|
مشكلتي مع زوجي من بداية الحمل
السلام عليكم أولا أنا عضوة جديده وأتمني تقبلوني بينكم وثانيا ابغى استشيركم في مشكلة بيني وبين زوجي أنا عمري 19 ومتزوجة من سنتين وكم شهر في بداية الزواج كنا أنا وزوجي مأجلين الحمل لما تستقر امورنا والان أنا حامل في نهاية الشهر الثالث وكان الحمل باقتناع مننا احنا الاثنين والحمدلله حملي بسيط وماعندي أعراض حمل ثقيله لكن المشكلة انني من بداية الحمل احس إن زوجي مايراعيني ولا يهتم بحملي رغم أني أحسه فرحان يعني عشان اضرب لكم مثال امس كنت جالسه اكلمه في الجوال لأنني في بيت اهلي من كم يوم وسألني عن حالي فقلت له انني في الليل مقدر انام بسبب الحمل.. لانني احس بشي ثقيل يضغط على بطني .. فقال لي بكل برود خلاص لاتكوني تنامي !!!!!!!!!!! واذا صار وقلت له انني عندي غثيان يقول لي انني اتوهم رغم ان مافيني شي عشان اكون بس مثل بقية الحوامل !!!!!!!!!!! وكل يوم على هذا الحال .. لدرجة انني مقدر اقول له اي شي عن حملي عشان اريح راسي من تعليقاته الساخره هذه .. احيانا اطفش منه واوضح له هذا الكلام .. لكنه مايحس انه غلطان بشي ويشوف إن كلامه عادي .. واحيانا يعتذر بس عشان يسكتني ويمشي الحال .. والله تعبت منه .. مدري هو غلطان بتصرفاته هذه ولا أنا اللي حساسه زيادة عن اللزوم !!! أنتوا ايش رايكم ؟؟ |
رد : مشكلتي مع زوجي من بداية الحمل
مرحبا بالفراشة الحلوة بيننا .. مبارك حملك ان شاء الله
عزيزتي اكيد انت في هذه الفترة تكوني حساسة فوق اللزوم واكيد ايضا زوجك يجهل ما تمرين به من اضطرابات الحمل ابحثي في النت عن مواضيع عن الحمل وتطوراته وحملي او انسخي ما تجدينه كافي ووافي عن نفسية الحامل واضطراباتها النفسية والجسدية والعاطفية طول فترة الحمل واختاري وقتا مناسبا جدا يكون فيه زوجك رايق واطلبي منه بكل رقة ان يقرا ذلك حتى يفهمك اكثر ويشعر بك اكثر قد يفيده ذلك كثيرا ويفيدك انت ايضا في امان الله حبيبتي وتلدين بالسلامة ان شاء الله |
رد : مشكلتي مع زوجي من بداية الحمل
الله يبارك لكم ويرزقكم الذرية الطيبة المباركة
اللي تمرين فيه شي طبيعي.. انتي وضحي لزوجج بأسلو حلو اللي يضايقج واطلبي منه يراعيج أكثر ومايعلق تعليقات مو حلوهـ وخليه يقرا ويتثقف أكثر عن المتاعب والنفسية اللي تعاني منها كل امرأة حامل.. ربي ييسر لكم ويبارك |
رد : مشكلتي مع زوجي من بداية الحمل
صراحه ايش بيده يسوي لك أنا اتعب ماعمري تكلمت هو يلاحظ ويجي يجلس جنبي من غير ما أشتكي بس طلبت منه يساعدني بشغل البيت واذا احتجته يكون قريب غير كذا مو ضروري
|
رد : مشكلتي مع زوجي من بداية الحمل
عادي نفس زوجي تجيه لحظات ما يصدق ويعتقد أنها توهمات ومبالغات لحد ما شاف موقف تقيئت فيه من ريحته لما حاول ياخذني للغرفة ويجلس معي غصب وانا رافضة لاني أشعر ان حالة القئ موجودة عندي .. من ساعتها وبدا نوعا ما يصدق :( لا تشكي له وريحي راسك |
| الساعة الآن 08:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©