|
ماابغى اتزوج ممكن تفهمون مشكلتي وتساعدوني
السلام عليكم.اناعمري عشرين سنه انخطبت من واناصغيره من ولدعمي
خطبني وانابصف اول متوسط طبعا ماعمري فكرت فيه نهائيا..غافله عن هالموضوع ومشغوله بدراستي وحياتي مع صديقاتي خطيبي اكبر مني بااربع شهور فقط وهو يتيم وكل اهله ماتو في حادث ملعنده غير اثنين من اخوانه اكبر منه تزوجو زمان..المهم هو السنه هذي حصل وظيفه عشان يبغى يملك علي وقال لامي انه يبغى يملك علي بس بعد فتره طبعا يمكن السنه الجايه المهم انا لما جت امي علمتني حسيت بضيقه غير طبيعيه وجلست ابكي وامي سألتني وش فيك قلت ماابغى اتزوج ..وامي اسلوبهامعي يرفع الضغط هي الله يهديها جاهله ومومتعلمه ماعندها خبره بالحياه ز ي الامهات اللي لويتقدم لبناتهم هنود تجبرهمم يوافقون اهم شي مايصيرون عانسات>>>تفكير غبي هي امي من النوع هذا مستحيل تقول لي انتي فكري براحتك,,لا كأني حسيتها تبي تجبرني!!ااه تررررفع ضغطي استغفرالله. المهم انا قمت من عندهابسرعه ماناقشتها ورحت لغرفتي وابكي وصرت مااطيق اشوف وجه امي كل مااشوفها تجي تمدح خطيبي عندي!!وتقول لوانك توافقين يصير لك بيت لحالك وسياره لحالك وتروحين وتجين مع زوجك وتطلعين لكل مكان تبغينه ولافي احد يغثك>>ومن هالكلام اللي ماله داااااااااااعي طبعا خطيبي مافيه عيوب انا مااكرهه العيب موفيه. انا ماابغى اتزوج ماااابغى اتزوج ,الزواج مسؤؤليه وانامو مستعده ولسا عمري عشرين وش اسوي من اسبوعين وانا اعاني اكتئاب وهم وغم المشكله كل شوي اشوف امي تراقبني..تنتظرني اقول وافقت!!ياليييل انا ماعندي ولاوحده من اخواتي متزوجه وكلهن اكبرمني ارجوكم ساعدوني لحد يقول لي كلام الجهال وافقي عشان ماتعنسين. |
رد : ماابغى اتزوج ممكن تفهمون مشكلتي وتساعدوني
الحظ ( الطيب ) ،، و الفرصة ( الجيدة ) ..
تجي ( مرة وحدة ) فقط .. لو هذا راح ، ممكن يجيك الأسوأ لا سمح الله .. و مصيرك ( تتزوجي ) ، و عشرين مو صغيرة .. و عندي ملاحظة ، بطريقة كلامك عن أمك و وصفك لها .. ( يدل على - عدم النضج - ) احترميها بوصفك لها ، الجاهلة هذه .. هي اللي علمتك و خلتك الآن جامعية .. |
رد : ماابغى اتزوج ممكن تفهمون مشكلتي وتساعدوني
أول شيء عيب تتكلمين عن أمك بهذي الطريقة ترى الجاهلة هذي هي اللي ربتك وعلمتك وطلعتك للدنيا الله يهديك بس
ثاني شيء سنك طيب للزواج ماأنت صغيرة واهلك لو شايفينه مو طيب كان ماأصرو عليه ثالث شيء لو عندك إعتراض اتفاهمي مع أهلك بهدوء بدون صريخ ورفعة صوت لأنهم في النهاية مايبغون غير سعادتك لكن مادام كارهة الزواج كذا بلاش تخلي ولد الناس يتخسر ويتكلف وفي النهاية انت كارهته مهما كان الزواج إذا ماكان برغبة يصبح مشكلة . |
رد : ماابغى اتزوج ممكن تفهمون مشكلتي وتساعدوني
طيب هو يبي يملك بعد سنة ؟
خير للسنة الجاية تتغير اشياء كثير ليش يبون رد منك من الحين |
رد : ماابغى اتزوج ممكن تفهمون مشكلتي وتساعدوني
يابنتي ،،الجاهل اللي مايعلم نفسه ولا يرتقي تفكيره،،
يابنتي أمك مادخلت مدارس ولا تعلمت عشان كدة أنت شايفتها جاهلة، وصار كلامها ثقيل على قلبك ومنت متقبلة منها كلمة،، حسب ماكتبت ما شفت من أسلوبها شي غلط معاك،، بالعكس أمك هادئة جدا معاك وتزين الخاطب في نظرك وهذا أسلوب أي أم لو كانت مكان أمك، يابنتي أنت ظروفك سمحت لك دخلت مدارس وهذا فضل من الله عليك ،، أنت مالك فضل على نفسك،، بينما أمك ظروفها ماسمحت لها تدخل مدارس،،فلا تستحقري وتعيبي كلامها وأسلوبها في التعامل معك، حتى لا تكوني عاقة وتلحقك عقوبة ربانية،،لا تصفيها بالجاهلة، ترضين أصفك أنت بالجاهلة الطايشة الغير ناضجة؟؟ كلامك يدل على عدم نضجك وطيشك وجهل شديد بمكانة اﻷم العظيمة،، إذا التعليم والمدرسة مانوروا عقلك صح؟ تتوقعين أمك تصف أمها بالجاهلة؟؟ طبعا لا،،، رغم إن أمك مادخلت مدارس لكن مستحيل تقول على أمها كلمة غلط. من فيكم صار المتعلم ومن فيكم الجاهل.؟!! أنصحك إذا ولد عمك مايعيبه شي هذه نعمة حافظي عليها وإنت مو صغيرة على الزواج.. أمك ماتريد إلا الخير لك،، فلا تتمردي عليها بدون سبب مقنع وجيه. |
رد : ماابغى اتزوج ممكن تفهمون مشكلتي وتساعدوني
اول شي احترمي أمك
ثانيا انتي مو صغيره خصوصا أن الملكه بعد سنه وهذا ولد عمك ويتيم يعني احتمال يتعلق فيك وتعيشين معاه براحه ومن غير مشاكل امه وخواته وغير انه راح يتواصل مع اهلك علي طول لان ما عنده أهل الله يسعده حسب وصفك لا تفوتينه نصيحه من أخ |
رد : ماابغى اتزوج ممكن تفهمون مشكلتي وتساعدوني
اقتباس:
المسألة ماهي مسألة عنوسة .. هي نصيب ومتئ ماجاك النصيب الي كاتبه ربك سواء عمرك عشرين او اكبر انصحك بالاستخارة .. استخيري . ان كان فيه خير يهيأه الله لك وان كان شر يصرفه الله عنك اجلسي مع امك .. وقولي بكمل دراستي بالاسلوب الحسن .. والكلام اللين .. واذا كان اسلوبك هذا هو نفسه اسلوبك مع امك .. فأنتي على خطأ .. تناقشي معها حاولي بس بأسلوب.. احكي لها دراستي اهم برري لنفسك .. او كلمي احد له تأثير عليها يوضح لها ماتعنين ويقنعها .. وانا اتكلم بعيدا عن جانب الزوج ومبدأ الموافقه .. فهذا الأمر لك ولن يجبرك احد عليه .. بالنهاية انصحك بالاستخاره .. اسأل الله لكي التوفيق |
رد : ماابغى اتزوج ممكن تفهمون مشكلتي وتساعدوني
مو كل واحد دخل المدارس صار متعلم ومثقف
الجاهل هو الي ما يعرف قدر الناس امك هذة جنتك ونارك وتبي مصلحتك شعرت من كلامك انك ظالمه لهااااااااااااا احترمي امك في غيابها وحضورهااااااااا ترا الي نزرعه اليوم نحصده باجر والدنيا سلف ودين والي تعمليه اليوم بامك يرد بكرة عليك اضعاف مضاعفة كل عمل من جنسة عملتي لامك خير --اعيالك يردوا لك الخير اضعاف ويحبوك ويحترموك وان نقصتي من قدر امك واساتي اليها ---انصحك ساعتها ما تخلفي لان عيالك بيردوا لك الاساءة اضعاف مضاعفة وهذا جزاء من الله في الدنيا قبل الاخرة ولد عمك ان كان ما يعيببة شي اعطيهم موافقة اوليه وانتظري لبعد سنة يكون تفكيرك نضج اكثر وعرفتي تقيمي نفسك ووضعك اكثر وساعتهاااااااااا راح توافقي على الزواج بطيب خاطر عشرين عمر الزواج ما انتي صغيرة ابداااااااااااا وهذا هو العمر الي البنات ينخطبوا فيه وان ما كان اصغر |
رد : ماابغى اتزوج ممكن تفهمون مشكلتي وتساعدوني
اقتباس:
ومسميه نفسج وقود الحب ؟؟ ام حملت فيج وجافت الويل وربت وكبرت واخرتها بنتها توصفها جدام الناس بهالصفات ؟؟ وماعندها خبره في الحياه؟؟ !!!!! حسبي الله ونعمة الوكيل |
رد : ماابغى اتزوج ممكن تفهمون مشكلتي وتساعدوني
لن اضيف على الاخوه والاخوات ولكني حزينه جدا جدا من اسلوب حديثك عن امك بالرغم من اشياء كثيره اهمها انها امك التي حملت بك و كبرتك و ربتك وسهرت عليك وتضايقت حين كنت مريضه وفي النهايه انها ترغب في مصلحتك
اختى وقود الحب الذي لم يكتمل نضجه -----------العلام ليس بالمدارس والتعليم ولكنك اقل خبره من امك ومن وجهة نظرها كأم تنصحك بالخير لكي من وجهة نظرها وربما من وجهة نظر اي قريب من هذا الشاب ( لانه يملك مقومات منها انه يريد الزواج في سن صغيره وبهذا معناه انه يريد ان يحصن نفسه وثانيا انه وحيد وستكونين انت له كل اهله وثالثهما انه لا يملك عيبا من وجهة نظر امك واهلك كما فهمنا ) لا اقول لكي غير اقتربي من الله واستخيري الله فيما انتي فيه ، واعلمي اختي انك ستعاملي بنفس المعامله التي تعاملي بها والدتك وربما اسوأ ( ولا تقولي انك تختلفي عن امك فانا متعلمه ولن افرض على اولادي شئ ) فبالكيل الذي تكيلي به يكيل او يزداد |
| الساعة الآن 12:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©