|
زوجي وتصريفه لي
السلام عليكم ورحمة الله
بحكي لكم مشكلتي وابي الحق فيها واللي بيرد بااسلوب غلط يوفرها لنفسه انا حامل واغلب حملي عند امي ع سرير مااتحرك كثير ووممنوعه من اشياء كثير طبعاً زوجي راضي بهالجلوس مايبيني اشتغل يوم دخل رمضان بكم يوم قال تعالي عندي ولاتشتغلين ولاشي ابيك توسعين صدري بس انا رحمته ووافقت ورحت له بشقتنا صار هو يسوي الفطور وكل شي وربي ياناس مانسيت معروفه واني اشكره وهو شخص عملي يعني معجبه الوضع ويحب يشغل نفسه بااي شي المهم تغير اسلوبه معي صار يقول لاتسولفين مع صديقاتك وتكلمين احد وانا توني مفطر مع انه مايعطيني وجه بس ع التلفزيون قلت صح انا غلطانه وبترك الجوال وكل ماسولفت معه يقول انتي ماتحترميني والله مليت من هالكلمة هو عممره ف الخمسين وانا عشرينية وولد خالتي وماخذته عن قناعة واحبه وطيب معي والشاهد ربي ولايقصر بااي شي ومطلق ام عياله قبل ياخذني بسنين وعنده بنات عند امهم اسلوبي في الحديث (مضحكة احب اعلق وكذا بس مااتعيب بشكل احد ودايم ضحكتي ع وجهي) هو مثلي بعد! بس مدري وش قصده ماتحترميني هل يقصد شي معين لعمره او لا؟ الحاصل تكلم علي بكلام شين ذيك المرة ورحت لااهلي ضاقت فيني الوسيعه وعرفت من اسلوبه انه يصرفني يبيني اروح بااي طريقه حطني عند الباب زعلان وقال لاتتصلين الا لضرورة طبعاً اذا كان الجدار ينطق ع اهانته انا نطقت تركته وجلست عند اهلي والله العالم بالنفسيه من اسلوبه حسيته يدور الزعله! بعدها كلمته امب تستاذنه اسافر معهم ووافق وف كلامه مع امي ان بنته بتجي من امركيا وبتتعيد معهم وانه بيمشي الشرقيه من بكرا مع بناته وعرس بنته ثالث العيد امي زعلت وحست ان بييننا شي وقامت تشره حنا مكرمينه ومعطينه بنتنا صغيره مفروض مايصرف بنتي عشان بناته والعلم لاسافر ببناته ولاشي بس اتوقع مايبي امي تدري عن زعلنا وانا نفسيتي دمار ارسلت له ابي مصروف وروح لي مع كلام اصرفي بشوي ومدري وش كلمته امس قلت مابي انام وربي غضبان علي يكفي ذنوبي اللي تعذبنيي يوميا وسلم عادي ولاكان فيه شي اليوم العيد دق ع امي عايدها ولاعبرني حتى برساله. فيني العبرة من اليوم بس ماابي احسس اهلي بشي ليش هنت بسهولة واحس امي تعطيني جمل كنها حاسه فيني مثل رجال الجيل الاول لاجبتي لهم عيال يهتمون ويدقون وكذا بس هذي مشكلتي اتمني تعطوني حل وفي الاخير كل عام وانتم بخير ههههههه |
رد : زوجب وتصريفه لي
نصيحتي لك لا توضحين لامك شي ولا تحاولين يتدخل احد في الموضوع علشان ما تندمين بعدين لان موضوعك سهل ان شاء الله..
لي رجعه ان شاء الله.. |
رد : زوجب وتصريفه لي
حبيبتي زوجج بعمر يبيج تحسسينه انه هو سي السيد
يعني تكلمينه بأسلوب اقرب الى الرسمية وما يمنع انج تضحكين بس مؤ على طول بالنسبة حق زواج بنته فكري معاي حبيبتي اذا ما وداج بيت اهلج راح يكون لاهي ومشغول وما يبيج تحترين او تغارين فهو قاعد يحافظ على مشاعرج الله يوفقج معاه يارب |
رد : زوجي وتصريفه لي
يمكن دائم تحسسيه انك متمننة عليه، لأنك قبلتي فيه ؟؟؟
يمكن تدقيه بالكلام كثير ؟؟؟؟ |
رد : زوجي وتصريفه لي
الراسي
جزاك الله خير طبعاً ماوضحت ومن الاول قلت مابينت مااحب ادخل احد وتكبر المواضيع ع الفاضي بانتظارك |
رد : زوجب وتصريفه لي
اقتباس:
امين يارب بس موهبة انا ماعمري طريت عياله بسالفه ولااغار حتى مو يقدر يقولي روحي بدون هواش واهانه يعني الحين هواشه مو جرح لي!! واتوقع ببدا اعامله كانه مدير فرع! اللي ف عمره يمكن كذا شكرا حبيبتي ع الرد ربي يوفقك ف الدارين |
رد : زوجي وتصريفه لي
اقتباس:
ابد ولامرة حسسته اصلا انا قابله فيه برضاي تناقض الدعوة! شكرا لك |
رد : زوجي وتصريفه لي
اتمنى من الاخوة والاخوات الاعضاء
يفيدوني بردود اكثر ابي احد يقنعني جزاكم الله خير |
رد : زوجي وتصريفه لي
رفع
وين ردودكم جزاكم الله خير |
رد : زوجي وتصريفه لي
تمنيت اجد ردود لكن للاسف
بقول وش صار معي بعد هالردود دق علي زوجي وتناقشنا ومن ضمن كلامه اني مااحترمه وتهين شخصيته فسألته قلت له باايش اهينك؟ قال تنتقديني على كل شي مثلاَ اذا اكلت تقولين صوت مضغك عالي وريحتي ومدري وش! صح هذا الشي اقوله له لاني مااحب صوت المضغ في الاكل بالنسبة لريحته هذا ايام الوحم شي طبيعي اكره زوجي؟ تضايقت مرة انه يكبر الموضوع عشان كذا هذي اشياء ماتستاهل الزعل نقاش فيها منه ان تضايقني واسكت خلاص يقول اني اهين كرامته ومدري وش وش ردودوكم ع الموضوع؟ واتمنى احد يعطيني حل مو كلمتين ويطلع |
| الساعة الآن 05:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©