|
هدمت حياتي وسعادتي(مشكلة محلولة في الرد 62)
السلام عليكم ورحمة الله وبركآته أولاً أحب أشكركم عل هالمنتدى الرائع .. واتمنى ألقى عندكم الحلول اللي تحل مشكلتي من بعد الله يااخوان تكفون ساعدوني والله اني في هم ما يعلم به إلا الله ومو عارف من وين أبدآ تأنيب الضمير ذبحني انا متزوج من 3 سنوات ، انا من السعوديه وزوجتي من الإمارات تزوجنا عن قصة حب والحمد لله الله جمع من بيننا بالأول أبي أقول لكم عنها ثم عني هي مو مقصره معاي ، أبد من كل النواحي ما قصرت معاي يعني من الناحية الخاصه ( أقصد العلاقه الخاصه من بيننا وقت النوم ) مو مقصرهـ أبد ، مهتمة بأنوثتها ونظافتها وكل شي من الناحية الإجتماعية ( علاقتها بأهلي تمام التمام ، رغم انها مو اجتماعيه مره ) من ناحية الطلعات والسوق ( ما تحبه أساساً ، وطلباتها جداً بسيطة ) من ناحية الوظيفة ( ما عمرها قالت انا جامعية وابي أتوظف زي كل البنات ، بالعكس ، ربة بيت من الدرجة الأولى رغم ان عمرها 23 ) ما تحب الشغالات ورافضه هالشي نهائيا ً يااخوان والله لو أعدد ايجابياتها ما بخلص مزيونه ماشاءالله تبارك الله لكني ما أستاهل هالنعمه والله ما أستاهلها بالنسبه لي انا الحمد لله ما قصرت معاها بـ شي وبشهادتهـآ طيب وحنون بـ طبيعتي بس مشكلتي عصبي مرره وغييور بشكل مو طبيعي أغار عليها من كل شي عارف اني طولت عليكم بس عشان تكونون عارفين التفاصيل المهمة تخيلوا بعد سنه من زواجنا ، رحنا نكشف انا وزوجتي لـ نعرف سبب تأخر الحمل .. مع اني أصلا ً ماابيها تحمل من أول سنه لكن هي أصرّت نروح نكشف المهم ، رحنا وطلعت النتيجة ( اني عقيم ) رضيت بقضاء الله لكن كانت مصيبتي هي ، خفت انها خلاص تطلب الطلاق والله بموت لو سوتها لكن تفاجأت بإنها لما رجعنا للبيت ، ضمتني وقالت ( إذا العيآل مب منك مـآأبيهم ) تخيلوا ، والله ان دمعتي نزلت بـ ذيك الليله وحمدت ربي ألف مره على هالزوجه عشنا مع بعض والله ما أبالغ إن قلت إننا أسعد زوجين عمرها ما فاتحتني بموضوع العقم .. ولا جابت هالطاري أبد عشان ما تضايقني مع إني أعرفها تموت بالأأطفال لكن :( :( البلا فيني انا ، من بعد كل هالتضحية عشاني خنتها .. إي أعترف خنتها تعرفت على بنت من النت وتوطدت علاقتي فيها ووصلت للجوال لا تسألوني ليه ، والله اني مو عارف ليه سويت كذا هي عرفت ، لما مرة طلعت من غرفة النوم في الليل ورحت للصاله أكلم هالبنت وليتني ما طلعت .. بعد ما أنهيت المكالمة ، وقمت أبي أرجع للغرفه شفتها واقفه تناظرني والدمعه على خدها وساااكته ما قالت شي رحت لها على طول وجيت أبي أعتذر ، قآلت لي كلمه قطعت قلبي ( يعني لأني بعيدة عن أهلي ما لي بهالدنيا إلا إنت ، تسوي فيني كذا ؟ إذا انا ما مليت عينك وما تبيني ، خلنا نفترق ) ثم قالت ( خلني بروحي ) يانااااس ،، سااعدوني كيف أعتذر لها ، كيف أبين لها إني من جد ندمااااان ما عطتني مجال أعتذر لها ، تخيلوا كل يوم تسوي الفطور والغدا والعشا ، وتحطه بالصاله وترجع للغرفه يعني تؤدي واجباتها وتخليني .. بحآلي وهي بحآلهآ وانا متأكد انها ما علمت أهلها ، لأن مو من طبايعها هالشي والله مو عارف كيف أحط عيني بعينها وخايف أعترف بتفاصيل علاقتي بـ ذيك البنت تزعل اكثر وتكبر المشكلة وخايف أسكت وما أبين لها وتظن إني مو مهتم :( :( |
رد : هدمت حياتي وسعادتي
اذا كانت تفاصيل هذه القصة صحيحة فلا حل لك سوى الطلاق
طلقها يااخي ارحمها من قذارتك الخيانة مالها مبررات يا اخي الكريم هي انسانة نظيفه وعفيفة وانت لا تستحق هذا الشرف يناسبك وحدة من فتيات الهوز هير و البرينقو عشان يكون فيه تعادل في الحياة الله يريح خاطرها و قلبها الضعيفة ولك مسكينات النسوان الله يكتب آجرنا |
رد : هدمت حياتي وسعادتي
لا تعترف بتفاصيل العلاقه كامله اعطيها روؤس اقلام
اي شي تطلبه من تغيير رقم جوال نفذه بدون نقاش جيب لها هديه جداااا غاليه تستاهل الغاليه اجلس اترجاها ترضى عليك مليون مره واذا جت تتكلم لا تسكتها خلها تطلع كل اللي في قلبها والله يعينك على اللي جاي الخيانه الله يكفينا شرها تحطم كل شي حلو بين الزوجين وانت شكلك ضعيف ايمان الصلاه تنهى عن الفحشاء والمنكر شوف كيف علاقتك بربك الله يسهل لك |
رد : هدمت حياتي وسعادتي
اقتباس:
أأطلقهــــااا ؟؟؟؟ مسسسستحيل انا أعترف اني غلطت وندمان قد شعر راسي لكن مستحيل الطلاق هو الحل تكفون أبي حل سريع أفكر أفاجئها بإننا نروح الإمارات لأهلها خاصه إنها هالسنه ما راحت لأهلها بسبب دوامي منها تفرح ومنها تشوف أهلها ويمكن تنسى وتطلع من هالجو شوي بس خايف إنها تفهم هالمفاجأه من ناحية ثانية يعني إني أبيها تبعد :( |
رد : هدمت حياتي وسعادتي
اقتباس:
لنا شهر كامل ، جا رمضان وانا للحين ما راضيتها أبي أترجاها بس أحس عزة نفسي ما تسمح لي في شي يردني |
رد : هدمت حياتي وسعادتي
حرمت نفسها من العيال عشانك وهذا جزاها ؟؟
سرحها يا أخي دام انها في شبابها .. بعدين بتكبر وبتندم إنها ضحت بالأمومة للي ما يستاهل .. |
رد : هدمت حياتي وسعادتي
غلطان وتقول عزه نفسك تمنعك
هي ضحت بالامومه وبكل حاجه لعيونك وانت بغلط منك مب راضي تترجاها سبحان الله بعض الرجال مالهم امااان ابد |
رد : هدمت حياتي وسعادتي
اقتباس:
عارف اني غلطت كثير في حقها لكن اني أطلقها مستحيل بموت لو طلقتها |
رد : هدمت حياتي وسعادتي
اقتباس:
ابي أعتذر لها والله أبي لكن مو بطريقة مباشره يعني مآأبي أترجى وأترجى اناه متأكد انها مجروحه من داخلها حيل صدقوني .. والله غيرت رقمي وما عاد أكون علاقات مع بنات .. حتى اني صرت أخلي جوالي طول الوقت في البيت عادي تشوفه وتفتش ما عندي مشكله هي غلطة وأتمنى من الله يغفر لي . بس كيف أرجعها لي مثل ما كانت كيف أخلي ثقتها ترجع زي قبل يعني الحين هي بواجباتها مو مقصره أبد ولما يجون أهلي للبيت ما تحسسهم إن في شي من بيننا لكن بمجرد ما يروحون ، ترجع زي ما كانت .. سااااااااااكته وأحس دايم الدمعه بعيونها خاصه إن هي اصلا ً بطبعها حساسه حيل أبي أخليها زي قبل تضحك وتمزح معاي .. موحزينة طول الوقت تكفون والله اني ندمان لا تلوموني اكثر أبي طريقه تخليها ترجع زي ما كانت |
رد : هدمت حياتي وسعادتي
يابنات لو سمحتو لا تقولون هي حرمت نفسها من الامومه عشانه
هذا قرار هي اخذته من نفسها وكل واحد يتحمل قراراته مو تجي وحده تصبر على عقم زوجها وبعد سنين تجلس تمن عليه صبرها من البدايه لا تاخذين قرار الا وانتي واثقه ومعليش ماراح تنفعك كرامتك لا اتصلت بأهلها وغادرت للامارات اعرف رجال جلسو يبكون عند حريمهم عشان يسامحونهم وانت لك شهر كامل مافيه اي خطوه اجابيه؟؟؟؟ |
| الساعة الآن 03:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©