|
سؤال غريب ... هل عيب تقول لخطيبتك / زوجتك انتي كذابه ؟؟
السلام عليكم ورحمة الله وبركاته
اخواني اخواتي ... اعرف ان الكذب حرام واحيانا الانسان لازم يجامل ... لكن صراحة موقفي مع زوجتي غريب .... زوجتي ارسل لها رسائل بالواتس اب و تقول ما توصل لها ... مع العلم ان الواتس اب يبين اذا وصلت الرساله او لأ ... واذا ارسلت لها وقلت تعالي ضروري ترد في اقل من دقيقة .... اما في الاوقات الثانية ممكن ترد بعد يومين او اكثر ،، واخر الايام صارت ترد بعد اسبوع .... لما عاتبتها بقوة تاسفت و قالت توها الرسايل تجي والواتس اب كان خربان ... الحركة ذي تكررت اكثر من مرة ... ومع اني بينت لها بطريقة غير مباشرة ان الكذبة هذي واضحه لكن استمرت علي ماهي عليه ... اللي محيرني ان زوجتي ذكية و غريب عليها الكذب بالطريقه هذي ... ومع هذا تعدلت يومين ثم رجعت لما هي عليه ... شو رايكم ؟؟ هل اقول لها المرة الجاية انتي كذابة مع احترامي ؟؟ لان صراحة الكذب يكون معقول لكن ماهو بالطريقة هذي .. نواف |
رد : سؤال غريب ... هل عيب تقول لخطيبتك / زوجتك انتي كذابه ؟؟
قل لها ممكن اتفهم ظروفك إذا ما تبغين تردين
بس مافيه مجال تقولين انها ما وصلت الرسايل لأنه يبين انها وصلت وكذا ممكن تبين لها بطريقة افضل من كلمة كذابة بشكل مباشر لأنها ممكن تفتح عليك ابواب مقفلة وتمسكها عليك في كل موقف |
رد : سؤال غريب ... هل عيب تقول لخطيبتك / زوجتك انتي كذابه ؟؟
يا خوي شوي شوي هي تعرف وتخليك تبين حبك لها ولهفتك عليها عادي جدا بس لا تقول كذابة
|
رد : سؤال غريب ... هل عيب تقول لخطيبتك / زوجتك انتي كذابه ؟؟
سماري ...
هي قالت لي في اخر مكالمة انها كل الفترة اللي فاتت كانت فاضية ولا عندها ولاشي بعكس اول ... يعني اية ظروف ؟؟ حتي اصلا سألتها ... اذا عندك ظرف او اي شي اتمني تقولين لي عشان اساعدك لو اقدر ... قالت لا بالعكس ... و قالت كلمني علي طول بالجوال ما يحتاج واتس اب .. ثاني يوم ارسلت لي رسايل حب .. وقفلت الجوال ..؟؟؟!!! تخيل !!!! شرور الشوق .. بالعكس والله اني ما كنت ابخل عليها باي كلمة حب ... لكن والله في الفترة الاخيرة ما اقدر اقول كلام حلو لانها تصعب الموقف كثير علي ... و الله عودتني اني ما افقدها ابدا ... ما صرت احس بوجودها من عدمه ... |
رد : سؤال غريب ... هل عيب تقول لخطيبتك / زوجتك انتي كذابه ؟؟
لا لا انصحك لا تقول الكلمة دى .....انا فى مرة قلت لزوجتى بلاش تمثيل وما اوصفلك عاللى عملتة...
خليها بطريقة غير مباشرة احسن |
رد : سؤال غريب ... هل عيب تقول لخطيبتك / زوجتك انتي كذابه ؟؟
حبيبي mshihne ...
لاتشيل هم انا اصلا متعود علي الصراحة معاها ... ماراح تنصدم مني :) .. |
رد : سؤال غريب ... هل عيب تقول لخطيبتك / زوجتك انتي كذابه ؟؟
ليس من الذوق والأدب أن تقال هذه الكلمة لأي شخص
فمـآ بالك إذا كانت لزوجتك؟! التي هي أحق النـآس بجميل أخلآقك : : الكلمة والله تجرح مرة حتى لو تصرفاتها تدل على كذآ حتى لو بينكم صراحة وميانة قوول لهـآ بكل حب وراحة نفس إذا ماتبغي تكلميني عآآدي قووليه و أنا ماراح اتصل وشوف وش حتقولك > لآتصير حساس مرة أحيان يمر علينا أوقات مانبغى نكلم أحد فااعطها حرية شوي يمكن مشغولة يمكن مو رايقه يمكن عندها مشكلة يمكن تعبانة تصرفاتها تدل على انه( أنا مو مستعدة اتكلم معاك الفترة الحالية) طبيعي جدا خليها براحتها إلا في حالة كنت انت عارف وش السبب الرئيسي لتهربها فعليك اصلاح المشكلة ليتحسن التواصل الله يتمم امورك على خير يارب |
رد : سؤال غريب ... هل عيب تقول لخطيبتك / زوجتك انتي كذابه ؟؟
هلا اختي سما ...
انا سمعت من بعض البنات ان ببعض الفترات مالهم خلق يتكلمون مع اي احد ...ممكن تقولين لي كم هذي الفترة ؟؟؟ لاني انا وزوجتي من تقريبا 3 اسابيع و الاتصال صعب جدا ... اكلمها اليوم ترد بعد يومين برسالة و هكذا ... تنتهي 10 ايام عشان نتكلم مكالمة مالها طعم .. الان والله ما اقدر اقول لها احبك ... احس اني منافق اذا قلتها .. اعتقد تفهمين قصدي .. لاني احس ان الوضع مو طبيعي وهي بعد حاسة بنفس الشئ .. |
رد : سؤال غريب ... هل عيب تقول لخطيبتك / زوجتك انتي كذابه ؟؟
أخوي... اولا عيب تقول هالكلمه لأي شخص فما بالك زوجتك...
ثانيا... تراها ما جذبت عليك... كلامها صدق... انا ياما يرسلون لي عالواتسب و ما يوصل... و أحيانا يوصل بعد فتره... مع ان يظهر لهم ان وصلني... و أحصل نفس العتاب... بس شو أسوي يوم الواتسب يخرف احيانا... البرنامج احيانا فعلا يخرف... و تعلم اللطف في الكلام... المصارحه الجافه ما اتييب نتيجه و انا اختك... |
رد : سؤال غريب ... هل عيب تقول لخطيبتك / زوجتك انتي كذابه ؟؟
الأخ الفاضل /
قد تكون المشكلة فنية في البرنامج , أطلب منها حذف البرنامج وإعادة تحميله مره أخرى .. حصلت نفس المشكلة في جهاز الآيفون لدي ,وفعلت نفس الطريقة .. تريث قبل الحكم على الآخرين بما لا يليق .. صدقني ..لو كانت ترفضك أو لا تحبك ,لقالت هذا ببساطة ,على الأقل لأهلها .. |
| الساعة الآن 04:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©