اريد ترتيب ميزانية ( روح الطير )
 

مرحبا اختى روح الطير

من اول وانا اتابعك و مثل ماتفتكري قلت لك نفسي اكون زيك قويه

انا معجبه فيك مررررة و باسلوبك في الحياة و خاصة الجانب المالى تبارك الله

كنت لما اقرا لك انك تاثيثي بيت ملك لك و تشترى اجهزة و كنتى تسالنى عن ضمانها

كنت اقول ياربي دى كيف قدرت تسوى كل دا ماشاء الله و كم مرتبها و ايش تشتغل

مو لقافة والله لكن حبيت اكون زيك و اتمنى عندى بيت ملك و مشروع غير التدريس

وكمان ابغى ماجستير لو ممكن cgg طمعت صح

ابغى اكون زيك باختصار . عشان اولادى يقولوا ماما دكتورة زى ماما دحين دكتورة بالحامعة

مرتبي دحين 9000 ريال واصرفه انا ادفع ايجار بيت و مويا و كهرب و اقساط سياره

و دا كله بمنطقى عملى و احيانا اسحب hhf و اخلى احمد يدفع كل دا مع انه مامعه والله

يادوب يدفع لبيتنا الاساسي بالمدينة

واحمد مادرى كيف قدر يجمع منى 73 الف من مرتبي خلال سنه و ماقالى بس انا عرفت صدفه muy

و جزاك الله خيرا

رد : اريد ترتيب ميزانية ( روح الطير )
 

هلا فجورة ..

قمت الفجر ، أخلص أشغالي و الأولاد نايمين .. و أجهز فطورهم للمدرسة و الحضانة ..
واحد ثاني ابتدائي و الثاني حضانة أخده معايا ^_^

راح أرجع لك .. hyi
بس أنا للأسف ( ما عندي إلى الآن مشاريع ) ..
لكن مخططة مستقبلا بإذن الله بعد ما أخلص الدكتوراة يارب .. ( يارب متى أبدأ خلاص rfegr )

و أتوقع برضو الأخ Neat Man ممكن يفيدنا أنا و إنت ..
لإنه كتب موضوع ، و طريقته تشبه طريقتي كثير في تدبير الميزانية ..

لي عودة فجر ..
بس ما حبيت أترك الموضوع لحد ما أتفضى ..

تسلمي على رأيك ، و يارب نكون عند حسن الظن .. sdd
و لا تتمني تكوني مثلي ،، الظروف هي أجبرتني .. ggl

بس أتمنى بيوم من الأيام أولادي يفتخروا بيا لما يكبروا :'(

رد : اريد ترتيب ميزانية ( روح الطير )
 

شكرا لك روح و اسفه ان اشغلتك

ماشاء الله تصحى الفجر نفسي اصحى كدا مو اصحى متاخره واجري واجرى و انسى اشيائي

واوصل متاخره و الوقت راايح علي .

موضوع نيت مان حلو مرة شفته و عجبنى و بطبق كلامه ان شاء الله

و حاجة كمان ليش ماعندك مشروع انا سويت مشروع موسمى و نجح بس مايتكرر

و سويت مشروع تانى ووقفت و حلمى دحين اسوى مشروع كبير زى صالون مثلا و عندى شهاده فيه اخذتها

رد : اريد ترتيب ميزانية ( روح الطير )
 

فجر الهوى

سامحيني تأخرت عليك
جدا كنت مضغوطة الاسبوع هذا .. و بكرة اتفضى باْذن الله ..

حلو .. راح أستفيد برضو من افكارك بالمشاريع ..

.
.

بكرة يخف الضغط عني .. وسط الاسبوع أرد ردود سريعة لما اخد بريك لنفسي

فجورة ..
انا حاليا صرت كذا اصحى من قبل الفجر و اخلص اشغالي ..

راجعة لك

لكن حاليا خلينا نمشي حبة حبة بموضوع المصاريف

.
.

اذا تقدري تسجلي ..
الشهر هذا فين صرفتي راتبك !؟

مو شرط تكتبي كم صرفتي ..
بس نحاول نرتب سوا

و انا اعطيك بعدين عن مصاريفي الشهر هذا ..

و قارني انت بيننا ..

رد : اريد ترتيب ميزانية ( روح الطير )
 

اسفه كنت مشغوله و تعبانه

انا اصرف بدون حساب كل مااختجت سحبت و صرفت

احس انى اصرف ميزانيه صراحه

و تروووح الفلوس بسرعه

رد : اريد ترتيب ميزانية ( روح الطير )
 

طيب ما ينفع كذا ( فجر الهوى ) ..

اول شي
سلامتك ماتشوفي شر

ثاني شي
تعالي هنا ..

1. لازم تبني أهداف لك و ترسميها .. و تخططي لها ..
2. مافي شي دائم بالدنيا هذه .. اليوم عندك؛ بكرة ما عندك لا سمح الله ..
3. الفلوس هذه يا تكون حجة ( لك ) او ( عليك )
4. ما تفكري انك تعملي بها أشياء تدخل السعادة بقلوب الآخرين ؟

يعني انا أتمنى يكون عندي ملايييييين عشان اساعد الفقراء
و عشان الأيتام
و عشان المساكين

.
.

اول شي فجر .. ابغاك الشهر هذا تتواصلي مع جمعية خيرية
و تكفلي يتيم لمدة 6 اشهر .. يعني 600 ريال تقريبا

ما راح تاثر على ميزانيتك باْذن الله

.
.

دوري عن عايلة محتاجة ..
و تصدقي بملابسك الزائدة لهم

تخيلي لاسمح الله انه ما راح تعيشي الا ( شهر ) واحد فقط
هل راح تاخذي معاك كل الملابس هذه ؟؟

.
.

حاولي ما تنزلي السوق .

و لو رحتي السوق لا تاخذي معاك البطاقة حقة الصراف
خلي معاك ( كاش ) فقط 200 ريال ..

لا تشتري شي بال200 بس خليه معاك .. للزنقات
عصير او موية او اي شي ضروري ..

خلينا بالتدريج

كفالة يتيم مدة 6 اشهر
و لا تصرفي في السوق .. عشان شوي تجربي الحرمان و تعودي نفسك بالتدريج

.
.

بعدين لما تفضي

نشوف ايش الأساسيات الي تخرجيها من راتبك شهريا ؟
عشان نشوف الباقي من الراتب ..

رد : اريد ترتيب ميزانية ( روح الطير )
 

مرحبا روح اتاخرت اسفه

راتبى دا الشهر صرفت منه اربع الاف بس
و
مارحت السوق غريبة ههه بس مفتقدته نفسي اروح لكن مو رايحه ان شاء الله

احس صاير عندى مبلغ كويس

و كمان بشترى لابتوب و طابعه ومو عارفه ايش الافضل نوع لو عندك خبره تقول لى

عشان احتاجها جدا بشغلى . منها اوفر حق المكتبات و الطباعه برا . لانى ادفع مبلغ عليها

لكن مشكلتى صرف اليومي اصرف كثييير و بدون حساب

مثلا اصرف خمسمئة فجاه القاها مخلصة يمكن بيومين او ثلاثة . اغراض و اكل من برا و كدا

الملابس الزايده من زمان اتصدق فيها و الفساتين خاصة اعطيها بنات محتاجين هم يطلبوها منى

واعطيهم اياها . وكيف كفالة يتيم

رد : اريد ترتيب ميزانية ( روح الطير )
 

كفالة اليتيم ..

انك تدفعي للجمعية الخيرية ( 2400 اقل شي )
عشان تكفلي يتيم ( مدة سنة كاملة )

ترى ( 500 ريال ) عندك تصرفيها في يوم واحد
هناك عوائل تحتاج 500 عشان اسبوع اقل شي و يكونوا 5 أفراد تقريبا

لا تخلي في يدك ( كاش ) عشان ما تنصرف على طول

اذا نزلتي السوق
خلي معاك مبلغ 1000 مثلا ..

و لا تاخذي بطاقة و لا فيزا و لاشي

خلاص تاقلمي نفسك
انه عندك المبلغ هذا فقط

و ابداي اجمعي من الشهر هذا ..
و خططي انه يكون عندك مبلغ و قدره كذا بعد سنة
و لا تنسي تخرجي زكاة من المبلغ هذا ..

و لو مرررررة ما تقدري تمسكي الفلوس حاليا
ادخلي في جمعية مع صاحباتك بالعمل ..
و تستلمي انت المبلغ اخر وحدة .. لكن لازم فيه ضمان لكم و ناس يكونوا ثقة

حاولي بجد تتحكمي و تسيطري
ترى الشهادة و الفلوس .. سلاح لك باْذن الله

طبعا قبلهم كلهم ( الإيمان بالله و القران ) ..
حاولي تدفعي الفلوس و احتفظي بها للآخرة !!!؟

ادفعي لدار تحفيظ قران
و خلي عندك مخططات و أهداف كبيرة

شفتي بطلات أفلام هوليود مثل هذيك زوجة الممثل ( براد بيت ) نسيت اسمها
شوفي يروحوا البلاد الفقيرة و يجمعوا لهم فلوس و يساعدوهم
مع انهم كفار .. لكن شوفي كيف قلوبهم رحيمة !

انت قلبك ابيض و طفولي و طيبة مررررررة
ليه ما تزوري دار الأيتام و لا اقرب شي
المستشفيات الحكومية

روحي و شوفي الحالات الي فيها
محتاجين اقل اقل اقل شي ..

ضروري فجر الهوى تشوفي الناس هذه ..
عندك المقومات الي تساعدك

قلب رحيم و عطوف
مشاعر طفولية و حساسة
عندك المادة و الحمدلله

باقي تبني لنفسك أهداف عظيمة و تسعي لها
و تحقيقها يكون ( بتوفير المال )

رد : اريد ترتيب ميزانية ( روح الطير )
 

كلامك مررة حلو و مشجع

بس تعرفي ايش ينقصنى حاجتين . الحرية و السواق

ماقدر اطلع براحتى و لا اتصرف براحتى

دحين اسبوع كامل محبوسه مافيه سواق اطلع معه واحمد طالع مع اصحابه

و كمان ماما تتحكم ببطاقتى .

رد : اريد ترتيب ميزانية ( روح الطير )
 

هي مامتك خايفة و حريصة عليك .. عشان كذا بتخلي بطاقتك معاها ..

لو اثبتي لها انك خلاص تعرفي كيف تديري ميزانيتك
متاكدة راح تعطيها لك .. :)

.
.

طيب لا تروحي السوق حاليا ..

فين اولادك يا فجر من جدولك اليومي !
ايش تشتري لهم !

لو فرضا توفر لك سواق دحين
و زوجك سمح لك تنزلي السوق ..
و مامتك أعطتك البطاقة ..

ايش راح تشتري !!!!؟
اكتبي هنا كل شي بدون ( stop )