّي غير جميلة رفضوني
فعلا الحمدلله ان زوجك معك
|
رد: لأَنِّي غير جميلة رفضوني
تصرفك سليم
خلي صورة واضحة لزوجك بخصوص الكلام و اضح انو زوجك فاهم الامر منيح ربنا يوفقكم و يبعد عنكم شر الناس و يخليلك ابوكي الي ما قصر معك ما تنسي من دعاء الصالح اذا كان في الامكان الابتعاد عنهم افضل الك و لا زوجك و اذا بتصارحي والدك في قصة افضل بتوخذي الرئي الحكيم ان شاء الله مهما كان لازم حد يوضع نقاط لا تدخل من اهل زوجك بحياتكم الخاصة ولازم يكون من طرفك و بلتي هي احسن ممكن توجدي حل من جهة والدك اهل زوجك واضح انهم رح يكرهو حياتو معك اذا بتقتربو بتمنى انو زوجك يعرف يفصل بين اهل و بيت لازم حد يفهمهم انو هل امر خطء ولا تستهيني بنفسك انتي انسانة واضحة مع ربك و قلبك ابيض من كلامك بس لازمك حد يساندك في حل هل امر بتصور ما في مثل الوالد لي هيك امر وربنا يسعدكم و يتمم عليكم بسترة و العافية |
رد: لأَنِّي غير جميلة رفضوني
السلام عليكم ورحمة الله
يا اختي غريب امرك .. كيف أهلك ما يعرفوا بمشاكلك .. مع انها كبيرة .. لازم تستشيري احد فاهم وعاقل ومو شرط يدخل .. .. وشي غريب ايش الي خلى اهل زوجك ..ابوه واخوانه..يطيحون سب وشتم فيه ..بهالطريقة بقولك شي ... والله اني شكيت انك اختي .. منكثر ما قصتك تشابه قصتها .. الإختلاف انها ما تدرس .. وبضعة تفاصيل .. اول شي يا عزيزتي ما خاب من استشار ... واستشييري احد من اهلك بوضعك .. ثانيا الجمال ليس له علاقه .. بكل بساطه السبب لانك لم تكوني اختيارهم وعلى هواهم .. وأضن بأنهم يعتقدون بأنك تتحكمين بولدهم .. ثالثا أنتي استخدمتي كيد النساء .. عشان تجنبي نفسك المشاكل ... لا تترددي باستعماله مره اخرى بدون مضره لأحد .. لأنهم مبين عليهم مو سهلين .. اهم شي اكسبي الأب والأم .. ومفتاحك مع الأم .. أن كسبتيها .. كسبتي معركتك .. لكن لازم تكسبيها بذكاء .. وبشكل غير مباشر .. عشان ما تفهم بأنك تحاولين استمالتها .. ومرحلة التقرب منها وكسبها .. لا تكثرين الروحلات والجايات لهم .. فقط حددي يوم اسبوعي للزياره والتزمي فيه .. والافضل لو بحثتي عن وظيفه في نفس مكان دراستك .. او في مكان بعيد اخر .. واستشيري زوجك .. او ممكن تزيدي ارتباط زوجك بالمدينة الي انتي فيها .. عن طريق مشروع او وظيفة .. تجعله من الصعب ان يرجع بسهوله .. |
| الساعة الآن 03:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©