كيف أؤدب زوجي..... الى بيتا الغالية ونور الايمان
 

السلام عليكم

باختصر المشكلة

زوجي لسااااااانه طويل دايما يسب ودايما يحسسني ان ما يبيني

ودايما يكررها علي

مع ان الواقع يقول عكس هذا


هو وضعه غريب عجيب

قاعد مع بناته في بيت ابوه وزوجته في بيت ابوها ولا راضي يطلقها ولا راضية ترجع

وما يبات عندي الا مرتين بالاسبوع ولكن يوميا يزورنا ويشوف بنته


ودايما غشمراته تغث واذا رديتها له يعصب ويقلب الطاولة

امس بالتحديد تغشمر معاي غشمرة بايخة جدا ورديتها له قام ورد علي باني ما ابيج

قلت له خلاص الله يفتح بيننا وانا من باجر باروح بيت اهلي

ومن بعد الدوام خذيت بنتي وييت بيت اهلي


ابي اعلمه درس ما ينساه وابي يحس ان فعلا غلط علي

مع ان زوجته اللي رافسته يركض وراها ويداريها مداراة


مابي اتطلق بس ابي اقرصه قرصة قوية

كيف اتصرف؟؟

رد : كيف أؤدب زوجي..... الى بيتا الغالية ونور الايمان
 

برأيي زوجك مو متعلق بزوجته الأولى بالدرجة اللي انتي متصورتها
رأيي بأنه عقلاني بدرجة أكبر منه شاعري ... وبأنه يراعي زوجته الأولى لمجرد المصلحة المشتركة بينهم وهي البنات ويمكن هي لا زالت تسقي الأمل عنده بإمكانية رجوعها للبنات وتحمل مسؤولياتهم كلما أحست بأن أمله بذلك عطش جدا وبدأ يموت فتسقيه شيء بسيط ليبقى معلقا بها ... خاصة بعد أن فقد الأمل ان يجد بديل لها .
ولهذا فهو خايف يكرر تجربته معها معاكي فيظل يكرر أمامك بأنه يقدر يستغني عنك حتى ما يكبر راسك عليه مثلها .

ولهذا من رأيي أنك تتجاهلي تعليقاته هذي بالمرات الجاية ..
لكن هالمرة لازم يكون موقفك ثابت لأن تراجعك فيه خسارة لك .

قرصة الحين :25: :rolleyes:... خل أفكر فيها وارجع لك بإنتظار العزيزة نور الايمان :)

رد : كيف أؤدب زوجي..... الى بيتا الغالية ونور الايمان
 

اشكرج خالتو بيتا على سرعة الرد

يعني هي تلعب فيه لعب؟!!!

انزين انا شنو ذنبي اتحمل؟؟

ما ودي اتطلق وودي اعيش حياة هادئة مستقرة مع زوجي وعيالي

بس هو الله يهديه يخرب علي بلسانه

ناطرة القرصة ههههههههههه

رد : كيف أؤدب زوجي..... الى بيتا الغالية ونور الايمان
 

حبيبتي ام حسن

الواحد يتفاءل ويتامل بالله

واللي ربى الرسول على حسن الخلق قادر ان يأدبهم

بس الواحد يحتاج حيلة شوي

الله المستعان

رد : كيف أؤدب زوجي..... الى بيتا الغالية ونور الايمان
 

الظاهر اني فاشله بالقرص وشد الشعر :)

ما توصلت لشيء الا أن تنقطعي عن التواصل معاه انتي وبنتكم لفترة كم يوم الى أن تنسي كلماته الجارحه ..

يمكن يظهر لك غضبه أو عدم اكتراثه لكن راح يحاول يتجنب تكرار الموقف بالمرات الجايه ويمسك لسانه أكثر .

كيف وضعكم الان ؟؟ هل حاول يتواصل معك وشنو كان جوابك له ؟

رد : كيف أؤدب زوجي..... الى بيتا الغالية ونور الايمان
 

هو من اول ما قلت له اني باروح بيت اهلي قالي تعوذي من ابليس وكررها اكثر من مرة

ولما صار الصبح قالي خلينا ننتظر شهر الين الله يكتب اللي فيه الخير

امس قعدت مع نفسي

هو زين وما ودي اخسره بس لسانه المؤذي

اتصلت فيه وقلت له اذا انا غلطت بحقك فانا اسفة واعتذر

بس انت حاول انك ما تؤذيني يكفي اني صابرة على خطأ مو خطئي وقاعدة اتحمل تزيد علي بلسانك بعد؟؟؟

قالي يالله رجعي مشتاق حق بنتي قلت له باجر انشالله

وبالليل تكلمنا عادي ---- ماكو فايدة فيني بسرعة ارضى----

وانشالله الحين باروح بيتي

والله تعبت معاه يكفي ظروفه اللي تشيب الراس مخليني اعيش مع بنتي بروحنا كأني مو متزوجة وهي مدلعها وشايلها على كفوف الراحة مع ان منحاشة منه ومن بناتهم



اذا الله فتح عليج بطريقة لا تحرميني منها

رد : كيف أؤدب زوجي..... الى بيتا الغالية ونور الايمان
 

بانتظارك اختي نور الايمان

رد : كيف أؤدب زوجي..... الى بيتا الغالية ونور الايمان
 

رد : كيف أؤدب زوجي..... الى بيتا الغالية ونور الايمان
 

اي نعم تقريبا من شهر 6 الى قبل شعر ونص تقريبا كان اروع من الروعة اما اذا هو مال اليها وهي كانت عند بناتهم يصير معاي سيء

ويمدح بالاكل فقط اما الغزل فهذا اللي ما اسمعه الا نادر

رد : كيف أؤدب زوجي..... الى بيتا الغالية ونور الايمان
 

نست ان اذكر نقطة

زوجي من النوع اللي يتشيش اقصد اذا انشحن على احد يصدق ويصب جام غضبه فيه

فلما ولدت زوجته شنت علي حرب وهو طبعا ببغاء يردد وراها ان يبي يطلقني بدون اي سبب


بس الحمدلله ربي ستر