محتاره بسبب زواج أخوي
 

السلام عليكم و رحمة الله

مشكلتي ببساطه
أنا كبيرة العائلة و دائما انا المسؤولة عن كل أمور العائلة بعد أبي و أمي الله يحفظهم
عندي أخ يصغرني بقليل و هو الولد الوحيد بالعائلة يدرس بكلية طب الأسنان و أخر سنه
أخوي مو ملتحي لكنه ملتزم بطبعه و خلوق و قلبه أبيض و حنون
قرر أخوي يخطب و انا و أمي دورنا على زوجة بمواصفاته طلب مننا ندور عن طالبات تخصصات اسلامية لأنه يبغى زوجه صالحه و على قدر من الجمال بنفس الوقت و طبعا طلبات غيرها بسيطه
حصلنا له فتاه بكل مواصفاته تقريبا و حافظه لأغلب القرأن ما شاء الله و جميله ايضا لكن بسبب حادث بفترة طفولتها سبب لها العمى
كانت أمي تكلم أخوي عنها و استغربت انه كان مهتم بشكل غريب و طلب الشوفه الشرعية و أعجب بها لدرجه جنونية حاولت اتحاور معه بسبب قراره بالزواج من عمياء الله يشفيها لكن كان عنيد بشكل غريب

يمكن أنتو ما تفهموا وجهة نظري أو انا ما اعرف اوصلها لكم بس أنا أعرف أخوي قلبه أبيض و حنون

أخاف يكون اختارها من باب الشفقه ما أبغى اظلم البنت لأني مسؤولة عن هذا الزواج أخاف يظلمها بسبب تسرعه أنا دائما أسمع قصص عن الحياة الزوجية و أسمع ان الزوج أحيانا يعاير زوجته بأي عيب فيها مثل قصص معايرة الرجال لزوجاتهم بسبب انها اكبر منه او رخص مهرها
أخاف على البنت من ظلم أخوي لا قدر الله

أخوي مصر على خطبته لها نهاية الشهر و الموضوع يضايقني بشكل كبير
أتمنى تنصحوني ايش التصرف السليم

ربي يسعدكم

رد : محتاره بسبب زواج أخوي
 

رد : محتاره بسبب زواج أخوي
 

هلا أختي
هو ما راح يتزوج الا اذا توظف ان شاء الله بعد سنة
ناقشته بكل شي يتحجج انه بيكون عيونها بالدنيا كلامه أحلاام مو واقعي
هو حيسكن بنفس عمارتنا لكن شقتهم منفصله عن بيتنا و يجيب لها خادمه

بصراحه حيرانه و خايفه عليهم و متضايقه كثير

رد : محتاره بسبب زواج أخوي
 

بالنسبه لموضوع واخوك والبنت ماراح ارد عليه واكيد الاعضاء ماراح يقصرون .
بس لفت نظري انك قلتي انه طلب تدورون له على طالبات تخصصات اسلاميه ؟؟
باقولك شئ اتمنى يوصل لاخوك مو كل اللي تخصصاتهم اسلاميه ملتزمات وكمان مو يعني اي وحده تخصصها مو اسلامي تكون مو ملتزمه .
انا درست قبل التخصص دوره تأهيليه وطبعا كان معي مجموعة بنات واكثرهم اختاروا تخصصات اسلاميه بس عشان بعدها يقدرون يحولون انتظام او عشان نسبتهم تدخلهم بس هذي التخصصات بس طبعا كلامي مو على الكل .

رد : محتاره بسبب زواج أخوي
 

أختي أنا قلت في كلامي انه كان عنده طلبات بسيطه زياده على تخصصها
هو برأيه ان نسبة البنات الملتزمات أكيد اكثر من باقي التخصصات
و بصراحه أخوي شويه معقد
أخاف يفشل زواجهم و أكون أنا المسؤولة

رد : محتاره بسبب زواج أخوي
 

انصح اخوك اولا يستخير الله
ثم يستشير احد العقلاء والمشايخ
ثم يتوكل على الله ويعزم على الزواج

اما انت لاتتضايقي من قراره لان هذه حياته الخاصه وليست حياتك (يعني حطي قلبك في ثلاجه ) وهو مسؤل عن تبعات هذا القرار والله الموفق

رد : محتاره بسبب زواج أخوي
 

عليه بالإستخارة وان يقتنع قنوع تام في هذه الخطوة
الله يوفقه ويجيب اللي فيه الخير له ولها

رد : محتاره بسبب زواج أخوي
 

يا أختي أنت نصحتيه بما فيه الكفاية وهو الذي يتحمل هذا القرار الذي أخذه بيده
لانك سبق لك أن نصحته ولا تتحملين أي مسؤولية عيشي حياتك بهدوء بدون التفكير
في هذا الموضوع الذي أنت قلتي فيه رأيك
اختي اقول لك كرري له هذه المرة أن يستخير الله في هذا الزواج وأن يستشير أكثر
ربنا يكتب له اللي فيه الخير ان شاء الله وقولي له أن لا يستعجل

رد : محتاره بسبب زواج أخوي
 

رد : محتاره بسبب زواج أخوي
 

شكراً أخي
انا خايفه على البنت و أخوي من الفشل