منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   الرجل (http://www.66n.com/forums/forumdisplay.php?f=133)
-   -   الفزعه اخواني باحسن انواع الشمغ .. (http://www.66n.com/forums/showthread.php?t=238647)

توفي 10-08-2012 12:21 AM
الفزعه اخواني باحسن انواع الشمغ ..
 
السلام عليكم ورحمة الله وبركاته ...

اطلب المساعده ..

اليوم شريت لزوجي شماغين ..وغترتين وتهزات ..

رحت لمحل كبير بسوق الشمال ..

ومادريت الا وهو جايبلي شماغ ..اسمه ديور ..زوجي من النوع الي يلخمه البياع ..

انا اول كنت اشتري له ماي فير .. وعجبته واستمر عليها سنوات ..

المهم خفت انه يهاوشني قدام البياع ..قمت واخترت له شماغ اسمع جورجيو ارماني ..

مادري من متى ارماني وديور وجيفنشي ينزلون غتر وشمغ ..

المهم ..

ابيكم اخواني الرجال ..الفزعه ..

مابي اتهزا مره ثانيه .,.

ابي احسن قماش ..

خااامه وسعر معقول ..وشكل فخم ..

هاليومين ..ماله خلق يتجهز للعيد ..
مادري من وين جايه هالزهد ..
وش احسن قماش ..للثوب بعد ..
لاني كلمت الهندي حق محل الدولي ..وطلبت منه طاقة ثياب ..
بس قال وش تبين اي قماش ..؟؟؟؟؟

الله يهديه ينسى نفسه ..

الله الله وانا اختكم ..اي معلومات تفيدني ..عشان اذا جاء معصب ..ابين له اني فاهمه ..

Thamer24 10-08-2012 02:02 AM
رد : الفزعه اخواني باحسن انواع الشمغ ..
 
الشماغ , بيير كاردن.
اما الثوب , بالنسبه لي استخدم البنتلي من الجديعي خامه جيده.

شااااب 10-08-2012 02:07 AM
رد : الفزعه اخواني باحسن انواع الشمغ ..
 
اقتباس:
المشاركة الأصلية كتبت بواسطة توفي وفيصل (المشاركة 2842042)
السلام عليكم ورحمة الله وبركاته ...
الله الله وانا اختكم ..اي معلومات تفيدني ..عشان اذا جاء معصب ..ابين له اني فاهمه ..

ههههههه أضحكتني أخر عباره الله يسعدكم دوم ولايفرق بينكم بعطيك أفضل الشمغ مع أنها كلها نصب

شركات وجميعها لايتعدى أستعمالها 6 -4 شهور بعدها تفقد لمعتها وتفقد اللون واللي يشوفها يقول أكل

عليها الدهر وشرب مع أنها ماركات البسام بلس والبسام مايفير و كلوب ريفيرا و جفنشي و الميهاف

ودنهيل و نشمي و فالنتينو و فيرري و تسوتي و دسار و كنزو و بروجيه و بيير و كاردن

الأسعار تتراوح مابين 70 ريال إلى 300 ريال وأقيم أفضل شيء كأستخدام اختار لك مجموعه

مع ذكر كل وحده وسعرها

كلوب ريفيرا السعر 250 ريال وميهاف والسعر 150 ريال ونشمي والسعر 150 ريال

ثم البسام بلس والسعر 130 ريال بيير كاردن والسعر 250 ريال وانتي وعلى حسب ميزانيتك

وأما أفضل قماش أرشحلك نوعين واحد أسمه بطران ويجي منه 3 ألوان أصفر أبيض كريمي

والثاني أمزون هذي أقمشه يابانيه 100% والطاقه تبلشين فيها الحين مايفصلولك أتمنى أكون

أفدتك أختي توفي وفيصل وأتمنى ماأخطيت في النك مثل كل مره .................شااااب

توفي 10-08-2012 03:26 AM
رد : الفزعه اخواني باحسن انواع الشمغ ..
 
وشلون تقول انها نصب ..

ثمن تعطيني منها خيارات ..

وبعدين ابشرك الهندي ..معاملينه ..وقال خلاص بخلص لك كم ثوب ..

والثوب هاللي تقول عنه ..مابي لونه اصفر ..ابيه ابيض نيلي ..او الي دارج الحين ..

ابيه يفتخر لين قالو وش هالزين ..


طيب انا مااعرف الا ماي فير ..
ممكن تقولون لي وش الافضل هالي قلتو ولا مايفير ..

بقول للخياط بنتلي او بطران ابيض ..او امازون ..<<سهله الاسامي ..

توفي 11-08-2012 05:15 AM
رد : الفزعه اخواني باحسن انواع الشمغ ..
 
up...........

الحب المستشار 11-08-2012 06:06 AM
رد : الفزعه اخواني باحسن انواع الشمغ ..
 
ياريت أعرف كان افدتك :(

SFY 11-08-2012 01:56 PM
رد : الفزعه اخواني باحسن انواع الشمغ ..
 
الحقيقة أن موضوع الثياب والماش فيه الشيْ الكثير
بعض الخيطين يقول لك هذا قماش ممتاز وفيه اللهي فيه والبعض يقول لك هذا القماش ياباني وفي الخير يطلع صين درجة رابعة ما عليان
أنا أفضل القمش القطني لانه يكون بارد على الجسم (يوجد قماش ثقيل أي طايح ومتوسط وخفيف ممكن يتكرمش مع الجلوس) خير الامور الوسط
الشماغ أنواع واجناس أنا كنت أستخدام البسام Plus والبصمة ثم غيرت الى نوع شماغ فابيانو وكذلك شماغ هافامون وبروجية الا سرعاناً ما عدت الى البسام طبعاً سعر البسام Plus في المعقلية 125 وسعر البصمة 95 أو 100 و البسام الابيض 95
صراحة محظوظ زوجك اللي رامي الحمل عليك في هالامور

توفي 11-08-2012 02:29 PM
رد : الفزعه اخواني باحسن انواع الشمغ ..
 
اخي ثامر شكرا على الافاده ..الرائعه ..الله يجزاك عني بكل خيري الدنيا والاخره ..

اخي شاااب ..

الله يجزاك عني بكل خيري الدنيا والاخره ..

وييسر لك امرك ..ويسعدك ..

من جد انقذتني ..

اخي الحب المستشار ..من قال لا اعلم فقد افتى ..شكرا ..الله يجزاك خير ..

اخي SFY..

ماقصرت ..وعن هالسالفه ..انا زوجي قلت من النوع الي يدفع طخه على لاشئ ..

انا انقهرت لما شفته دافع الف وثلاث على شماغ اسمه ديور وغتره مدري وش اسمها وعقال مايواجه ..
هو يستحي يناقش البياع ..

اما انا متعوده ..ولا عندي باطلق شنب ..وكله بادب طبعا ..
ودايما هذا نقاشي معه ..

فصار ياخذ رايي بهالاشياء ..
يعني اذا شاف المحل فاضي قال تعالي عطيني رايك ..

وبعدين قلت للخياط يعطيني علامة القماش عشان اتاكد من السعر والنوع ..
وطق لي الثوب بميتين وثلاثين ..
هل السعر معقول ..
لاني لما بحثت بالشيخ قوقل ..لاحضت ان اسعار الثياب ..بميه وثمانين وفيها ..

الله يستر مايجي واحد من ربعه ويعطيه كم ملاحظه وتنقلب الطاوله علي ..

والله ان نيتي زينه ..
ولا ابي له خساير الا على شئٍ يسوى ..

مارد الجنوب 11-08-2012 08:13 PM
رد : الفزعه اخواني باحسن انواع الشمغ ..
 
الــقــســم الأنــســب

SFY 12-08-2012 02:27 PM
رد : الفزعه اخواني باحسن انواع الشمغ ..
 
اقتباس:
المشاركة الأصلية كتبت بواسطة توفي وفيصل (المشاركة 2842772)
اخي ثامر شكرا على الافاده ..الرائعه ..الله يجزاك عني بكل خيري الدنيا والاخره ..

اخي شاااب ..

الله يجزاك عني بكل خيري الدنيا والاخره ..

وييسر لك امرك ..ويسعدك ..

من جد انقذتني ..

اخي الحب المستشار ..من قال لا اعلم فقد افتى ..شكرا ..الله يجزاك خير ..

اخي SFY..

ماقصرت ..وعن هالسالفه ..انا زوجي قلت من النوع الي يدفع طخه على لاشئ ..

انا انقهرت لما شفته دافع الف وثلاث على شماغ اسمه ديور وغتره مدري وش اسمها وعقال مايواجه ..
هو يستحي يناقش البياع ..

اما انا متعوده ..ولا عندي باطلق شنب ..وكله بادب طبعا ..
ودايما هذا نقاشي معه ..

فصار ياخذ رايي بهالاشياء ..
يعني اذا شاف المحل فاضي قال تعالي عطيني رايك ..

وبعدين قلت للخياط يعطيني علامة القماش عشان اتاكد من السعر والنوع ..
وطق لي الثوب بميتين وثلاثين ..
هل السعر معقول ..
لاني لما بحثت بالشيخ قوقل ..لاحضت ان اسعار الثياب ..بميه وثمانين وفيها ..

الله يستر مايجي واحد من ربعه ويعطيه كم ملاحظه وتنقلب الطاوله علي ..

والله ان نيتي زينه ..
ولا ابي له خساير الا على شئٍ يسوى ..
أختي الكريمة الهبة الي طالعين بها الخيطين هالايام يحددون الاسعار بناءاً على الاطوال أي كم طول زوجك يكون سعر الثوب + مبلغ إضافي للقماش خاصة إذا كان ياباني على قولتهم ( وهذي حطي تحتها خط انه ياباني)


الساعة الآن 02:28 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©