خطبي شخص من موقع للزواج وتحرره المريب
 

السلام عليكم ورحمة الله وبركاته..
حبيت هالمنتدى ولي فتره اتابعه بس اول تسجيل لي اليوم
اتمنى تفيدوني بدون تجريح لي
انا شابه وملتزمه الحمدلله ، ودائماً انخطب بس تتعسر اموري ويصير رفض لأي سبب تافه والحمدلله على كل حال ..
اشارت علي صديقه بتسجيل في موقع زواج وسجلت ولقيت كثير بس للاسف الجديه في القليل فقط قبل يومين حصلت شخص نفس قبيلتي وتكلمنا وكان في البدايه مُعجب بـ افكاري ودار بيننا كلام في حدود الادب والتعارف للزواج واقسم لي على ذلك ..
اليوم الولد انقلب 180 درجه اصبح كلامه مايل للعلاقه الزوجيه وفيه ميل والعياذ بالله للدياثه والتحرر وانو مافيه شىء بين الزوجين حرام وكذا وانكرت عليه كذا ورفضته ،
بعدها ارسل لي انه يبي يكون متفتح ومتحرر مع زوجته فقط وهالامور بينهم وعادي مااقتنعت ابداً
الحين قالي خلاص نرجع نتواصل بدون هالكلام واوعدك ماافتحه معاك هالموضوع وطنشته مارديت خايفه ومتردده ومستحيل اخبر او اشاور احد من اهلي لانهم مايعرفون عن تسجيلي للموقع
جاء في بالي ان الولد بحكم عيشته في الغربه صار متفتح بدرجه كبيره

الله يسعدكم احتاج مشوره واللي يقول الموقع مو ثقه الا فيه مشايخ قايمين عليه

والسلام عليكم
تم تعديل العنوان ليتناسب مع المضمون

مستجدات
الرد 13
http://www.66n.com/forums/showpost.p...5&postcount=13

رد : احتاج رأيكم
 

نصيحة بعدي عن المواقع نصييييحه
ابعدي عنه قبل تتعلقين فيه
رزقك بيجيك لييييما عندك
موب انتي تروحين تحورين له ؟ بعدين والله ليعايرك ترى معروفه حركاتهم

رد : احتاج رأيكم
 

وعليك السلام ورحمة الله وبركاته
أختي الكريمة
قبل أن نقول رأينا
ماهو رأيك أنت... خصوصاً وأنك ماشاء الله فاهمة ومستوعبة كلامه ورغباته.. ؟؟ أنصحي نفسك كما لو كنتِ ستنصحين أختك

أما بالنسبة لرأيي فما أنصح بمواقع الزواج حتى ولو يقال أن فيها مشايخ... فهم بلا شك لايستطيعون أن يدخلوا في نيات الناس ومعرفة صدقهم وجدهم... كذلك قد يفوت عليهم بعض المتحايلين وغيرهم.

أما بالنسبة لمن تسألين عنه... فالأفضل عدم التواصل معه... لأن الإنسان الجاد لايطيل في الكلام والأخذ والعطاء.... بل يكتفي بمعلومات مهمة بالنسبة له مع تطابق المواصفات المطلوبة عن الفتاة.... ثم يسرع لطرق الباب وتقديم نفسه لأهل الفتاة. والله أعلم


أعانك الله

رد : خطبي شخص من موقع للزواج وتحرره المريب
 

اهربي وانفذي بجلدك
واخذيها مني بنات الحمايل ماتتزوج كذا
رزقك الطيب بيجيك لحد عندك
بس ثقي بالرحمن

رد : خطبي شخص من موقع للزواج وتحرره المريب
 

للأسف صديقتك هاذي مانصحتك بخيير .. ألغي عضويتك وبلاش تعرضي نفسك للي يسوى واللي مايسوى والله أغلب اللي في هالمواقع صوير وعوير والمنكسر واللي مافيه خير نادر جدا أو شبه معدوم تلاقي واحد صاحي يتزوج بهالطريقة ... غير كذا صدقيني إلا ما يجي يوم ويعايرك بطريقة زواجكم ! على بالك خلاص يعني بما إنه درس مدري عاش برا صار أوبن مايند وفري < هذا أصلا إذا كان صادق في هالنقطة وأنا شبه متأكدة إنه عيار .. بالأخير هاذي حياتك وانتي حرة ..
وينهم ذولا المشايخ اللي تقولين عليهم مايراقبون الرسايل بينك وبينه شلون مخلينه على راحته .. لا تثقي في أحد من خلف الشاشة رجل أو امرأة !

ربي يستر عليك ويرزقك باللي يدق بابكم عاجل غير آجل .

رد : خطبي شخص من موقع للزواج وتحرره المريب
 

اختي اصبري و بيجيك رزقك لغاية بيتك
و خليك من هذي المواقع، يا اختي و لو راح المريخ بيظل من تراب بلده

اذا كنت ترضين لاخيك يتزوج من هذيك المواقع ممكن تلاقين نصيبك هناك

رد : خطبي شخص من موقع للزواج وتحرره المريب
 

الحق لم يسبق لي رؤية هذه المواقع قبلا
لكن رأيت كثيرا من الأعضاء يحذرون منها
فدعي ما يريبك لما لا يريبك
وضعه غير مطمئن إطلاقا
فكري أين أمه وأخواته وأسرته
لم يبحث بنفسه ؟

رد : خطبي شخص من موقع للزواج وتحرره المريب
 

أحذري من هذي الأشكال..

في تقديري.. اللي الله يبتليها بسرطان.. الله لا يبلانا..أخف ممن تبتلى بديوث مثل اللي كلمك..


أحس هذي الاشكال بدت تظهر وتزيد بشكل غريب في الفترة الاخيرة..

لبس قناع.. لما وصل لك شال القناع وكلمك بوضوح لأن شافك سهل تنخدعي.. شافك ترددتي رجع القناع..

ولا زلتي مخدوعة به !!!!

اذا تريدي تصلي للهاوية والدمار والفضيحة وسواد الوجه واصلي معاه..

الله يستر عليك..

...
..
.

رد : خطبي شخص من موقع للزواج وتحرره المريب
 

والي يقول قايمين عليهم مشايخ
اسالكم بالله هل هؤلاء المشايخ يقومون بتزويج بناتهم عن طريق هذه المواقع

رد : خطبي شخص من موقع للزواج وتحرره المريب
 

نصيحتي اتقي الله الذي أنعم عليك بالإلتزام الذي شوهتيه بالحديث مع الغريب
واحترمي شيبة والديك اللذان وثقا فيكِ وقد خنتي ثقتهما فيك