حاسة باليأس
 

السلام عليكم ورحمة الله وبركاته...
انا عمري 17 سنة اتقدم لي شاب عمره 21 وهو اخو زوج اختي ، في البداية اتكلم مع امي وتناقشت معاه على موضوع الخطبة الى ان اعجبت بشخصيته وصارت النظرة الشرعية وحدد ابوي وامي ان الخطبة تكون بعد سنة ونص على ما اكمل دراستني وطافت نص سنة وطول هذي المدة كنت اتكلم معاه في الوتس اب كان كثير تصير مشاكل على اسباب تافهة مثل ليش ما تتكلمي الا اذا انا اتكلمت او انا امبي اهتمام اكثر منك
المهم انا ما بطول اكثر مرت 6 شهور على كلامنا وكل ما تصير مشكلة تعرفها امي وتحلها وفي آخر مرة بندت التلفون عشان ما اتكلم وياه وهني صارت مشكلة وكل مرة يتضايق كل يومين لازم تجوفينه مضايق امي هني قالت ان هذا الشخص مو طبيعي بإعتبارها دارسة علم نفس وقالت لي اني انساه كليا ، والحين في هذي الايام تحسنت الاوضاع بيني وبينه لكن امي لهذا الوقت مصرة ان هذا الزواج رافضتنه من الاساس الا اذا اتغيرت اخلاقه هو عصبي وبسرعة يتضايق وحاليا الشاب رايح يدرس بره 8 اشهر تقول لي امي ان انساه كليا لان ما في شخص يرجع من بره بدون ما يتغير وتقول ان بتأخر الخطوبة سنة اضافية علشان نتأكد منه من جديد واني خايفه مره ان لما يرجع من السفر خصوصا مدة مو طويلة يتغير وما يباني ومو عارفة شلون اتصرف ... شنو تنصحوني؟؟

رد : حاسة باليأس
 

انصحك بما احب ان تفعلة خطيبتى ...اولاً اخرجى امك من موضوعكما تماماً واخبرى خطيبك بذلك مع انى اعلم انك ستتحرجين من هذا ولكن اذا كنتى تحبين خطيبك وتريدين ان تكملى معة اخبرية بذلك ثم اعلمى علم اليقين ان الرجل يحب ان يرى الاهتمام من زوجتة يحب ان يراها تنتظر عودتة تتلهف علية مشتاقة الية ولربما زوجك ينقصة ذلك منك ....يا اختى اعلم انك صغيرة السن ولكن ان شاء الله لديك من الحكمة والتعقل ما لديك انتظرى اتصال خطيبك واخبرية بهذا الامر وحاولى ان تسألية المرة القادمة عن احوالة وعن صحتة ثم المرة التى تليها تخبرية انك افتقدتية ...ان كنتى تريدين ان تتعدل احوالك يجب ان تبذلى قليلاً لكى ترتاحى بعد ذلك ....سأعلمك شىء الرجال اطفال يمكنك ان تملكى قلوبهم بئاشياء قليلة لا تكلفك شىء ويهمهم اثبات ذلك بالقول والفعل

رد : حاسة باليأس
 

كلام الاخ في الاعلى جدا صحيح
تحياتي

رد : حاسة باليأس
 

حبيبتي انا من رأي امك لا تتواصلي معاه و خلي الامور مؤجلة لحين عودته من الدراسة و اهتمي انتي بدراستك
و مدام هي خطبة بس لا تكثرين معاه و خصوص ان ما في شئ رسمي يربطكم
خدي راي الماما و ريحي نفسك

رد : حاسة باليأس
 

اعجبني ردك ايمان 2011 ، امي وابوي مقررين من اكمل دراستي اروح بره ادرس اخبره بده الموضوع اولا وانا ادري من يعرف بيتضايق مره وبسوي مشكله مالها اولا ولا آخر

رد : حاسة باليأس
 

لا تقوليله وش قررتي بحياتك خليه يتواصل مع امك هي تعرف كيف تتحاور معاه
ادا كلامك معاه راح يثير مناوشات بينكم فمن الاحسن تصكي باب الجدل و وجع الراس عليك
امك باين فيها انسانة حكيمة اتشاوري معاه و لا تسوي شئ ابد من راسك
الله يكتبلك الي فيه الخير اكثري من الصلاة و الدعاء و ربي يوجهلك الخير في دراستك و دنيتك و دينك و اخرتك