|
خطيبي لايتواصل معي
السلام عليكم ورحمة الله وبركاته ((خطييبي لا يتواصل معي)) انا متابعه هذا الموقع من فتره واعجبتني ردود الاعضاء على اصحاب المشاكل وحكمتهم في النصيحه فقررت اطرح مشكلتي عل وعسى القى :( انا ملكت من 4 شهور على انسان حبيته من وانا صغيره حيل وربي كتبه من نصيبي وهو اختارني بالآسم الحمدلله كنت اتمنى اليوم الي اكون زوجته عشان اعيش معه احلى ايآمي بس تفاجئت بــ ولآشي .. يوم الملكه كان عادي ويسولف معي ويسألني وانا كنت كويسه مع شوية ارتباك بس بعدها اختفى ماله حس كل يوم اقول بكره يدق ويجي بكره زي امس لحد ماقلت انا الي راح ابادر وارسلت له تهنئة بالسنه الجديده بس مارد !! انا طق قلبي قهر وبعد اسبوعين كان في عزيمه والتقينا قالي انا اسف ماكان عندي رد ولا لقيت رساله ارسلها لك وبرضوا مرت اسابيع ولا يرسل ولا يدق اطالع صحباتي كيف عايشين ومبسوطين مع ازواجهم صح غلط اقارن زوجي بـ زوج فلانه بس غصب عني ارسلت له كيفك وشخبارك رد رد رسمي وبس ولحد الحين مر اسبوعين ولا شي ليه يعني !! عندي حسابه بالفيس وافتحه واتفجى كل مره يزيزدون الفرند حقينه وكلهم بنات وحاطين صورهم وبرضوا بالتويتر يمنشن بنات بمواضيع تافه ومالها داعي ليتها على شي مفيد او يطرح رائيه بأحترام لا كلها ضحك وكلام ماله داعي يعني مسكثر علي كيفك ويطمن علي بس فاضي لبنات الناس الوقت هذا المفروض اجهز لفرحي بس احس متحطمه ومالي نفس سرت مااحبه بس مقدر اتركه اخاف اموت قهر اذا ارتبط بأنسانه غيري وابي حل يقربه مني ((تم التعديل ليتناسب مع المضمون)) |
رد : خطيبي انسان غريب !
وعليكم السلام ورحمة الله وبركاته ..
مرحباً بكِ أختي الكريمة .. جمع بينكما بخير .. عفكرة مشكلتكِ بسيطة جداً وتُصادف الكثيير ..لكن أنتِ هداكِ الله عقولهم اثقلي قليلاً .. هل تتوقعي بإرسال الرسالة أووو بمعنى ذلك يحبكِ أو لا ؟! ليس شرطاً أختي الكريمة .. رُبما هو منشغل في أمور البيت وووو وليس شرطاً ..الزوج لايحب المرأة التي تربطه أبداً هذا يخنقه ! أختي الكريمة الإرتباط أعمق من هذه الأمور الصغيرة جداً .. عندما تكوني بقربه سيهتم به ويقول لكِ الكلام الجميل .. إذا انسان طيب ابتعدي عن المعاتبة جداً .. الفتي نظره مثلاً بالرسالة ..كيف حال عملك اليوم ؟! ثقي بأنه سيلتف نظره عليكِ .. ادخلي حياته لكِ يهتم بكِ .. وأنصحكِ نصيحة من محبة ابتعدي البعد التام عن المقارنة لأنها تهدم أشياء كثيرة وكم من بيت هُدم بسبب هذا الأمر .. لاتُقارني بصديقاتكِ ووووو ولا شيء أبداً مهما يكون .. كوني قنوعة تسعدين في حياتكِ .. ولم أفهم مالمقصود ببنات الناس ؟! وكيف يكون حديثه معهن ؟! جبر الله قلبكِ بكل ماتُحبِ .. |
رد : خطيبي لايتواصل معي
واحد من ثلاثة
يا انه فاهم الثقل غلط او يسمع كثيراً عن المشاكل اثناء فترة الملكة فيريد تجنبها او سبب آخر غير معروف لا تقارني نفسك بغيرك ومن ابسط حقوقك ان يكون بينكم تواصل و اوصلي له بطريقتك و بالتدرج فقط فكري بطريقة ذكية و مدروسة |
رد : خطيبي لايتواصل معي
صارحيه برسالة عن سبب صده لازم يكون بينكم حوار علشان تتعرفوا على طباع
|
رد : خطيبي لايتواصل معي
اختي انتي الحين ملكتي وخلاص صار زوجك لاتبدي حياتك بانك تنتظريه يكلمك او اي شي تبغينه تنتظري منه لازم تبادري مره واثنين صحيح هو المفروض هو اللي يبدأ ويكلمك بس لازم تتكيفي بوضعك وتبدي انتي طيب جربتي تدقي عليه مو رسايل لآ اتصال دقي وقولي وحشتني وكذا بدلع يعني حاولي تسحبيه من مواقع التواصل هذي لاتيأسي ...
|
رد : خطيبي لايتواصل معي
وعليكم السلام ورحمته الله وبركاته
حياااك الله ياغاليه .. ربما مما لاتعرفينه في بعض الرجال صفه انه لايحب التواصل في فتره الخطوبه يريد ان يتعرف ع زوجته عندما تكون في منزله لايعني تركه لك انه لايحبك او مثل ماذكرتي ثقيل ... ربما لو كان عندك صوره من ايام الملكه .. صوره دبلتك مثلا او الورد ان كان اهداك وردا في وقتها او ماشابهه ارسليه اليه لتذكيره باليوم الجميل الذي جمعكم ... لعله يتفاعل معك ويحادثك وبعدها عاتبيه ع بعده باسلوب رقيق .. ربما يكون خجلان انه يحكي معك ويشغلك عن تجهيزاتك سخره الله لك وجعله قره عين لك .. وجعلك قره عين له :) |
رد : خطيبي لايتواصل معي
اثقلي افضل لك
هو اختارك يعني معجب فيك ما يبي يكلمك في فترة الملكه متخوف منها ومن مشاكلها يمكن مو حلوه المبادره من المرأه اكثر من مره تدرين ليش لان هالشي يكرّه الرجال فيك وتصيرين تركضين وراه وهو طفشان منك الثقل بحالة زوجك مطلوب ولا تسمعين كلام صديقاتك فترة الملكه ممله وتسبب مشاكل بسبب تصرفات البنات والسؤال عن الجدول اليومي للرجل والتحقيق معاه * |
رد : خطيبي لايتواصل معي
شكرآ لكل الي ردوا علي
رجعت كلمته وعاتبته بس بشكل خفيف وقال انه كان الفتره الي راحت مشغول شوي من العمل وسار يتجاوب معي ويراسلني :) الله يجيب الي فيه الخير يعطيكم العافيه |
رد : خطيبي لايتواصل معي
اقتباس:
يغلق |
| الساعة الآن 09:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©