آستهتار زوجي بزعلي !
 

السلام عليكم ورحمة الله وبركاته
أنا دائماً اذا تهاوشت مع زوجي مجرد انه يجي يرضيني ارضى بسرعه
المهم أنا حسّيت انه صاربالفتره الاخيرة يشوف زعلي شي هين
قبل كم يوم نرفزني بتصرفاته بالمول والغلط راكبه من ساسه لرأسه
المهم أنا زعلت وجاء بعد كم ساعه يحاول يراضيني بس أنا تمسكت بموقفي
تعبت من استهتاره بمشاعري أنا غلطت لما طنشته؟؟؟
طبعا هو مايعتذر صريح يسألني تبغين عشاء ليش مكشره كلمة تجر كلمة وبعدها يعتذر
ولازم يبرر موقفه ومثل مايقولو عذر أقبح من ذنب
هل استهتاره بزعلي بسبب أني ارضى بسرعه؟؟؟؟







تم تغيير العنوان ليتناسب مع المضمون

رد : زعلانة من زوجي
 

دامك ترضين بسرعه معناته انك تزعلين بسرعه
خلي زعلاتك يا اختي على شي يسوى
والاشياء اللي مالها داعي خذي بدالها شي
بدل ماتزعلين وتكشرين.. مثلاً يطبخ طبخه
يجيب ورده ... وهكذا بدون زعل وتكشيره
وتنتظرينه يعتذر ليييين اخر شي يطفش ويعرف انه زعلتي ما زعلتي مو فارقه ومصيرك ترضين من نفسك..

رد : زعلانة من زوجي
 

نعم الاكثار من شيئ يقلل قيمته ومفعوله لا تزعلي دائما تغاضي عن الصغائر لكن اذا كان الامر كبير فهنا قفي معه وبيني غضبك لكن بالقدر الذي يحقق المصلحة واهم شيء هو انك اذا اردت شيئا ما من زوجك فتسعي اليه بالسياسة وبسحرك الانثوي فهذا هو الذي يدفع الزوج للاستجابة وليس الصراخ و العتاب والاهانة فكوني ذكية تربحي انت وزوجك

رد : زعلانة من زوجي
 

فعلا أنا كنت أزعل كثير بس نصحتني زميله الله يجزاها خير قالت لا تزعلين إصري على موقفك
وهذا أسلوبي معاه ابغا شي اصر عليه وقللت الزعل والله يسوي حركات وصابره عليه بس موقفه هذا لايغتفر
وقلت له والله ما أسامحك قال لاتسامحين يا ام قلب اسود

رد : زعلانة من زوجي
 

احيانا اقدر أتودد له بس احيان تكون أشياء تافهه أحسه يحب ينرفزني لنا ثلاث ايام ما نكلم بعض واحسه يبغا الفكه

رد : زعلانة من زوجي
 

ثلاث ايام زوجين مايكلمون بعض اشوفها كثيرة

رد : زعلانة من زوجي
 

حاولي تفوتي بعض الشيء

رد : زعلانة من زوجي
 

مافي مثل الرجل بالعناد ..في اية بالقران فيما معناها ان مقابلة السيء بالفعل الحسن يقرب القلوب لبعضها ..مافي مثل الحوار الهادي والعقلاني ولاتنسي خيرهما اللذي يبدا بالسلام ..خلي عقلك انتي الكبير واصلحي امورك مع زوجك ..والحياة تمشي ومستمرة ....

رد : زعلانة من زوجي
 

اللي استجد بالموضوع قبل شوي جاء للبيت وانا طالبه منه أغراض وتأخر لما جاء تهاوشت معاه
وجلست استفزه جاء وقرب مني وحاول يراضيني قلت له تبغاني ارضى وديني اللحين المول
رد علي وقال في أحلامك وطنشني وطلع عن جد عرفت قدري عنده

رد : زعلانة من زوجي
 

شوفي يامرام انت اللي بتتعبين وتستنفذين طاقتك بالزعل
خلاص موقف وحصل من زوجك وانت قاعدة تستفزينه مو يكفي انك طلعتي حرتك بالهواش ..
مو يكفي ان زوجك قاعد يراضيك ..

خلاص عيشي حياتك وانبسطي وعادي اذا جاء سولفي عادي واضحكي ..
خلي يمر شريط اخطائك مع زوجك وتذكري ايجابيات زوجك وبتنسين الزعل