|
تطلقت ..بشكل عاطفي وروحي !!
السلام عليكم ورحمه الله وبركاته
كيف حالكم جميعا اول مره اكتب في هالقسم والاكيد مااتمنى الطلاق لكن احيان الطلاق انطلاق لحياه افضل واجمل بصراحه انا في هم ربي وحده اللي يعلمه مهما وصفته او شرحته مااقدر اعبر عنه بشكل واضح او بمعنى اصح مايحس بالالم اللي انا فيه الا اللي جربه لي اربع سنوات زواج وعندي ولدين ربي يحفظهم ويحميهم تزوجت وانتهى الموضوع زواجي اساسه فاشل وبادي بعقد منتهي الصلاحيه ولايمكن يتجدد اللي بيقرأ كلامي بيقول متشائمه لكن والله انا حفرت بالصخر عشان تتعدل الامور بس للاسف كل مالها تزداد تعقيد وسوء بغض النظر عن مشاكلنا كل العالم عندها مشاكل وانا شخصيا اغلب مشاكلي تافهه وتنحل في وقتها بس المصيبه مو ان بينا مشاكل المصيبه انها مايعترف انها مشكله او بالاصح مايبي يحلها حتى لو انه واثق انها مشكله خلاص يتركني انا اواجهها وهو ينسحب ويريح راسه اكتشفت ان لي ثلاث سنين اتعذب بجد امس اشوف صوري يوم اتزوج وقبل الزواج انصدمت مو انا اللي الحين ولااعرف هاللي بالصور كان التفاؤل يشع من عيوني كنت طموحه ومجتهده واحب الهدوء والتفاهم صرت عصبيه اشيل بقلبي كثير لازعلت صرت كثيره البكا والله ابكي احيان كذا بدون سبب صرت حساسه حتى نظرات الناس لي تشككني في نفسي ماكنت كذا كنت اجتماعيه جدا ياما شاركت في انشطه لمرضى السرطان ودور الايتام مكتبي مليان شهادات شكر وتفوق والماضي لي كان رائع لكن الحاضر عندي ولاشي صح تزوجت وانجبت لكن شي فعلي لي انا اقدمه مافيه يومي يعدي وانا بس افكر لمشاكلي وابكي من بكره وهمه وانا مادري وش بيصير بكره محبطه محطمه هشه ولافيه عندي لا امل ولاطموح ولااحساس احس اني فارغه فعلا واستغفر الله احس الموت ارحم لي طبعا كل ذا من زوجي احيان اقول الله يسامحه واحيان ادعي من كل قلبي انه ربي لايسامحه جرح فوق جرح تراكمات وماعاد تنمحي ابد ... ذبحني قتل كل روح الشباب اللي فيني صرت مثل العجايز بس اتشكى حولني لاانسانه ممله وكثيره الشكوى طبعا مااشكي الا ل امي وخواتي بس ذي بحد ذاتها مصيبه لاني شيلت اهلي هم فوق همهم انا مابي اشكي ل احد وقد قلت له خلني اشكي منك لك وتصير حياتنا مثل الصندوق المقفل بس ماحولكم احد بقولكم عينات مثلا من نقاشتنا السخيفه والي تنتهي بزعل مايستاهل وهو مايشوف نفسه يغلط ابد اتصلت علي بنته قالت بروح السوق تروحين معاي قلت بشوف وضعي واعلمك لما جاء للبيت قلت بنتك تبي السوق بروح معها بس ابي 100 محتاجه شرابات وحاجات خفيفه لعيالي قال انتي قصدك انك ماتدخلين السوق وبوكك فاضي ولاحاسده بنتي وتنقهرين اذا شفتيها تشتري وانتي ماتشترين!! بنتي موظفه ومعها فلوسها وطلبتك تروحين وش دخلك تشترين معها قلت مو قصدي احسدها ولااني ماطلع ويدي فاضيه من السوق بس بما انا طالعين اصلا وانا محتاجه هالحاجات قلت اجيبها مره وحده واصلا ماطلبت مبلغ كبير قام طلع 20 من بوكه قال خذي ذي تكفيك انتي وعيالك انا ماهمني وربي شي كثر اسلوبه بكيفه لايعطي بس لايجلس يتلفظ بكلام يجرح وماله داعي قلت خلاص خذ فلوسك وبعتذر من بنتك قال والله لتطلعين معاها غصب عنك ولو ماطلعتي بفشلك قدامهم اطلعي بكرامتك احسن طبعا انا خفت يهاوشني قدامهم وانا مااتحمل كذا استهديت بالرحمن وطلعت مع بنته رجعت بعدها مقهوره منه وزعلانه ولافكر يناقشني اصلا ... طنشت وصرت اضحك عادي وكمل معاي يضحك ويسولف عادي يعني جربت دايم اذا زعلت عمره مايرضخ او يفكر يعتذر يخليني عادي وياكل ويضحك وانا اجلس حزينه وهو ولا همه فقررت قرار احتاج مشورتكم فيه انا حياتي حاليا اصبحت مستحيله معاه يعني حتى لو يبي يصلح الوضع انا طابت نفسي انا بإذن الله ناويه اتطلق بس انتظر عيالي يكبرون شوي واشوف لي وظيفه واذا حسيت بالامان على عيالي راح اطلب الطلاق بشكل صريح حاليا كل اللي تطلقو برغبتهم اكيد قبلها مرو بمرحلتي وعايشو موقفي ابي اعرف كيف اتجاوز هالالم وهالمرحله انا ابي استعد نفسيا وذهنيا وجسديا للطلاق ابي ماعاد اهتم له ابد ابي يعني اعامله عادي احترام وادب بدون حب ولاموده ولاحتى الرحمه لانه مارحمني ولارحم صغر سني تكفون جيت ابي خبرتكم بالطلاق ابي رايكم كيف اقدر اهيأ نفسي للموضوع انا الصبر ماعاد ينفع معاي وعيالي لاكبرو بيعرفون ليش ماعاد تحملت راسي بينفجر من التفكير .. انتظر رايكم وتجاربكم اللي تطلقت او اللي طلق كيف تتجاوزون هالازمه |
رد : تطلقت ..بشكل عاطفي وروحي !!
فيه اضافه بعد ابي يعني مااساله عن اي شي واتجنب وقوع المشاكل يعني ابي كيف اقدر اني اتجاهل وجوده بس اسوي اكله واعطيه حقه كزوج بس مابي اهتم له يعني كيف ماعاد اتمشكل معاه ..
يعني لو جاء يناقشني ايش اقوله انا مابي اناقشه ولااتفاهم معاه.. بشاوركم هل اكون رسميه وبس واذا بغيت الطلاق بشكل فعلي ابلغه ولا.. من الحين امسكه واقوله اني بعيش معاك لعيالي بس وتحملني لين اتوظف واقدر اصرف لعيالي وابي اتطلق.. وش اصلح ضايقه الدنيا بوجهي ولازم اوصل لنتيجه انا حاليا اتدرب في مستشفى وادرس لغه ومااقابله الا بالليل وع السرير بعد يكون بينام يعني مافيه اي حوار ولا تفاهم.. |
رد : تطلقت ..بشكل عاطفي وروحي !!
يا ستي يا وحدانيه ما في واحد كله سلبيات، ما هي ايجابيات زوجك؟
اكتبيها و اجعليها مدخلا لحل مشاكلك لا تستسلمي سريعا الكل يعانون من المشاكل و من منا بلا معاناة!! يا اختي طولي بالك ابحثي عن مفاتيح شخصية زوجك و ارجوك لا تقولي لا يمكن التعامل معه، بذكائك اكتشفي نفاط ضعفه هل هو عاطفي؟ هل يجب الاكل كثيرا؟ هل يحب النظام؟ و هل و هل لا بد انك عرفت كيف تدخلين قلبه لا تقولي انا قررت الطلاق، لا اريد الخوض في شخصيته اقول مجرد محاوله لن تخسري شيئا انتظر ردك |
رد : تطلقت ..بشكل عاطفي وروحي !!
عزيزتي بتفكيرك هذا أنت تهربين من حل المشكلة وستقعين في مشكلة أكبر قد لا تتمكني من الهروب مجدداً والفكاك منها.. ضعي المزايا التي تستمتعين بها في هذا الزواج نصب عينيك ثم حددي ماذا ينقصك وماذا تريدين؟ اجعليها نقاطاً وأهداف واسعي لتحقيقها حاولي وجددي طرق المحاولة وتفقدي جميع المنافذ.. أما هروبك فهو بداية الإنحدار نحو الأسفل صدقيني الطلاق ليس حلاً سحرياً خصوصاً لمن لديها أطفال وزوجها ذو خبرة في الحياة ولن تنطلي عليه أي حيلة ولن يترك أبناءه هكذا.. |
رد : تطلقت ..بشكل عاطفي وروحي !!
وأنبهك لأن تحسني الإلتفات لنفسك وتوقفي عن إلقاء اللوم عليه في تغير حالك للأسوأ فأنت من قصر بحق نفسك ابتداءاً وليس هو أنت من تريدين أن تتألمي.. وتبقي في مكانك نادبة حظك.. الزواج لا يعني أبداً الحصول على كل شيء نريده أو نغادر هكذا ببساطة الأمر أكثر من هذا بكثير خصوصاً أذا وجد الأطفال.. سهل الله أمرك وأصلحك وزوجك وذريتك والمسلمين والمسلمات آمين.. |
رد : تطلقت ..بشكل عاطفي وروحي !!
شوفي هالقسم
ممتاااااااااز جدااااا http://www.66n.com/forums/forumdisplay.php?f=127 / حاولي استشارتهم على هذا الرابط http://www.66n.com/forums/forumdispl...sprune=-1&f=70 / والزمي قراااااااااااءة سورة البقرة يوميا فإن النبي صلى الله عليه وسلم بين أنها بركــــــــــــة والبركة هذه بتعود عليك بكل خير وسعادة ياما ناااااااااس واجد جربوها وانحلت مشاكلهم وتبدلت أحزانهم أفراااااااح / دعوااتك / |
رد : تطلقت ..بشكل عاطفي وروحي !!
:* |
رد : تطلقت ..بشكل عاطفي وروحي !!
مافكرتِ إنه ممكن ياخذهم منج؟
|
رد : تطلقت ..بشكل عاطفي وروحي !!
واضح انك من النوع اللي تفكر كثير و تحرق بنفسهاا
في ومواقف لازم الوحده تتغاضى عنها خصوصا لو كانت عن فلوس او خرجات وغيره لانها من الكماليات من وجهة نظري . بس قرار الطلاق اشوف انه المفروض يكون اخر الحلول وانا بصراحه مو شايفه انك سويتي شي غير انك ساكته و تاكلين ف نفسك ي انك تسكتين وتطنشين فعلاً و تقطين ورا ظهرك او انك تناقشينه ف لحظة المشكله اقتباس:
هنا تصرفك اخر شي جدا خاطئ محدد ب الاحمر ، وفيه ضعف واضح ويمكن تصرفك واسلوبك معاه هو اللي يخليه يتعامل معاك ب الشكل ذا ياقلبي .. آول شي عدلي اسلوبك انتي اللي لازم تتغيري عشان هوا يتغير حاولي تقوين نفسك والقوة مو ب الصراخ و العناد .. لكن انتي لك شخصيتك وتذكري .. اذا هو ماحس ب المسؤوليه تجاه عائلته ف انتي مو ملزومه تحسسينه بالشي ذا ألزم ماعليك نفسك واستخيري - و استعيني ب الله .. و ربي يريحك |
رد : تطلقت ..بشكل عاطفي وروحي !!
برد عليكم كلكم لعل اوصل مع احد منكم لحل
لينه ... انا ماقول كله سلبيات بالعكس فيه حاجات كويسه بس انا قصدي هو باسلوبه وصلني لمرحله سيئه يعني خلاني مره متحطمه واتذمر من اتفه الامور يمكن الخلل منه بنسبه 50٪والباقي من شخصيتي انا ماابي اظلمه بس تعبت منه وصرت اخاف بكل امانه اني انحرف محتاجه لرجل جنبي بقول ايجابياته ولو اني من الزعل كارهه اقولها ايجابيتها: حليم صبور وجدااااااا مثقف نظرته لقدام قليل الكلام في امور غيره محافظ ع الصلاه وقيام الليل محبوب ومرح يحب عيالي بقوه بس اتوقع... |
| الساعة الآن 05:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©