|
كيف اصير انثى و احب نفسي ؟ / كوين
السلام عليكم
انا باختصار كنت بنت وحيدة بين أولاد و عيال عم فصرت زي الاولاد .. كلامي و اسلوبي و و و تغيرت كثير لما دخلت الجامعة .. صرت احب التنانير والفساتين و الميك اب و الاستشوار و المجوهرات تسحرني .. و احب اتزين مررررة في المناسبات واشتري من اغلى الأماكن لكن مشكلتي كلامي مرة مرة عفش .. و زوجي كلامه رقيق من اهل المدينة هههه انا كلامي مو حجازي .. انا بدوية المهم ما احب الميك اب في البيت مرة .. بيتي ذا احس لازم ارتاح فيه واكون على طبيعتي ولا احب المناكير حوسته مع الصلاة تتعبني ولا احب الملابس المشخلعة او اللي فيها موديل تضايقني اغلب وقتي ليقنيز و بدي وهالشيء مرة متعبني زوجي يبفاني اتزين و اتدلع واتغنج انا ما تربيت على كذا .. بيئتي جافة جدا .. عكسه هو نفسي مرة اتغير اسير لطيفة وناعمة و كيوت ونفسي اعطيه وقتي كله انا وقتي ضايع على تنظيف البيت والاولاد -ولدين- نفسي اعيش شبابي و كانو ماعندي اولاد اتدلع واتزين واسافر واروح النادي و اروح كل مكان ساعديني .. نفسي احب نفسي زيك ماشاء الله واكون انا الاولى بحياتي وادلع نفسي .. خصوصا ان زوجي يبغى كذا |
رد : كيف اصير انثى و احب نفسي ؟ / كوين
اهلا حبيبتي ... وعليكم السلام
اسفة ياقلبي راح اتأخر بالرد .. لحتى يطلع لاب توبي من الصيانه .. يعني خلال يومين ان شاءالله 😊 وان شاءالله اكون عند حسن ظنك ☺️ |
رد : كيف اصير انثى و احب نفسي ؟ / كوين
مساء النور ..
كيفك ياحلوه 🌷 اهم شي راح نركز عليه .. كيف تحبي نفسك .. لان لو حبيتي نفسك راح تحسي بقيمتك .. وتحسي بأن مهما كانت شخصيتك وامكانيتك وشكلك وصوتك وو .. بأنك مميزة .. والاهم انك تكوني راضيه عن نفسك ... مهم جدا انك تتقبلي نفسك .. وتحبي عيوبك قبل مميزاتك .. اذا حبيتي نفسك .. ثقتك بنفسك تزيد .. ويسهل عليك تحقيق اهدافك ... عشان تتقبلي نفسك ... دائم ركزي على ايجابياتك .. اكتبي بورقه ايجابياتك .. وخليها قدام عينك ... ابدأ لاترسلي لنفسك رسائل سلبيه .. ( مااقدر اهتم .. وقتي ضايع .. عاديه .. صوتي عفش ...وغيرو... ) لأن من غير ماتحسي دي الرسائل تأثر عليك .. وتخليك دائم كارهة نفسك ومحطمة .. حوليها لرسائل ايجابيه .. ودائم ذكري نفسك بالنعم الي حواليك ... الحمدلله ربي خلقني باحسن صورة .. الحمدلله عندي اجمل طفلين ... الحمدلله زوجي طيب ورقيق هههه ... ركزي دائم عالنعم صدقيني لو كل يوم ترسلي لنفسك رسائل ايجابيه وتحمدي ربك عالنعم .. راح تحسي بالسعادة والرضا النفسي .. fdgrg |
رد : كيف اصير انثى و احب نفسي ؟ / كوين
.. خصصي وقت لنفسك ..
مشكله بعض المتزوجات .. تنسى نفسها مع مسؤليه اطفالها وزوجها وبيتها ... تأكدي الي تهمل نفسها ماراح يكون عطاها لاطفالها وزوجها بالشكل المثالي ... .. قدمي نفسك عليهم .. بالنسبه لاطفالك .. مهما قدمتي نفسك عليهم .. لاتخافي مستحيل تهمليهم .. قلب الام وبالها راح يضل مشغول عليهم على طول .. وزوجك ... مايحتاج تعطية وقتك كله .. تفرغي له لما يجي من الدوام وقبل النوم .. مو اكتر من كدا .. وهدا اهم وقتين يحتاج الزوج لزوجته ... .. دللي نفسسك .. fdgrg لو مااهتميتي بنفسك ودللتيها ... تأكدي ماراح تلاقي الي يهتم فيك ... ممكن يهتمو مرا مرتين ... لكن لو حسو انك مقلله من قيمة نفسك بيهمولوكي ... ادا انتي قللتي من قيمة نفسك .. راح ترضي دائم باسؤا الظروف .. حاربي عشان نفسك .. لاترضي بأقل ماتتمني .. اهتمي بنفسك من جميع النواحي ... اكتبي قائمة لاهدافك ... قسميها من الناحيه (الدينيه .. النفسيه .. الاسريه .. والجماليه .. وو ) اكتبي تحت كل قسم .. ايش تتمنى تكوني عليه .. رتبيها على شكل نقاط .. وعاهدي نفسك بتطبيقها .. والافضل يكون التطبيق في فتره زمنيه محددة .. خصصي عالم خاص لك ببيتك ..fg عن نفسي .. اكبر غرفه ببيتي مخصصتها لي .. زوجي وبناتي خط احمر مايدخلوها .. اثثتها بديكور كيوت .. امارس فيها هواياتي .. اقرا كتبي .. اصور .. ماتتخيلي قد ايه هدي الغرفة غيرت بنفسيتي كتير .. وحسستني بانوثتي واني مانسيت نفسي مع مسؤليه الزواج ... احس بسعادة لما اكون فيها ...fdgrg مو لازم غرفه لو ركن خاص فيكي .. فكري بنفسك لاتنسيها ... دائم كافئي نفسك .. لاتستني احد يكافئك .. مو تكأفي نفسك وتشتري صحون وملاعق ههههه hgh احتفلي بانجازاتك .. اسعدي نفسك بنفسك .. كوني مرحة ومبتسمة .. ولاتخلي المشاكل والهموم تأخد كل تفكيرك وتسرق منك اللحظات الحلوة .. وتوكلي على الله .. دائم ادعي .. ( اللهم لا تجعل سعادتي وراحتي بيد أحد من خلقك ) |
رد : كيف اصير انثى و احب نفسي ؟ / كوين
( انا وقتي ضايع على تنظيف البيت والاولاد -ولدين- نفسي اعيش شبابي و كانو ماعندي اولاد اتدلع واتزين واسافر واروح النادي و اروح كل مكان ) خلي ببالك ... ان اشغال البيت والتربيه وغيرها ... كلها اعذار hty يعني قدرتي تهتمي بالبيت وباأطفالك وزوجك ... لكن لما جيتي لنفسك سار ماعندك وقت ... استفتحي يومك بنفسك .. بعدين ابدأي بمسؤؤلياتك .. اصحي قبل زوجك واطفالك بساعة ... عشان تتفرغي لنفسك ... بالنسبه للميك اب ... كلنا مانحب الميك اب التقيل ... لكن ماادري ايش الي يضايق بشويه روج ومسكرا .. وحواجب مرتبه .. fgn والمناكير ياحلوه مستحيل كل يوم .. باوقات العذر خدي راحتك ... والملابس ياقلبي مو لازم مشخلع عشان تكوني انيقة .. بس بنفس الوقت مو معقول ليقنز طول اليوم .. لان يوضح عيوب الجسم ... شوفي موضوع فاكهه الشتاء .. ممكن راح ينفعك ... http://www.66n.com/forums/showthread.php?t=256369 مافي اجمل من الاناقة ... اصلا لما تكوني انيقة ... نفسيتك تسير رايقة .. وثقتك بنفسك تزيد ... ترا كلها دقايق عشان تتأنقي ... تأنقي وافتحي نفسك ونفس زوجك ... احنا البنات لما نشوف بنت انيقة وناعمة .. تعجبنا فما بالك بالرجال ... متعيه واكسبي اجر ... ادلعي يأأختي وتأنقي .. ولاتستني من زوجك ردة فعل ... لكن تأكدي من داخلو .. مبسوط ومنجذب لك :11: وصيه ماما حبيبتي fg ...( قبل ماتنامي كل يوم تحممي استحمام عروسة .. ولاتخلي زوجك يشوف منك غير الي يسرة ) وفي النهايه .. ادا حبيتي نفسك راح تهتمي باناقتك وانوثتك عشان نفسك .. وتحسي بمتعه بالاهتمام .. أما لو كان اهتمامك عشان زوجك .. ماراح تستمري والله يزينك بعيون زوجك ويسعدك ياربlk |
رد : كيف اصير انثى و احب نفسي ؟ / كوين
تغيرت كثير يا كوين خلال هاليومين
تصدقي احنا ناقلين بيت جديد ان شاء الله مرة كبير ماشاء الله لا قوه إلا بالله أنا كنت افكر أخذ غرفة الشغاله هههههه ما عندي شغاله و هي غرفه بحمام و حلوه و صغيره أقدر أثثها من جيبي الحين عندي بس مشكله الكلام و المصطلحات هي اللي لازم تتغير حتى لما صرت اهتم لنفسي ما اشوف البيت صار سي مثلا و لا مكركب مرة عادي!! و كلامك هنا كل شوي اقراه .. مرررره شكرررا و اذا عندك اضافات لا تبخلي |
| الساعة الآن 08:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©