خطيبتي تحاول فرض رأيها في مسائل تتعلق بمستقبلنا
 

السلام عليكم ورحمة الله وبركاته


انا خاطب منذ فترة و علاقتي بخطيبتي تمر بمطبات كأي خطيب و خطيبته ...
خطيبتي او زوجتي بالاحري عمرها 22 وانا 28 الاحظ انها تريد فرض سيطرتها علي علاقتنا في امور كثيرة غالبا بالتلميح و نادرا بالتصريح ،،، ولأني كنت ارد عليها بحزم اصبحت تتجنب المشاكل معي ، ولكن جربت ان اغير من اسلوبي لاسلوب التسامح و الهدوء فرجعنا علي مشكلتنا القديمة ... شخصيا انا انسان هادئ جدا ، عادي ، طيب جدا ، لااحب ان يملي علي اي شخص اية املاءات ،،، اشتري راحتي بأي ثمن ...

الجانب الاخر من المشكلة ان الامور التي تحاول زوجتي فرض رأيها بالقوة او التسلط هي امور شرعية لانقاش فيها ولايمكنني ان اتنازل عنها ، والا لكنت لين فيها ...
مثلا اتحدث معاها في الرياضة ،، اقول لها : ان شاء الله نتمرن مع بعض بالبيت ، راح اجيب ادوات رياضية ونبدأ نتمرن بغرفة خاصة للرياضة ، تتحمس وتقول / ايه فكرة حلوة و نجيب مدربة بالبيت تدربنا ... انا هنا اقول / لا يا حبيبتي مايجوز شرعا انا اتدرب مع حرمة اجنبية ... هنا هي تقول لا ماراح نجيب وحدة لبنانية مثلا ، بنجيب فلبينية .... انا اقول كلهم نفس الشئ ... اجيب لك وحدة تدربك وبعدين انتي علميني ...

ومن هذا المنطلق هي دائما تلمح في كل شئ ،،،، انا ممكن اتجاوز واكبر راسي لكن التلميح بحد ذاته مزعج وخصوصا في الامور الدينية ..
وانا مخاوفي تكمن ان اهلها شوي منفتحين وهذا مصدر ازعاج لي في المستقبل ...


ارائكم في كيفية التصرف مع محاولات تسلط زوجتي علي ؟؟؟ مع العلم انني الي الان ممشي الامور علي مزاجي بالدبلوماسية و التطنيش احيانا ...
و ضعوا في الاعتبار اني راح ابتعث قريبا و بالتالي ماراح اجلس في السعودية بعد الزواج الا فترة جدا بسيطة ... وفي الغالب سنجلس في الغربة لوحدنا ،،،، وهنا اتوقع مجابهة مشكلة الحجاب مع زوجتي لانها تلمح بالحجاب العادي و انا اريد الحجاب الكامل خصوصا ان كل الفتاوي تشير الي هذا الاتجاه و بصراحة كل الفتيات السعوديات ماشاء الله منقبات هنا ...

جزيتم خيرا مقدما ...








مالك

رد : رجل الرجال ، البليغ ، كل الاخوة و الاخوات الافاضل ...
 

السلام عليكم ورحمة الله تعالى وبركاته

اخوي مالك
دامك محافظ دينياً وتحب ان زوجتك تكون مثلك محافظة على التعاليم الدينية ليش خطبت من عائلة منفتحة؟؟ ليش ما اتجهت للعائلات اللي تخدم مشروعك الديني؟؟ تاخذون البنت وهي متربية تربية اهلها اسنين طويلة وتبونها بيوم وليلة تتغير على هواكم؟؟ ظلم ياخوي وميصير ودامك رضيتها زوجة وانت تدري انها من عائلة منفتحة تحملها يامالك إليين ربي يسخرها لك وللي تبية!!

اخوي
اول شي ممكن تسوية عشان زوجتك تطيعك وتسمع كلامك هو أنك أتخليها تحبك!! مو تخليها تخاف منك!! أبني المحبة بالأول وبعدين تعال شرع وسن قوانينك اللي تبيها في زوجتك ، وصدقني بتسمعلك بكل حب وبتحاول ترضيك بأي طريقة ، وخلك لين معها وسمح وحنون وعطوف خصوصاً في مواضيع عادية مثل مواضيعكم عشان تجذبها لك وتحسسها بالأمان وبالتالي تحبك ، واذا ماعجبك كلامها اسمعة وطوفة (تراها صغيرة)!! يعني خذها على قد عقلها!! هي تبي تحس انها تشاركك القرار بما انها زوجتك!! والا من صدقك تبي تدخل حرمة اجنبية بيتك ادربك انت وياها؟؟ والله حتى الأوروبيات مايسوونها مع ازواجهم ههههه عطها جوها ياخي وحسسها بأهميتها وبأهمية أرائها!! ما بينقص منك شي اليا ونستها!!

وبعدين ياخوي شنو تفرض سيطرتها!! داخلين حرب انتم والا زواج؟؟ لاتاخذك الهواجيس وافكار المجتمع الذكوري المتخلف اللي احنا فيه وتقول انك لازم تحكم سيطرتك ع زوجتك حتى في الامور العادية واذا ماسويت كذا زوجتك راح تسيطر عليك وماتحسسك برجولتك وقوامتك وووووالخ.

سيطرتك تفرضها في امور قوية!! في امور حساسة!! في امور فصالة!! مو بالامور العادية مثل الامور اللي تمرون فيها!!

أبني المحبة بينكم الحين وخلك ذكي!! لاحبتك البنت والله والله لو تبيها تلبسلك الثوب مقلوب البستة!! ثم لاتفكر بسلبية في كل شي بينك وبينها!! خلك إيجابي وأحسن الظن في كل شيء!! وخل ثقتك بنفسك قوية!! وحط أبالك انها أنثى يعني هي الاضعف مو انت!!

لاتخوفها منك بعدين تسكر عواطفها عليك!! وان سكرت عواطفها وربي بتتعب اكثر!! وانت ماتزوجت الا انك تبي هالعواطف وهالمشاعر اللي عندها عشان تتحد مع المشاعر والعواطف اللي عندك وتسوون من هالشي علاقة زوجية متينة وصحيحة وسعيدة.

انت الحين في بداية زواجك اللي لازم اتسوية الآتي وبالترتيب:.
1- اتعرف على زوجتك من كل النواحي وتعرف شنو تحب وشنو تكرة
2- تعرف حقوقها الزوجية اللي عليك (والكتب كثيرة)
3- تبني علاقة حب معها مبنية على الاحترام والتقدير والعطف والرحمة (أهم نقطة)
4- تعطيها كامل حقوقها اللي عليك النفسية والمادية (وخصوصاً النفسية)
5- تبدأ في أعطاء تعليماتك اللي تبيها بزوجتك مثل الحجاب والملبس وووالخ

تدري ياخوي يامالك انت لو تبتدي من 1 إلى 5 بترتاح معاها كثير وبتحس بالسعادة بس اعتقد ان مشكلتك هو انك تبي تبتدي معها من 5 إلى 1 وهذا غلط وبيتعبك كثير وبيتعبها وبتدخل عليكم التعاسة!!

وانت ماشاءالله تبارك الرحمن رجال كبير وهي صغيرة ف لازم اتوسع صدرك عليها لأبعد الحدود!! تراك ربان السفينة والقائد والراع والمسؤول ورب المنزل ف يعني لازم يكون للعقل والمنطق في تعاملك الشيء الكبير والكثير.

الله يوفقك.

رد : رجل الرجال ، البليغ ، كل الاخوة و الاخوات الافاضل ...
 

شاكر مرورك يا سيدي الفاضل ...
في الحقيقة مقدار التفتح بيننا وبينهم ليس كبير ، فامها وامي وابوها وابي نفس الاصناف ، ولكن عائلتي من ناحية الابناء اكثر تحفظا منهم ، وهم كذلك ليسوا متفتحين للدرجة التي تعتقدها ، وضع في اعتبارك انها اخر العنقود ...

بالنسبة للسيطرة ، انا لا املك الخبرة الكافية في التعامل مع النساء ، ولكن بدا لي انها تريد ان تفرض نظرتها في البيت من الان ،،، وهذا ما جعلني اتخوف نوعا ما ..

انا متفق معاك بخصوص النقاط من 1 - 5 ،،، وانني في الحقيقة بدأت بالطريق الصحيح ولكنني مؤخرا لخبطت شوي ...

هل لك ان تلمح لي كيفية السيطرة في الامور الحساسة ؟؟؟
وشكرا لك

رد : رجل الرجال ، البليغ ، كل الاخوة و الاخوات الافاضل ...
 

لاتسمع الكلام الي يقول سيطره ماسيطره اخذ زوجتك حبه حبه ولا تدقق على الكلام ترى حنا الحريك نحب نهرج كثير
والمواضيع الي ذكرتها عاديه اما من ناحيه الحجاب لا هذا يبي له حزم يس باسلوب

رد : خطيبتي تحاول فرض رأيها في مسائل تتعلق بمستقبلنا
 

رد : خطيبتي تحاول فرض رأيها في مسائل تتعلق بمستقبلنا
 

والله موضوعك اكبر مني
لكن بفيدك بموضوع الحجآب هناك
امي رآحت هناك عند اخوي وطلعت وهي لابسه عبآية سعودية 100% بس لون بني على ذهبي لون حلو
وكل من شآفها في المطار من الحريم جوها يسألون من وين شريتيه كيف خيطتيه وتبدآ اسئلة المعجبين
ويوم وصلت البلد البعثه مع اخوي الموظفين في المطآر من الجمآرك واللي يفتشون يتجنبونهآ ويخلون الموظفآت الحريم يقومون بالموضوع
عكس حرمة كانت قدامهم لابسه حجآب عادي
فتشوها الرجآل وزوجها قدامهم رآضي مع الاسف .

رد : خطيبتي تحاول فرض رأيها في مسائل تتعلق بمستقبلنا
 

اتركها
و ابحث عن متدينة تحفظك و تربي ابنائك علي الاسلام
اهم شيء من تربي ابنائنا علي الدين الصحيح
غلطة عمرك .. الزواج من فتاة لا تحب التدين

رد : خطيبتي تحاول فرض رأيها في مسائل تتعلق بمستقبلنا
 

هذا اللي تحس فيه مو فرض رأي هو مجرد شعور نابع من احساسك بأن فيه تمرد وماالومك فيه كون بيئة المجتمع تفرض السلطة الذكورية في كل شي


بالنسبة للحجاب في الخارج
اذا هي كانت تقصد الخمار وهو تغطية الرأس مع كشف الوجه هذا عادي

لاتحاول تفرض رأيك وفهمها وجهة نظرك وافهم منها متطلباتها