|
اريد نسيان ماقاله زوجي عن قريبته
ابي انسسسسسسى ابي امحي خيانه زوجي
تعبت هو الحين يبيني اثق فيه وشي اللي يقهر دايم يسولف لي عن وحده من جماعتنا هي متزوجه من زمان بس ماعندها عيال من اسبوعين يبحث عنها في البرامج عاجبته البنت مره ما فتشت جواله كان في شغله لازم اسويها في نت انا ماكان عندي نت شفت اللي كان يبحث عنه رحت عطيته الجوال وانا ساكته ما اكلمه وجهي احمر العيون دمعت هو يكلمني انا مصدوووووووووومه قال وش فيك قلت بطني يوجعني سكت طلعت من عنده رحت اصلي وجلست ابكي من القهر قلت بشاوركم قبل هو لما يجيب سيرتها طقم الاسنان تطلع تذكر ايام طفوله معها يقول يوم كنا متملكين ركبت معه السياره وقالت له بصوت دلع فلان تكفى لا تسرع وهو ذاب عندها لازم يعيد السالفه انا اسكت ولا اعلق ولا شي بس اسمع هذي اهون من المشاكل اللي صارت معي ابي حل والله تعبت ابكي منه تم التعديل ليتناسب مع المضمون |
رد : زوجي معجب باحدى قريباته
طالما الموضوع عبارة عن ذكريات ، وبحث خاص فيه ... فلا تفتحي على نفسك وعليه أبواب من الشك والتحفيز الخفي والتفكير القاتل ... استعيني بالله ، وكأنك لم تري شيء ... لا تدري لعل الموضوع ليس كما في خيالك ... |
رد : زوجي معجب باحدى قريباته
الله يعينك حبيبتي
1- ترى اللي يسويه مو نتيجة نقص عندك أو منك انما قلة خوف من الله عنده ... لا تظني أنه لو وحده غيرها قالت له بدلع تكفى لا تسرع ما راح يذوب .. حتى لو نعجة قالتها . 2- حاولي تقوي الوازع الديني عنده وتساعديه على الطاعات والصلاة . اطلبي منه بدلع يكون لك امام بصلاتكم بالبيت . اطلبي منه يسمع لك حفظ أو يصحح لك تلاوة . 3- لا تجيبي سيرة الموضوع عنده بلاش تكبر براسه ولو ما كان مركز فيها كثير يركز أكثر ويظن أنه عنتر زمانه. 4 عجبتيني لما لجأتي لربك قبل ما تلجئي لخلقه .. وما خاب من استشار . بارك الله فيكي أنتي هيك jk 5- توكلي على الله حبيبتي واستمري بالدعاء ..بكره يكبر ويعقل ولا يصح الا الصحيح وتظلي انتي زوجته والباقي عابرات سبيل . |
رد : زوجي معجب باحدى قريباته
والله ياقلبي الرجال الي بجرحون بالطريقه هذي مايبغى لهم الا تسكتيهم حلوه تسمعينه يفضفض لك؟؟؟؟
والله قريب لي يقول سافرت للنزهه انا وزوجتي في احد المدن البعيده عن مكان اقامتنا يعني يمكن المسافه اكثر من 1500كيلو وقالها بس خطيبتي هنا في هذه المدينه ههههههه يقول بوزت وخربت الطلعه والحمدلله اني قلتها في اليوم الي بنسافر فيه والمضحك والرهيب انها ماتكلمت كلمه وحده في الطريق تخيلي طريق طوييييييييل وهي صامته ههههههه والله كفو بنت رجال علمته كيف يتلاعب بمشاعر انثى....... |
رد : زوجي معجب باحدى قريباته
هذه المواضيع تؤلمني وتصيبني في مقتل
على اني والله لم أتواصل باي طريقة ولا مباشر ولا غير مباشر كلانا لانه حرام .. وعلاقتي مع زوجته كانت حلوة لم نشعر ان بيننا شيء عندما كنت يوما قريبا من هذه القصة الموضوع احس بالألم لديكم وعذبني تأنيب الضمير وانا لم افعل شيء وهو يقول ايضا ذلك لكن ،، كل المسالة تتوقف على الرجل ثم الخوف من الله بان الكلام والعلاقة بغير المحارم غلط |
رد : زوجي معجب باحدى قريباته
-
ردة الفعل الاولى هي من تحدد اذا كان الزوج بيستمر اويقطع العلاقات بعض النساء تواجهه زوجها وهي مو قد المواجهه ويسكتها بكلمتين وضامن رجوعها وحبها له ماحد يقدر يلومك على احساسك صراحة والشك يمكن بيطول الثقة مثل الزجاجة اذا انكسرت ماترجع ما ابي افقدك الامل لكن حاولي أن تتناسين ................. |
رد : زوجي معجب باحدى قريباته
لا اعلم اين الخوف من الله !
اصعب شي ان الزوج يكون معجب بغير زوجته والأمر انه يخبرها ! يااخي طبقها عليك هل تقبل ان زوجتك تعجب بفلان وعلان |
رد : زوجي معجب باحدى قريباته
......................
البكبكه هذي حجة الضعيف وانتي المفروض تكونين قويه لاانه زوجك وابسط شي تحافظين عليه اوكي معجب بوحده ماعلينا المفروض يخبي مشاعره واعجابه داخله مو يفضفض لك بذات انتي المفروض ماتعرفين اي شي عن اعجابه بغيرك سكوتك راح يخليه يتمدى ويجرحك اكثر اوقفي بوجهه وقولي له عيب عليك............................... وسلامتك :) |
رد : زوجي معجب باحدى قريباته
اقتباس:
قبل لا افصل في الكلام ترى الزوج والزوجة "عملوا تصرفاتهم بعفوية" الزوج : بيحكي لحبيبته وشريكته وصديقته وزوجته عن ماضي له ماضي كان له اهمية في وقتها ومع هذا ترك الماضي واتزوج الحاضر (زوجته الحالية) وبيعطيها دليل قوي انه شاريها (زوجته) لدرجة انه بيشاركها ذكرياته وكأنه يقول : شفتي كيف احبك، فلانة خطيبتي السابقة هنا ومع هذا خطبتك انتي واخترتك انتي وهي لا اكن لها سوى ان لها ذكرى في عقلي (لو اريدها كان ماانتظرت موافقتك ولا شاورتك) اصلاً المفترض انك تفرحي اني خبرتك بالقصة ، لأن اخباري لك اكبر دليل على انها لاتعني لي شيء ومع كل هذا قلبتيها نكد علي ومديتي بوزك!!!! هذه جزاتي؟!!! الزوجة : اولاً وقبل كل شيء ، انا فقط الانثى الوحيدة التي يجب ان تكون في قلب وعقل ولسان زوجي. اي اسم ( انثى) اخر غيري تذكرها امامي ياويلك ويا ويلي لأن معنى ذلك ان مكانتي عندك بدأت تهتز وبدأت تظهر اسماء اخرى تنافسني على لقب الملكة! نعم انا الملكة الوحيدة لزوجي عمرك سمعت عن مملكة بها اكثر من ملكة! وثانياً ، الان انا وانت مسافرين سوى باجازة لاتتخيل كم انا فرحانة من الداخل وشايفه نفسي على قريناتي انه ياحظي زوجي مسفرني باجازة نقضي فيها ايام حلوة بعيدة عن المنغصات ماجيت تنكد علي وتجيب سيرة مقصوفة الرقبة الا الان! لا ومختار مكان الاجازة في مدينتها! عشان تروح تقابلها من خلفي وترجع لحبك القديم! ثالثاً ، سكوتي ومد بوزي طوال رحلة العودة كان لسببين او واحد منهما 1- عشان تتعلم الادب وماتجيب اسماء اناث غيري وماتروح لمدنهم. 2- ماعملته كان مصيبة كبيرة على قلبي ، والتكشيرة والصمت ردة فعل طبيعية وخارجة عن ارادتي. -------- اتمنى اني اكون مصيب في تحليلي -------- ومع هذه المعلومات التي اعرفها مازلت اصر على مشاركة هذه الاحاديث مع زوجتي ( لاني رجل وهذا طبع فينا ولااستطيع ان اتحول الى انثى، ولا اريد زوجتي تتحول الى ذكر، لذا قمت بالمصارحة والوصول لمنطقة وسط بيني وبينها) تزعل مني ، فأقول لها ، انتي صديقتي وباشاركك امور مهمة في حياتي، وانتي الحب الاول والاخير. فترضى بعدها بفترة تزعل مني . فأقول لها ، خافي عندما لا اذكر هذا الكلام امامك ، لأنه وقتها بأكون جاد في السعي خلفها . وانتي حبي الاول والاخير. فترضى بعدها بفترة تزعل مني . فأقول لها ، خلاص سوف اكتم بقلبي ولن اخبرك شيء . فترضى. والحمد لله بفضل منه سبحانه وصلنا قريب من المنطقة الوسطية بين الذكر والانثى والامور افضل بكثير مما كانت بداية الزواج عندما كنت ذكرا خالصاً لا افقه في الاناث ولا ارى الا بعين الذكور عندما كانت انثى خالصةً لا تفقه في الذكور ولا ترى الا بعين الاناث عقبالكم وعقبال من يعز عليكم طبعاً مع التنبيه ان وصول الانثى لهذه المنطقة الوسطية ابطئ بكثير من الذكر ولكن مع مراعاة عاطفتها دوماً سوف تحافظ على سرعة وصولها للمنطقة هذه مثلها مثلك عزيزي الزوج |
رد : زوجي معجب باحدى قريباته
بعد التمعن في الحياة الزوجية
اكتشفت ان افضل اسم لها هو "الحياة العكسية" المقصد بداخل الزوج والزوجة واحد (انهم يحبوا بعض) لكن تعبيرهم وتصرفاتهم الصادرة عكس بعض تماماً هذا الله وهذه حكمته سبحانه ان جعل الزوجة عكس الزوج و الزوج عكس الزوجة الواحد يشعر ان اكثر السنن الموجودة في هذه الحياة تدعو الى عدم اتباع هوى النفس! بمعنى لاتمشي خلف غريزتك، او بمعنى ادق لاتمشي خلف هوى النفس وانما حكم عقلك وامشي خلف الكتاب والسنة كي تصل للجنة سلام بسلام وقتها فقط اقفل مخك واغمض عينك وامشي وانت مطمئن خلف الملذااااااات اسأل الله ان يرزقنا واياكم الفردوس الاعلى لحظة تجلي واحببت مشاركتكم اياها واتمنى ان تستفيد منها صاحبة الموضوع اولا وبقية الاعضاء ثانياً |
| الساعة الآن 04:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©