|
انا وخطيبي والفلوس
السلام عليكم ورحمة الله
انا اشكر القائمين على هذا المنتدى عندي مشكله عوووويصه ( مااعرف اتعامل مع المواقف، خاصه اللي يكون فيها جدال بيني وبين خطيبي) اهم مشكله صارة بيني وبينه(عشان الفلوس) انا وياه ناخذ نفس الراتب هو 7000 وانا 7000 وطبعا هو كريم ماشالله عليه (مايجي الاسبوع الاول من الشهر الا راتبه مخلص) انا مو كريمه مثله، بس تعودت اصرف راتبي على نفسي(مكياج وشنط وعطور) انا من عايله وضعها المادي افضل من وضعه المهم خطيبي قرر يشتري شقه وقرر يشتري سياره جديده( سيارته القديمه اعطاها اخوه الصغير) وطبعا كله بالقروض+ قرض الزواج والمهر و و و كان دايم يقول الباقي من راتبي على راتبك انتي خذيه وخليك مسؤله عن البيت.. انا اقتنعت بس يوم فكرت زياده.. لو شرا البيت وقرض الزواج بيبقي من راتبه بس 2000 واكيد انا بدفع فواتير واتقضى و و بصراحه خفت و مابي اعيش بمستوى اقل قلت له خلاص شيل فكرة البيت من راسك ومابي نجمع رواتبنا. كل واحد معه راتبه. مره مسكين جرحته بكلامي وتضايق وقال انا مسول عنك وعن البيت باللي يبقى من راتبي وشرايكم؟؟؟؟؟؟؟؟؟؟؟؟؟؟؟؟؟ انا متعوده على الاستقلال المادي ومابي بكره الناس تقول (بعد ماتزوجت فقرت او اي شي ابي حل كيف اتعامل مع خطيبي وكيف احل مشاكلنا الماديه مابي اخسره |
رد : انا وخطيبي والفلوووووووووووووووووووس
الفلوس إذا دخلت بين الأحباب تسبب مشاكل.. سواءً أخوان أو أزواج أو إلي يكون أنا رأيي إنك ما تحطي فلوسك معاه وتحمليه مسؤولية البيت عليه بشكل رسمي ولا تثقلي عليه بالطلبات وبعدها من يوم ليوم لو البيت إحتاج شيء مافيها مشكلة لو دفعتي من عندك بس يكون بطيبة خاطر منك وما يكون واجب عليكي أبداً أبداً ..ولازم هو يتعود إنه يغض النظر عن دخلك ولا يعتمد عليه بأي شكل من الأشكال. الحياة صارت صعبة وما فيها شيء لو الزوجة وقفت مع زوجها من وقت لوقت بس بدون قلب الأدوار ولازم كل واحد يلتزم بدوره وبواجبه والحق ما يزعل أحد والله يفتح لكم أبواب الرزق ويرزقكم الذرية الصالحة |
رد : انا وخطيبي والفلوووووووووووووووووووس
ماشاء الله خطيبك باين معتمد على نفسه
لكن ليه ترفضين يشتري بيت ملك الملك افضل من الاجار مهما يكون انا معاك انك ترفضين تشيلين مسؤولية البيت حتى لو من راتبه كان قلتي له ماعرف ماتعودت خلني اتعلم منك اول كيف امشي امور البيت 2000 ان شاء الله بتكفي امور البيت امورك الشخصية خليها عليك لكن مايمنع تخلينة يشتري لك شي من راتبه حتى لو كان بسيط عىى قد مايبقى من راتبه هالشي رايح يبسطك ويبسطه انه قدر يخليك مبسوطة ومو كل طلب اطلبه ورفضتيه تندمين عليه حتى لو حسيتيه تضايق يتضايق لحظات وتعيشون بسعاده وحياة صحيحة مدى العمر افضل من ينبسط وانتي تشيلين بقلبك وتتغير معاملتك وحياتكم |
رد : انا وخطيبي والفلوووووووووووووووووووس
الله يصلحك موقفك صعب مايترقع بس اللي اقدر اقولك شيلي الانا من كلامك
انتي الان على ذمة رجل وانتي وزوجك واحد الله يسامحك موقفك جارح بس يارب ياحي ياقيوم فرج همها ويسر امرها وسخر لها زوجها وسخرها لزوجها اختك نبض الواقع |
رد : انا وخطيبي والفلوووووووووووووووووووس
حبر سائل
كلامك مقنع لولو الصباح كلامك صحيح بس الالفين بتخلص في يومين نبض الواقع اشكررررك حبيبتي على دعواتك |
رد : انا وخطيبي والفلوووووووووووووووووووس
احمدي ربك كريموفاتح المشاركه معك ماعليه اضمني بيت و سياره والباقي من راتبه و راتبك والله ماقصر امثاله قليل
انا الي مثل كذا اقط معاه واشاركه لان فيه شفافيه ماليه |
رد : انا وخطيبي والفلوووووووووووووووووووس
كلامه صح 100% ..
الزوجة تعيش علي قدر دخل زوجها |
رد : انا وخطيبي والفلوووووووووووووووووووس
وليه بتخلص بيومين السبب انتي او هو
اذا السبب منك مالومه لما قال انتي تستلمين مسؤولية البيت اما اذا السبب هو فخليه يتحمل نتيجة تبذيره |
رد : انا وخطيبي والفلوووووووووووووووووووس
الحين راتبه باسبوع واحد يخلص وتقولي كريم....؟
لا كرم ولاهم يحزنون هذا تبذير ولامبالاة بعدين الامور المالية مد وجزر مو مره وحده مدددد واقعدبها اخر الشهر مطفر خلي فشخرة السياره بعدين اذا ملزم خله ياخذ الشقه وبس بس الاتكالية مو حلوه وهو ولا عليه لو يروح الراتب كله يفكر براتبك وهذي مو حلوه راتبك خليه استقلالي لك بوقت الازمات للمستشفيات لاسمح الله وكذا والمعيشه خليها على راتبه لو ياخذ قرض ويبقى معاه نص المبلغ معليش اما يبقى 2000 بيورطك ويخليك انتي مسئولة عن المعيشه والفواتير وا وا الخ... وهو منغنش وسياره جديده ولا على باله اسئلي سؤال واحد لو مانتي موظفه شلون بيعيشك, ويستلم القروض الي ماتبقي من راتبه غير 2000 او لا راح يختلف تفكيره وبيجاوبك بمنطق وبيقولك اقل شي راتبي ماينقص عن 4000 وبتعرفي بعدها انه مو مبالي لانه معتمد على راتبك وفهميه هالنقطه لايعتمد على راتبك هو المسئول وانتي مو مشكله وقت الازمات بتساعديه , اما من بدري كذا معتمد راتبه على راتبك وعايش برفاهيه , مع احترامي لك (غباء) تقبلي بها الشي قوليها له من بدري كاش راتبي مستقل عن راتبك وفهمي بطريقتك عشان لايحط بباله مثلا اخر الشهر بيكون اجمالي الراتب 14000 ويبنى حياتكم على هالتفكير ويبدء يبذر اكثر واكثر والله يوفقكم ويسعدكم بحياتكم ويريح بالكم |
رد : انا وخطيبي والفلوووووووووووووووووووس
تصرف زوجك حلو .. بانه يترك باقي راتبه معاك
انت كان ممكن تتصرفي بطريقة اكثر حكمة .. طريقتك بتصنع حاجز نفسي بينك و بينه و راح تخسري اكثر مما كنت حتخسريه .. عشان تزيلي الحواجز من جديد |
| الساعة الآن 02:17 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©