تخرجت بتخصص لا يناسب طموحي
 

(تخرجت بتخصص لا يناسب طموحي)
السلام عليكم ورحمة الله وبركاته

عندى مشكلة او مشاكل كتير وعايزة اللى يوجهنى صح وينصحنى ويدينى امل لانى محبطة جدا

انا عندى 22 سنة متخرجة من كلية الآثار والحضارة الاسلامية ..
مشكلتى انى بعد ما اتخرجت واجهتنى مشاكل كتير فى التقديم لاى عمل لانى اما بروح اقدم بحس بعدم تقدير للمؤهل بتاعى ويقولولى دة نادر ومالوش شغل .. رغم انها كلية من كليات القمة
انا كنت جايبة فى الثانوية 93.5 وكان نفسى ادخل اعلام لكن فرقت معايا على نص درجة فاخترت اللى بحبه بعد الاعلام وهوا التاريخ فدخلت اثار رغم انه كله قالى ادخل كلية ألسن ودى كلية خاصة باللغات ومجموعها اعلى من الاثار بس انا رفضت
واما دخلت الكلية اللى انا عاوزاها اللى هيا الاثار الصراحة انى محبتهاش واتخنقت من مناهجها اللى كلها تعقيد وحتى الطلبة مكنتش مرتاحة معاهم ومكونتش اصحاب كتير منها ومع كدة مفكرتش انى احول منها معرفش ليه .. بس كنت حاسة انى مش عارفة انا عايزة ايه ولا بحب ايه فاستسلمت للامر الواقع

دلوقتى بعد ما اتخرجت وبدات ادور على شغل احبطت من النظرة السيئة للكلية بتاعتى ومش بلاقى ليها شغل اصلا فى مجالها وبلاقى فى مجال اللغات كتير فبندم انى مدخلتش كلية اللغات jyf ..

انا دايما بحس انى قدراتى عالية الحمد لله فى الذكاء والطموح لكن مش عارفة انا عايزة ايه

فكرت ارجع اقدم تانى فى كلية اللغات لكن الموضوع مش سهل لانى خريجة .. فكرت بما انى فى اثار اخد لغة اجنبية واعمل دبلومة ارشاد سياحى وابقى مرشدة سياحية لكن لقيت دة مش هينفع مع المسئوليات المستقبلية زى الزواج وتربية الاولاد

فكرت اقدم فى التعليم المفتوح اداب انجلش بس مترددة لان التعليم المفتوح شهادته مش قوية زى شهادات الجامعات الاساسية

فكرت فى حاجات كتير وعمالة افكر لحد ما تععبت من التفكير ومش عارفة لسه انا عايزة ايه وخايفة حتى لو خدت لغات ارجع محبهاش وافكر ادرس حاجة تانية غيرها fgfgfgfgfgfg

انا فعلا انسانة مترددة جدا بس الحاجة الوحيدة اللى واثقة منها انى نفسى ابقى حاجة كبيرة واسعد اهلى لانهم تعبوا كتير عشانى انا واخواتى

ياريت تساعدونى hth

(تم التعديل ليتناسب مع المضمون)

رد : ندم وحيرة
 

رد : تخرجت بتخصص لا يناسب طموحي
 

مرحبا بك عزيزتي ، اتمنى ان تقضي اوقاتا جميلة في هذا المنتدى ..
لا اعلم اي لغة اجنبية تقصدين لكن ان كانت اللغة الانجليزية فاشجعك على محاولة
الحصول على مؤهل بها لان هذه اللغة تفيدك في مجالات اخرى اضافية فضلا عن الحصول
على وظيفة وذلك لكونها لغة العالم ، حاولي الحصول على مؤهل بها ، انظري ايضا الى الكليات
الاجنبية المعتمدة في بلدك لكي يمكنك الحصول منها على دورات او شهادات عن بعد في المجال
الذي ترغبينه .. فالتعليم عن بعد (distance learning/education - online education ) قد تم اعتماده
في العديد من بلدان العالم كوسيلة تعليم مساوية للتعليم الاعتيادي الذي ييلزم الطالب بحضور المحاضرات ..

وفقك الله ...

رد : تخرجت بتخصص لا يناسب طموحي
 

حبيبتي بتخصصك تقدري تقدمي لمعلمة تاريخ بالمدرسة ،،، انا اللي اتذكره عندنا ان اي تخصص ممكن يدخل بالتعليم مثلا المحاسبة للرياضيات ، التاريخ للجغرافيا ، تقنية معلومات للحاسب الالي وهكذا .. اللي عليك تشوفي خطوات او دراسة تربية اللي تاهلك لدخول لمجال التعليم ... اعتقد تحتاجي لسنة كاملة من دراسة تخصث التربية وبعدها تقدمي ع معلمة

رد : تخرجت بتخصص لا يناسب طموحي
 

انا بالفعل بفكر ان اطور نفسى فى اللغة الانجليزية وساقدم قريبا فى كورس ان شاء الله
لان زى ما حضرتك قولتى اللغة الانجليزية بقت شىء اساسى ومهم فى التقدم لاى وظيفة
لكن اللى محيرنى انى بعد ما اتقنها هشتغل ايه يعنى المؤهل الاساسى بتاعى انا مش حباه
فانا عايزة اغير المؤهل الاساسى دة وادرس حاجة انا حباها

رد : تخرجت بتخصص لا يناسب طموحي
 

ايوة كلام حضرتك صح يا ام مريمى لكن انا مبحبش مجال التربية والتعليم

رد : تخرجت بتخصص لا يناسب طموحي
 

انزين ايضا بمجالك يتفرع لك مجالات كثيررة ،، مش شرط السياحة فقط ... لا تعتمدي على وظؤفة مثل مسمى تخصصك .. فمثلا تقدري تعملي بمتحف؟ بوزارة السياحة ولكن بوظيفة داخلية ؟ حتى بالارصاد يستفيدوا من بعض ماتعلمتيه يعني ا ي وظيفة ممكن تدخل ولو قليييييل بتخصصك قدمي عليها وبهالوقت قويي نفسك باللغه وفعلا اللغه شرط ونقطه تحتسب لصالحك وترغب المسؤؤول لتوظيفك ...

رد : تخرجت بتخصص لا يناسب طموحي
 

للاسف انا كرهت تخصصى حتى بقيت اخجل اقوله اما حد يسالنى و وصلت لمرحلة صعبة وبفكر جديا انى ادرس اى شىء اخر