|
ماهي نصائحكم قبل المقابلة الشخصية للوظيفة ؟؟
السلام عليكم ورحمة الله وبركاته اليوم اتصلوا علي مركز معروف بحاجة لموظفات والمقابلة الشخصية بعد 3 ساعات فرحت كثير مع ان اسلوب الموظفة مو داك الشي انا جدا جدا في حاجة للوظيفة من ناحية الدخل والوضع العائلي السيئ اللي انا فيه الحمدلله على كل حال بعد الدعاء والثقة بالله وحسن التوكل احتاج منكم نصائحكم + الدعاء لي بالتيسير |
رد : ماهي نصائحكم قبل المقابلة الشخصية للوظيفة ؟؟
اقدر الحق ادعي لك!
اللهم سخر لها عبادك ويسر امورها وارزقها من حيث لاتحتسب |
رد : ماهي نصائحكم قبل المقابلة الشخصية للوظيفة ؟؟
وعليكم السلام ورحمه الله وبركاته
اهلا حبيبتي ساندرا كيف حالك ♥♥ بشري عسى مشت امورك تمام مثل ما تتمني ربي يكتب لك الخير ويرزقك بمثل ما تتمني واكثر |
رد : ماهي نصائحكم قبل المقابلة الشخصية للوظيفة ؟؟
اقتباس:
الله يسعدك ولك بمثل مادعوت ِ |
رد : ماهي نصائحكم قبل المقابلة الشخصية للوظيفة ؟؟
اقتباس:
اهلين دوندرمه الحمدلله ماشي حالي انتي طمنيني عليك كيفك وكيف البنات؟ رحت لهم كانت دردشة اكثر من مقابله شخصية وع اساس المفروض اليوم اول يوم دوام وسحب السواق آه يامعاناتنا من السواقين بالسعودية هاتوا العود ادندن لكم خخ |
رد : ماهي نصائحكم قبل المقابلة الشخصية للوظيفة ؟؟
اقتباس:
الله يوفقك يارب / .. _______________ معروف انها حتكون دردشه .. لو تعرفي هالدردشه ايش فيها وايش وراها .. الان المقابلات الشخصيه في العالم صارت عباره عن دردشه .. لكن هالدردشه خطيره لانهم ياخذوا منك اشياء اهم من المعلومات الي بعقلك .. ياخذوا اسلوبك وثقافتك العامه وهدوء اعصابك وثقتك بنفسك .. ومن خلالها يقدر يسال اسئله شخصيه .. يعني على سبيل المثال كانت المقابلات الشخصيه بالماضي يسال بحدود العمل واسئله العمل .. الحين مثلا يقدر بما انها دردشه .. احنا قلنا دردشه صح ؟ .. خلاص بما انها دردشه وسوالف وابتسامات .. يقدر يسال عندك سياره ؟ < وهالسؤال احيانا يكون وراه انو حتحتاج سيارتك بهالوظيفه كثير !! بس طبعا الموظف الجديد يفكر انه سؤال عابر ومايسال ويقول ايش دخل السياره !! او مثلا متزوج ؟ متزوجه ؟ .. وهالسؤال مو عابر .. لكن بعض الشركات تفضل الشخص العازب والسبب ان العازب بحسب الاحصائيات العالميه يكون اكثر انجاز للعمل ويتاخر بشغله لمدة ساعات لان ماوراه زوجه واطفال !! ويكون اقل استئذان وخروج اثناء الدوام .. انا القصد ان كثير من الموظفين الجدد بياخذوهـآ دردشه او يعني ببساطه لكن هذه اخطر .. لان الدردشه تبين الانسان وطريقته واسلوبه وثقته ومهاراته وكل شيء .. وحيستخدمها بتلقائيه اكبر .. لو كتبتي سؤالك هذا من بدري كنت قلت لك نصائح كثيره .. واي سؤال تبغيه حتى بعد الوظيفه باذن الله بلغيني هنا .. |
رد : ماهي نصائحكم قبل المقابلة الشخصية للوظيفة ؟؟
عدلت الرد باكلمك عن السواقين
ونسيت .. قصدي الرد الي فوق .. ___ لو اقتدارك المادي كويس .. جيبي سواق شركه اضمن والتاخير محسوب عليه .. شركات التوصيل للمعلمات والباصات .. بتلاقي عندهم سيارات صغيره خاصه .. اتصلي عليهم وشوفي بكم ... شوفيلك سواق يخاف من التاخير والخصومات موب على كيفه ... وقسم بالله اسوأ شيء السواق الي يتاخر .. ياتجي يا ماتجي وتقول قبلها من الليل .. انتبهي لهالموضوع لانه حياثر عليك وماله حل .. |
رد : ماهي نصائحكم قبل المقابلة الشخصية للوظيفة ؟؟
اقتباس:
اهلين اخي الهاشمي الوظيفة اللي قبل راحت عليا لأنها بعيدة عن بيتي ومالقيت احد يوديني بكره الصباح عندي كمان مقابله شخصية لمركز ثاني اقرب ايش تنصحني ؟ |
رد : ماهي نصائحكم قبل المقابلة الشخصية للوظيفة ؟؟
اقتباس:
معاك حق احنا سواقنا سافر انا اقدر اجيب اي سواق وامشي اموري لو مؤقتا اهلي متشرطين مو اي احد يخلوني اروح معاه موضوع الشركات مكلف مادياً كثير مااعتقد اقدر عليه |
| الساعة الآن 07:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©