السلام عليكم و رحمة الله و بركاته

هذي اول مشاركه لي في المنتدى و ودي بمشورتكم .
انا طالب في السنة الثانية في كلية الهندسة و قدامي ان شاء الله 3 سنوات
و قبل تقريبا 5 شهور عرض علي الوالد فكرة اني اتزوج >>>هو ما عرض الصراحة كان يطقطق لاكن ما خليته :d
انا في البداية استانست كا اي شخص عادي ثم بعد ما فكرت فيها لقيت الموضوع شوي صعب
خصوصا موضوع الصرف و الصراحة احس شكلي موب حلو ابد قدام الي بخطبها و اهلها .
ابوي الحمد لله مقتدر و قايل انه بيتكفل بكل شي لاكن قلت بلاها اخذ لي شغله نصف دوام و اجمع
فلوس العرس و انا ادرس و بالفعل قاعد اجمع من الحين .

هذا الكلام قبل 3 شهور تقريبا . قبل كم اسبوع واحد من معارفي نفس حالتي تقريبا
ملك الله يوفقه . فا رجعت الفكره براسي و قاعد احاول اجد لها طريق . المشكلة تخصصي صعب
شوي و يبغالي اتفرغ للدراسة فا ما اقدر اشتغل و ادرس و اكون متزوج في نفس الوقت فا اتجهت للمشاريع الصغيرة فانا حاليا قاعد ادرس مشروع صغير مع كذا واحد من اخوياي فا اذا ارتحت لنجاح الفكرة ببيع سيارتي الحالية و ابدا فيه و دخله و الله ما عليه كويس مع انه ما تتوقع منه ابد ,
و ان شاء الله بعد التخرج الوظيفة جاهزة و هذا الشيء الاساسي الي مخليني افكر بالموضوع .

فا هل تروني اني مستعجل على الزواج ولا على راي الوالدة ركز في دراستك احسن ,مع العلم لو خلاص بخطب
ماني بادي ادور الا على السنة الجاية لما اتاكد من انه المشروع الي ببدا فيه يوقف على رجوله و انه معدلي ثبت .

و بسئلكم يا بنات كيف نظرتكم لشخص ابوه ناوي يتكفل بالعرس و السفر و الشقة
لاكن المهر و الشبكة عليه هو و بيقدر ان شاء الله يصرف عليك و على نفسه

و اعذروني لو فيه اخطاء في الكتابه اخوكم توه طالع من اختبار و موب قادر يركز:rolleyes: