|
ايش الأفضل برأيكم؟
السلام عليكم
أزعجتكم بالأسئلة،، عذراً اممم خطيبي أعطانا خيارين لوقت الزوج بسبب ظروف عمله هذولي هم الأنسب: الاول: بعد 5 شهور تقريبا الثاني: بعد ثمان أشهر ايش اختار؟ ما عندي خوات أكبر مني :/ ما أعرف كم تاخذ التجهيزات والأشياء وكذا... اممم محتارة بين الوقتين.. القريب حلو لأني بخلص من الهواجيس بسرعة وارتاح لإني انسانة اشيل هم بشكل كبييييير ومبالغ مرات < اعترف :( الثاني والأبعد، راح يكون أروق وبسوي شغلي واجهز نفسي ع رواق وما راح يكون فيه ضغط |
رد : ايش الأفضل برأيكم؟
ماشاء الله كلا الفترتين كافيه للتجهيز حسب توقعاتي
لكن الامر يرجع ايضا لظروفك هل انتي تدرسين ام لاء! ان كنتي تدرسين فالأفضل بعد ثمان اشهر عشان العطله الطويله وان كنت موظفه ايضا انظري هل سيناسبك أخذ اجازه كافيه خلال هذا الشهر والتجهيز اعتقد اذا عندك سياره مستعده توديع وتجيبك ماراح يطول الجهاز واحب انبه اذا زواجك فيه تصوير وكوشه ومن هذا القبيل بادري بحجزها فور تحديد موعد الزواج،حتى ماترتفع عليك الاسعار اذا بدأت تقترب مواسم الزوجات مع العطل وكذا وحتى فستان زواجك ابدأي فيه المشاغل تأخذ أكثر بوقت المواسم والزحمه والله يوفقك ويسخر لك ويتمم عليك |
رد : ايش الأفضل برأيكم؟
اقتباس:
ايوه انا موظفة ونظام دوامي يسمح لي اخذ الاجازة بوقت اللي ابغاه ان شاء الله شهر 8 ايوه اروق واريح لي نفسيا من ناحية التجهيز بس بعده بيجي رمضان بسرعة.. ما ابغى اتزوج وانكرف ع طول برمضان :/ مدري انا انسانة ما اعرف اقرر بالأشياء المصيرية والصعبة كذا كل اللي اسويه حاليا اني صايرة متوترة ع طول واصيح من اسخف موقف!!! امم بالنسبة للزواج اهله يبغون شيء مختصر وصغير رغم اني ما اقتنعت تماماً وابغى شيء كبيييير هي مرة بالعمر :/ شكرا حبيبتي |
رد : ايش الأفضل برأيكم؟
وعليكم السلام ورحمة الله وبركاته ’’
أسأل الله أن يُبارك لكِ يادانا .. أولاً : الوقت كافي للتجهيز .. مادمتِ من النوع القلق ..حاولي أن يكون قريب .. بالنسبة للدوام بالأكيد يعطوكِ عالأقل إجازة أليس كذلك ؟! وقبل كل هذا التخطيط مهم لو خططتي جيداً ستعرفي أنتِ دون مشورة كيف تختاري الوقت المناسب لكِ .. وفقك الله لكل خير ... |
رد : ايش الأفضل برأيكم؟
انا اقول بشهر ثمانية بس بداية 8 .. اما شهر 5 لازم من الحين تخلصين امورك وترتاحين .. واذا تقدرين تأخذين اجازه من دوامك انا انصحك بشر 7 تتزوجين وتاخذين اجازة وتشبكينها بالعطلة الصيفية ..
وفي الاخير لك حرية الاختيار شوفي امورك والانسب لك وترى صدقيني اي وقت مايهم اهم شيء التوفيق .. الله يتمم امورم على خير ومبروك حبيبتي مقدما والله يجمع ماببنكم بالخير |
رد : ايش الأفضل برأيكم؟
مع سر الحياة
موفقة ان شاء الله |
رد : ايش الأفضل برأيكم؟
انا احسك تصعبي اﻻمور وما اشوفها تفرق ﻻ تفكري كثير اخذي قرارك وانهي امرك وخﻻص
ربي يوفقك |
رد : ايش الأفضل برأيكم؟
بس على فكره لو عندك امور كثيره بعقلك وتخطيط ... ومشاريع ... اشك انه يمديك تخلصيها خلال 4 اشهر تقريبا ؟
ولو جاهزه وامورك تمام ومرتاحه عشان ماتكوني مرهقه .. خليها بحدود 5 اشهر .. انتي شوفي الي يناسبك بعيد عن اي ضغوطات وتفكير غير منطقي .. انتي اسالي نفسك باربعه اشهر يمديني استعد فعلا ويجي الزواج وانا مرتاحه ؟ ربي يوفقك والله .. مادوختينا بالاسئله اعتبر انها مفيده وبوقتها ومحيره .. يعني معك حق تسأليها خيتي danaa11 وقولي لنا عشان الفضول بس متى ان شاء الله ربي يوفقك وتقرري .. ^_^ .. |
رد : ايش الأفضل برأيكم؟
اقترح الا تطول فترة الملكة اكثر من 6 اشهر . واعتقد 5 شهور كافية جدا للتجهيز
اذا كان ظروف عملك تسمح بذلك وظروفة |
رد : ايش الأفضل برأيكم؟
يعتمد على ظروفكم وكل ما قصرت المده قلت المشاكل وهذا شي ملاحظ
|
| الساعة الآن 09:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©