|
اشرايكم بتعمد اشغال الزوجه بنفسها وفيك هل تنجح هالطريقه ؟
السلام عليكم
الموضوع للنقاش ولا تفهموني غلط رجاءًا :) اشرايك بطريقه اشغال الزوجه فيك وبنفسها ؟ بمعنى اخر اهز ثقتها بنفسها بعض الاحيان حتى تنشغل بتعديل نفسها مثلا اقول له وزنك اظن زاد اشوي بطريقه غير مباشره وتلقاها تفكر وتحاتي وتعمل رجيم علشانك بالعربي تلهى بنفسها وفيك اقط لها اي كلمه مثلاً اقول توظفت معانا امرأه جديده مسكينه توها مطلقه ( صحيح مالي بالمغازل والسكه البطاله ) ولكن علشان تدب الغيره بقلبها وتقعد تضبط حالها وتصير خوش مره الفكره وصلتكم والهدف اشغالها فيك وفيها حتى تطيعك وتفكر فيك باستمرار وتاخذ منها اللي تبي وهي اللي تركض وراك صحيح الطريقه فيها شغلات غلط بس للاسف هالطرق تنفع مع بعض بنات هالجيل وتجيب نتايج مبهره وان ما عملت هالامور شافت حالها وقامت تتزعل وتدور مشاكل بالعربي ابي اتغدى فيها قبل ما تتعشاني :) بصراحه مفكر اطبق هالنظام واشوف نتايجه وحاس بل واثق انه راح ينجح وان حسيت انه فشل غيرت هالنظام وصرت محترم :) |
رد : اشرايكم بتعمد اشغال الزوجه بنفسها وفيك هل تنجح هالطريقه ؟
تم النقل الى القسم الانسب
وافر تحياتي .. |
رد : اشرايكم بتعمد اشغال الزوجه بنفسها وفيك هل تنجح هالطريقه ؟
لا يا اخوي
انت بس جبلها غدا عشان ما تتغدا عليك لوووول |
رد : اشرايكم بتعمد اشغال الزوجه بنفسها وفيك هل تنجح هالطريقه ؟
شوف فيه زوجات فيهم نرجسيه
يعني ما تهتم غير بنفسها و فيه اللي تعشق الاهتمام بيك و ما في وسط لووووول فحرام عليك اللي تعشق الاهتمام بيك تجرحها بالشكل هذا ممكن تطلب منها طبخه او لبس معين بس و الظاهر انك مو متزوج و خايف انك تتزوج اصلا اتزوج يا اخوي لا تخاف |
رد : اشرايكم بتعمد اشغال الزوجه بنفسها وفيك هل تنجح هالطريقه ؟
الاهتمام ان لم يشعله الحب والتفاهم بين الزوجين
فلن تشعله هذه الاساليب .. |
رد : اشرايكم بتعمد اشغال الزوجه بنفسها وفيك هل تنجح هالطريقه ؟
اقتباس:
نعم ياحبيبة صدقتِ ... أخ الإسلام ..رفقاً بالمرأة ! وهذا من الأساليب التي لايحق لأي أحد يستخدمها حتى لو زوج ! فلو كان يحب زوجته سيكون الإسلوب أرقى مبني عالتفاهم والإحترام دون أن يُقلل من ثقتها بنفسه ! وفقك الله .. |
رد : اشرايكم بتعمد اشغال الزوجه بنفسها وفيك هل تنجح هالطريقه ؟
شفت أرجع وأقول هذي مب زوجة كذيه تتصرف معها :21: كأنك تتعامل مع واحد بالندية .. أثير غيرتك عصبيتك نقدك لنفسك .. حتى تتغير ..!! لماذا لا تطرق أبواب أخرى بالحنان والتفاهم .. صفّي النية يا ولد الحلال ..!! أظن بالأخير راح تطلع زوجتك أكثر دهاء منك وسترى :d |
رد : اشرايكم بتعمد اشغال الزوجه بنفسها وفيك هل تنجح هالطريقه ؟
والله مواضيعك كثرت ها الايام يا اخ بدوي ما نعرف نلحق نرد عليها:27: ما شاء الله شكل زواجك قرب وقلق:30: انا اشوف ان انت الي تحب الاكشن موهي المسكينه:29:وتحب تلعب بالنار ومسكينه مرتك مخليها تجارب لافكارك الفذه:rolleyes: كل شوي تجرب فيها معادله دكتور صاير:20: كله من قوقل فتح عينك انت ناوي تنكد عليها وعلى نفسك وتدور حق روحك المشاكل وتسود حياتك فاهم الزواج لعبه الزواج مشاركه وتفاهم الله يهديك بس:19:
|
رد : اشرايكم بتعمد اشغال الزوجه بنفسها وفيك هل تنجح هالطريقه ؟
ههههههه كوكي
يابدوي الحياه موجذي .. فاهم الزواج غلط!!! ياويلك أإأذأإأ فتحت باب الغيره .. الباب هذا اذا انفتح مايتسكر !! جد مو لعب!! بعدين ياخي يمكن تتريق ( تفطر) عليك قبل !! |
رد : اشرايكم بتعمد اشغال الزوجه بنفسها وفيك هل تنجح هالطريقه ؟
مااقول غير صف النيه
ماراح تنجح بزواج كذا هذا زواج موده ورحمه مو حرب مشكلتك تسمع لاصدقائك الزوجه اشغلها عن طريق الكلام الرومانسب جب لها ورده وشف كيف بننشغل فبك |
| الساعة الآن 06:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©