طلاق الاولى
 

السلام والرحمه...



خلني ادش بالموضوع الصغيروون .. اذا كنتي مستقره عاطفيا مع زوجج وزوجته الاولى من غيضها اطلبت الطلاق
وزوجج خبرج برغبه زوجته الاولى ... وهو يخبرج يشاورج بموضوعه.. يطلق او يقدر وضعها كونه متزوج توه او شو يسوي

كيف تتصرفين انتي كزوجه ثانيه وحبيبه اولى.. ؟؟..
يرجى الرد خلال هاليومين ابا اطلع ان وجد بحل مقنع..

ملاحظه انا قلت مابا اتكلم عن حياتي مع سالم بس الموقف اللي صار احترت منه ولابد من شور طيب يرضي الجميع
وانا مابا اتصرف من راسي خوف استغل الموقف لمصلحتي وبالتالي اكون ظلمت نفس .. وبنفس الوقت مايهون عليا حبيبي يمر بهالضرف واوقف متفرجه..

والسموحه

رد : طلاق الاولى
 

عامل الناس كما تحب أن يعاملوك .

والأسلم في التعدد أن ما تتدخل زوجة بحياة الأخرى حتى لو حبيبك هو اللي طلب شورك

لأن ما تضمني النفس الأمارة شنو تحلي بعيونك وكمان ما تضمني حبيبك كيف تصير نظرته بالمستقبل لنصيحتك .

الله يجبر كسرها ويعوضها خير مالها ذنب المسكينة

رد : طلاق الاولى
 

الله يكون في عونها ويجبر كسر قلبها ويرزقها سعادة تنسيها ألمها ،،،

ويسعدك روضة ويعطيك من الخير مايرضيك

نصيحتي لك خليه هو يتخذ قراره وماهو اصلح لها بنفسه ولا تبدين له أي رأي

رد : طلاق الاولى
 

أخت بيتا... ماانكر اني فرحت وايد من داخلي بس مابينت له ويوم يالس يشاورني قلته كلمتين حبيبي ماعليه عطها وقت تفكر ع راحتها وانه تصرفها ماراح يخليه يغير قراره ..

وقلته بعد لايشغل تفكيره وايد ويعور راسه وكل شي بيتسهل ان شالله..

رد : طلاق الاولى
 

والله ياحياه هي تسوي جي عشان يتعاطف معاها .. وانا للحين شايله ايدي .. بس والله ترى لو فيها خير مابتطلب طلاق وهو توه مالج وعارفه انه عليه التزامات بس ...... و مااتخلى عن سالم ...
وهي بطريقتها اثبتت انها طفله وموب مرأه ...انا مازدت على الكلام اللي قلته لسالم عطها وقت لانك توك مالج وحاسه بغيره وخصوصن انك بعيد عنها .. والله يكتب لها ولي الخير

رد : طلاق الاولى
 

بالضبط ..جوابك له طيب ...
وهي تراها لو فعلا تشوف انها ما تقدر تعيش معاه بعد ما تزوج راح تظل مصره على طلبها الى أن يطلقها فعلا ..ولو كانت تحاول تضمد جرحها وتحسس نفسها أنه ما عافها ويبيها والتعدد قسمة ونصيب فراح يكفيها أنه ما يوافقها عالطلاق ويتمسك فيها فتهدأ نفسها وترضى بالواقع .

رد : طلاق الاولى
 

ها سبب بعد ليش لا يمكن تصرفها تبا تفهم موقف سالم عافها او يباها للحين ..
بس اللي مضايجني اختها حاشره سالم تبا تكلمني وانا غيرت رقمي وسالم قال لاختها زوجتي مالك دخل فيها .. انا جفت مسجاتها في تلفون سالم .. وايد مدخله عمرها في موضوع اختها .. وانا خذت لسالم رقم بتلفونه وقلتله ينسى الرقم الاولي ويخليه مسكر ماغير خاله وولده وبسس لانه بهالطريقه بيدق لها ب من الجديم بكيفه موب يتحمل الازعاج والضغط من اختها ويسمع كلام ماله معنى ..يعني تونا نقول بسم الله مداها تحشره جي


والله المستعان حبيبتي ...

رد : طلاق الاولى
 

مرحبا اخوي ابوعقيل

اكتفي من الملاحظات المذكوره من الاخوات

يرجى غلق الموضوع
توصلت للحل مع حلالي .. بيعطيها فرصه بس اذا عاندت واصرت مالها الا اللي تباه .. والله يوفقها..

رد : طلاق الاولى