|
غيرتي بتجنني
السلام عليكم
بقولكم معاناتي مع خطيبي وانا ابغى الحل لانو من جد حنجن في الاخير خطيبي المحترم كانو من قبل عارضين عليه بنت انو يتزوجها وهو رفض قال انو مايبغاها حلو بس تخيلوا وانا اكلمو قال لي انو ااخو عزمه عالغداء قبل اسبوعين وقال له كمان في فلانه طبخت الغداء وتبغاك تجي تاكل انا لما كان يتكلم ماهمني الموضع بس سالته كيف كان الاكل بس وامس قال لي انو كمان اخو ثاني مره عزمه عالغداء وراح له واللي مسوي الغداء تخيلوا مين الانسانه اللي كان رافضها قبل لانها بالاساس اخت زوجت اخوه واللي قاهرني اكثر انو يتكلم عنها اكلها وكيف كان لذيذ وانها مررره البنت تعرف تطبخ مع انو هو عارف انو انا كمان اعرف اطبخ ودايم يقول لي اكلك لذيذ لا وكمان يتكلم عن البنت بكل فخر مع انو قال لي انو رفضها عشان دومها فيه شويت اختلاط وهو مايحب نفسي افهم احساس ايش لما يمدحها قدامي ياناس بنجن وهو من امس لما كان عندهم وانا انواع الاكتئابات جاتني ماعرفت اتعامل معه كيف خصوصا انو حساس مرررره وربي اكتب لكم وانا ابكي وربي كرهت هالانسانه اللي راح عندها وكرهت اخوه وكرهت كل شييء يتعلق فيهم مع انهم يقربوا لي من بعيد ياناس ساعدوني من جد بمووووت من الضيقه ابغى حل |
رد : غيرتي بتجنني
الاحتمالات كثيرة ..
وكلها ترجع على حسب علاقتك معه وعلى حسب شخصيته ... 1/ احتمال يبي يستثير غيرتك .. وهذا الشئ ناتج إما إنك لا تشبعينه مدحا وإعجابا يعني ما تمدحيه وتبينين له إنه هو الرجل الحقيقي في عينك وما إلى ذلك >> وفي هالحالة زيدي جرعة المدح له والإعجاب وقللي من النقد عشان ما عاد يستخدم هالإسلوب أو لأن طبعه كذا ( استفزازي ) >>>> وفي هالحالة اسفهيه يعني تجاهليه تماما حتى يعرف إن هالطريقة لا تأتي بنتيجة .. وإذا استمر صارحية وقولي له أنا ما يعجبني هالشئ لا عاد تمدح امرأة بهالطريقة .. أخيرا : يبدو إنك غيورة لأن الموضوع ممكن يزعل بس مو لدرجة الإكتئاب !! |
رد : غيرتي بتجنني
للمعلوميه :: البنت اعرفها وربي هي من جنب اوم المطبخ
ومتاكده انو مو هي اللي تطبخ كانت اختها بس لليه هالحركات اللي مالها داعي واللي يذبحني اكثر يقول اسمها عااااد لا وكمان يدلع اسمها وماتبغوني اغار اذا مانبهبلت كمان |
رد : غيرتي بتجنني
طيب إذا تكلم عنها ودلع اسمها .. وش يكون ردك حينها ؟
|
رد : غيرتي بتجنني
زي ما قالت شيهانه يا انه استفزازي او يبي يشوف تغارين ولا
والاحتمال الثالث انه من النوع المهايطي واني فله والناس تركض وراي عشان تزوجني من بناتهم او يكذب شي يتمناه يصير معه ولا احد اعطاه وجه قام يتخيل ويصدق خياله بس اذا شفتيه يتكلم عنها بيني انك زعلانه وما تبينه يفتح الموضوع ذا مرا ثانيه |
رد : غيرتي بتجنني
دامك ساكتة تبلعيها..اكيد بيزيد
بامانة لو مكانك باقوله خلاص روح اتغدا عندهم كل يوم .. و اقوله ( مع السلامة لازم اروح) بلهجة حادة واسكر السماعة و لا عاد ارد عليه 3 لا 4 ايام لغاية مايحس على نفسه و يتصل يعتذر ولو مافهم قوليها له صراحة . مافي احلى من الصراحة قولي له لو كنت مخطوبة قبلك .. وقاعدة امدح بخطيبي السابق ايش بيكون موقفك ؟؟ لله يسعدك و يوفقك حبيبتي |
رد : غيرتي بتجنني
فيه بعض الرجال يستمتع أيما متعة حين يشعر بغيرة زوجته أو يراها الغيرة قد تلبستها، هدى الله زوجكِ وأصلحه.
|
رد : غيرتي بتجنني
اقتباس:
|
رد : غيرتي بتجنني
انتي تعرفين وش قصدة بالضبط هل هو هياط او يثير غيرتك او استفزاز او عاجبتة صدق
اذا قصدة يثير غيرتك نصيحة اسفهية او بيني له انك تغارين بس بدون ردت فعلك قوية وتبينين انك تغارين مرة وذابحة نفسك علية موفقة يارب |
رد : غيرتي بتجنني
اختي الفاضلة لاتجعلي الغيرة تسيطر على عقلك بل واجهي خطيبك واخبريه بأن الحديث في هذا الامر يضايقك كثيرا فالسكوت ليس حلا لكل المشاكل فاجعليه يفهم طبعك قبل ان يتعود على هذا الاسلوب فتصبحين غير قادرة على تغييره
|
| الساعة الآن 09:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©