منتدى عالم الأسرة والمجتمع - كيف طور علاقتى بحبيبتى وكل منا فى بلد آخر ؟

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - كيف طور علاقتى بحبيبتى وكل منا فى بلد آخر ؟ (http://www.66n.com/forums/showthread.php?t=246582)

كيف طور علاقتى بحبيبتى وكل منا فى بلد آخر ؟

معلش هطول عليكوا شوية بس هى مشكلتى لازم تتحكى كده عشان توصل ..
انا مرتبط ببنت من حوالى 5 شهور , وأول ما ارتبطنا ببعض طبعا كانت العملية ماشية تمام ومفيش مشاكل وكمان كنا متفقين انى اخطبها فى أقرب فرصة ونتجوز بعديها فى أقرب فرصة , أولا هى بتدرس بره مصر بس كانت بتقعد معظم السنة فى مصر وتسافر بس ايام الامتحانات, , لكن فجأة كل حاجة اتغيرت , والدها بيشتغل فى البلد اللى هى بتدرس فيها وهو اصلا مقيم هناك , وعشان خاطر احوال البلد مش مستقرة هو قلق عيهم وقرر انهم يسافروا يقيموا معاه هناك لحد ما هى تخلص دراستها وبالمرة تكون احوال البلد استقرت والكلام ده حصل من بعد ما ارتبطنا بشهر بس يعنى بقالهم هناك حوالى 4 شهور او اكتر , المشكلة انه رافض رفض تام انها تتخطب قبل ما تخلص دراستها وهى لسة فاضلها سنتين وفى السنتين دول مش هتنزل مصر خالص وانا مينفعش اروحلها البلد دى اخطبها عشان والدها مش موافق , المهم قررنا نصبر ونفضل مع بعض الفترة دى وبعدين أروح اخطبها , وبقالنا على كده من ساعة ما سافرت وكنا فى الأول عادى لكن مع الوقت ابتدى اشتياقنا لبعض يقل وابتدينا نحس بالملل من كلامنا وساعات كنا نتكلم منلاقيش كلام وده طبيعى بين اتنين لا بيشوفوا بعض ولا بيقعدوا مع بعض ولا فى أى احتمال لأن ده يحصل قريب او ان يبقى فيه خطوبة أو جواز قريب , والموضوع وصل لدرجة انها فى مرة قالتلى انا مليش نفس نتكلم النهاردة , طب احنا ازاى هنصبر كده سنتين ؟ احنا كل طموحنا مع بعض معموله pause , وكمان مش متخيل حد غيرها فى حياتى ولا هى متخيله حد غيره فى حياتها لأننا من الاخر كده متركبين على بعض ونفسى بجد تكون من نصيبى بس كده مع الوقت كل حاجة هتموت , اعمل ايه واطور اللى بيننا ازاى واجدد فى علاقتنا وكلامنا ازاى ده حتى الكلام الحلو اتقال كله ومبقاش يتحس زى الأول, ياريت تساعدونى بآرائكم وتقولولى اعمل ايه