|
زوجي مقصر بالنفقة (معدل)
السلام عليكم ورحمة الله وبركاته أود طرح مشكلتي عليكم وأرجوا منكم نصحي وتوجيهي أنا امرأه متزوجه منذ 3سنوات مشكلتي هي ان زوجي يرفض أي طلب مادي أطلبه منه طلبت منه مصروف شهري ولو شي قليل رفض وقال تاكلين وتشربين ماينقصك شي قلت الأنثى تحتاج شغلات خاصه فيها رفض وماعطاني وجه طلبت طلباتي منه بالتقسيط عشان ماأضغط عليه لي 6 شهور من طلبتها ماجابها وأنا أتعذر له أقول يمكن نسى خليني أذكره يمكن يستنى الراتب يمكن مايقصد بس الأمور واضحه ذكرته مرتين ثلاثه وماجاب شي ومن ردة فعله عرفت انه مطنش طلباتي بمزاجه حتى خط ثابت ماعندي في البيت وصابره وجوالي مايشحنه الا بالحسره واذا شحنه يشحنه ب10 ريال مقدر أكلم أهلي إلا يخلص الرصيد ولدت وبعد النفاس توقعت يهديني هديه مثل كل الناس لو شي بسيط بس للاسف مافكر يهديني شي ايش اسوي معاه انصحوني دلوني على الاسلوب الصح انا مغرقته بالهدايا والدلع وهو يستكثر علي أقل الأشياء انتظر نصحكم وارشادكم |
رد : انصحوني في مشكلتي لاهنتوا
اللله يعينك عليه ..بس متوقع فيه من النوعيه هذه الحين المراءه تحتاج مصرووف شهرري لابد منه مدري كيف يفكر رجالك بصراحه كل هذا بخل...ماقوول الا اللله يصبرررك
|
رد : انصحوني في مشكلتي لاهنتوا
هاذي بلوه مالها دوااااااا
غير انج تدعين الله سبحانه وتعالى ان يهديه :) ابي اقولج طريجه يمكن تساعدج شوي حثيه باسلوب رقيق حكيم على ممارسة سلوك الكرم استخدام الدعابات والنكت في طلب المال بشرط بدون النقد اليه او تستهزئين به لا تياسي من مطالبته بالانفاق وذكري ايجابياته فاذا انفعل واعترض فحاولي ان تبتسمي وقابلي ثورة الغضب بمزح او تعليق الحين كل شي غالي والمره متطلباتها وااايد المفروض الرياييل يعطون حريمهم بدون متطلب الله يعينج |
رد : انصحوني في مشكلتي لاهنتوا
الله يعينك
والله البخل هم اتكلمي معاااه حاااول تزعلين تعالي له بوقت فله قول له كل الرجال يعطون حريمهم بااخي لو بهدي احد اقله نفسي اتصدق عن نفسي ما عندي والنفقه حق من حقوقك بشرع لو كنتي غنيه يتفق عليك اسال الله ان يبدل حااااالك وحسبي الله ونعم الوكيل |
رد : زوجي مقصر بالنفقة (معدل)
أشكركم على تجاوبكم
أنا سويت كل اللي قلتوه قبل لا أطرح الموضوع وماجاب نتيجه مدري كيف أتصرف كيف أتعامل مع مثل هالشخصيه أتمنى ألقى الحل حقوقي مهضومه |
رد : زوجي مقصر بالنفقة (معدل)
البخل صعب علاجه
من طليقه شخص بخيل لا تضغطي عليه ولا بيكون مصيرك الطلاق نفسي الي عليك تتوقفي عن محاوله التغير وانا متاكده انك جربتي كثير من الطرق وافشلت دوري وظيفه واغني حالك اذا ماعندك وظيفه اخذي من الي تحتاجينه بالمعروف سبحان الله الاسلام احل السرقه من الزوج البخيل لمعرفه صعوبه اقناعه وتغييره اخذي للاساسيات ووقفي فترة عن الطلبات خليه يحس انه انتصر وفاز وفرض نفسه يمكن يبدى يفلها شوي ويصرف سبحان الله الحياة مع الشخص البخيل تخلي حتى طلباتك البسيطه ماساه ويحسسك انك متطلبه ودلوعه وتبغي كل شي وهي اصلا اشياء بسيطه |
رد : زوجي مقصر بالنفقة (معدل)
اختي انتي تقولين ان مغرقته هدايا
هل لديك دخل وتصرفينه على هدايا زوجك هل تعملين هل عليه ديون وكيف دخله ارجوا التوضيح |
رد : زوجي مقصر بالنفقة (معدل)
اختي متفائله خير
صح كلامك 100٪ بس حبيت أوضح زوجي بخيل علي أنا بس أما على نفسه وعلى حاجات البيت هو كريم والله معانااااااااة الدانه أنا من أسره غنيه الحمدلله وكنت اشتري هدايا لزوجي من مبلغ عندي موفرته زوجي ماعنده ديون ومايحب يتسلف وموظف يستلم 5000 |
رد : زوجي مقصر بالنفقة (معدل)
اقتباس:
وهل لديك دخل من ابوك او شي وهو يعلم لا لو قلنا بخيل لكن البخيل تجدينه يبخل على نفسه ايضا فقط يجمع الى ما لا نهايه نقول يبخل عليك واحتمال يظن بانك تستطعين ان تدبرين نفسك. انصحيه ولكن لا ترهقيه بالطلبات لانني اجد دخله قليل جدا وقولي له يا بو فلان يالغالي اشعر بانني بحاجه لاشعر بحبك اكثر اذا كنت تملك المال اريد الغرض الفلاني فهل تلبي لي ذلك اذا رفض قولي انا لا املك المال وجاء في نفسي عندما يشعر بانك لا تملكين المال سيبادر باذن الله والدور عليك انك اتخبين مالك ولا يعرف شي عنهم ابدا واذا اتى بالغرض ارفعيه في السماء غرقيه بالدلع وكلام الشكر اجعليه يشعر بيوم مختلف ونفسيه رائعه اذا رأى اثر ذلك ابشري بالهدايا والنفقه اما اسلوب حقي واجباري قد لا ينفع |
| الساعة الآن 01:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©