|
ان شاء الله شفت عروستي بنفسي و بالصدفة!! مستجدات بالرد ( 132 )
السلام عليكم
علشان بس ابقيكم في الصورة لي خمس سنين كل ما اخطب مافي شيء يتم يعني مضيع خمس سنين من عمري و اكثر من 15 بيت والله ....... الاسبوع اللي فات كنت في المستشفى مع واحد و مريت من عند وحدة من العيادات و كان بابها مفتوح والله اعلم انه الدكتورة او السيستر نست تسكر الباب و شفت وانا معدي داخل العيادة بنت والله بغض النظر عن جمالها الله ادخلها في قلبي على طول ما ادري ايش اللي صابني ومعاها واحد واقف والله اعلم انه ابوها كلمت اللي معايا قلت له امشي خلص شغلك و انا الحقك بعدين او اديلك اتصال قعدت انتظر برى العيادة اكثر من نص ساعة و بعدها طلع واحد كبير في السن يعني ابو 50 سنة ملامحة نفس ملامح البنت ونفس الرجال اللي شفته معاها اول ما طلع سلمت عليه و قلت له يا عم ممكن تجي معايا ابكلمك دقيقتين في موضوع مهم؟ الرجل وجهه تغير و قال لبنته اجلسي في الانتظار لين ارجع لك اخذته معايا على جنب و الرجال وجهه متغير يقولي ايش في؟ ايش اللي صار؟ الرجل و كأنه ينتظر خبر مثل السكين قلتله بالنص: يا عم والله مافي ان شاء الله الا الخير الموضوع وما فيه والله انا ما اعرف بنتك ولا بنتك تعرفني وانا ما ابلف ولا ادور انا شفتها بالغلط وانا معدي هنا و البنت ابي اخطبها على سنة الله و رسولة و انا فلان بن فلان الفلاني في الحي الفلاني المكان الفلاني و موظف برتبة نقيب و هذا رقم جوالي اسألوا عني و خذوا راحتكم. بعد ما قلت له كل القصة ابوها تغير وجهه اللي كان خايف و ابتسم اخذ رقمي و قالي ان شاء الله تلقى رقم جوالي عندك و ان شاء الله خير و مشى, بعدها بدقائق و لقيت رقمه وصلني قلت لصاحبي و احنا في السيارة انا اليوم اسعد انسان في الدنيا انا جداً مرتاح و حكيت له كل القصة قالي انت خبل احمد ربك ما سوى فيك الارض او ضربك كف و و و و و ....الخ بعد ما وصلت البيت جبت امي و ابوي في الصالة و قلت لهم القصة كاملة قالوا لي ما شاء الله والله ولدنا صار رجال و لقى عروسته بنفسه و فرحوا كثير و ابوي اخذ الرقم و قال هو راح يكمل الباقي مع ابوها و يتم التنسيق بين امي و امها الخلاصة هل البنت ممكن تنظر لي نظرة دونية بسبب اللي سويته؟ هل ممكن امها او ابوها يردوني بسبب نفس القصة؟ والله انا انجنيت البنت هذي دخلت قلبي يا رب يوافقون |
رد : ان شاء الله شفت عروستي بنفسي و بالصدفة!!
|
رد : ان شاء الله شفت عروستي بنفسي و بالصدفة!!
مبروووووووك ياحظرة النقيب وتعجبني حار بحار الله يوفقك وييسر امرك بس ماشفت البنت وش عندها بالمستشفى ؟؟؟
|
رد : ان شاء الله شفت عروستي بنفسي و بالصدفة!!
اقتباس:
والله من البداية نفسي حدثتني و قالت لي البنت مو متزوجة و اللي معاها ابوها تعبت و ربي ساقها لي مين يدري؟ ممكن تكون من نصيبي الله يعطيك العافية |
رد : ان شاء الله شفت عروستي بنفسي و بالصدفة!!
اقتباس:
و بيني بينك لو ما سويت اللي سويته تعتقد اني راح اشوف البنت مرة ثانية او اقدر اوصل لأهلها؟ ما اعرف ايش عندها بالمستشفى لكن لما شفتها كانت بعيادة الاسنان |
رد : ان شاء الله شفت عروستي بنفسي و بالصدفة!!
ماشاء الله تبارك الله الله يتمم امورك بخير قصتك ولا بالاحلام
لاتنسى الاستخارة والله يكتب لك اللي فيه خير |
رد : ان شاء الله شفت عروستي بنفسي و بالصدفة!!
قصتك مافيها شي لان نيتك صافيه
قولي وش اسم المستشفى امكن احصل عريس العياده فيها بركه هههههه دالله يسهلك ويسر امرك |
رد : ان شاء الله شفت عروستي بنفسي و بالصدفة!!
فعلآ تصرفك فيه تسرع¤والحمدلله ان والدها تقبل ولم تذهب به افكار بعيد>
لكن استغرب كيف تخطب وحده لمجرد نظره>اي نعم هو تصرف شهم ان تأتي من الباب ويدل على سريره نقيه. لكنك تجهل أمور اخرى مهمه عنها وعن اهلها»خلفيتها تربيتها وغيره.. عمومآ اكمل مابدأت به وربما ساقتها لك الصدف لتكون من نصيبك.. الله يكتب لك الخيره.. |
رد : ان شاء الله شفت عروستي بنفسي و بالصدفة!!
الله يوفقك يارب واذا خير ربي يكتبها من نصيبك
حركتك صح غريبة و لا على البال ولا الخاطر لكن تدل على انك ولد ناس وما عندك لف ودوان على البركه اخوي لا تشيل هم و ما اعتقد ان البنت حتزعل عن نفسي لو صار لي زي دا الموقف حا افرح واعتبرها نقطة تحتسب له |
رد : ان شاء الله شفت عروستي بنفسي و بالصدفة!!
ماشاء الله تبارك الله
الله يجعلها من نصيبك انت جيت من الباب مالعبت ماااتوقع يردونك لهذا السبب ا |
| الساعة الآن 06:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©