يادكتورة لا تخذليني أرجوكِ
 

السلام عليكم ورحمة الله وبركاته

بداية اخر دورة لي كانت 27 ابريل
والمفروض تيجي بعد 28 يوم يعني يوم 24 مايو تقريباً عشان موجعش دماغكم بالحسبه
دلوقتي رحت للدكتور تاني يوم من الدورة
وعملي سونار مهبلي
وقالي كله تمام والمبيض الشمال هو اللي هينتج البويضات
وبقالي متجوزة ما يقارب ست اشهر
وفي العادة والتقاليد اني كده متأخرة ده غير الاسئله والنظرات اللي بشفقة وحسرة عليا كل ما تزورني وحده معاها نونو
سامحوني انا باعتباري بفضفض
دلوقتي الدكتور كتبلي على
اخد هرمون بروجستيرون اسمه بروجيستك عشان لو في احتمالية انه يكون عندي اجهاض
وكالعادة حاسه بغثيان ودوخة والم الدورة
انا محبطة انه ميكونش حمل عشان نفس الاعراض حصلتلي من شهرين ونزلت الدورة لكنها جت شديدة جدا على غير عادتها ومكنتش متابعة مع دكتور نظراً لعناد زوجي

الاهم بقى
اني عملت تحليل حمل امبارح
اللي هو العادي ده
وقالي ايجابي ونسبته 25
هل انا حامل فعلا لان الكل عرف
ولو حامل ليه اعراض الم الدورة موجودة
ولو مش حامل
ياترى الهرمون اللي باخده حبوب ده مرتين مساءاً وصباحاً
هل بيأثر على نتيجة التحليل

يادكتورة يارب يسعدك ارجوكِ ردي عليا سريع
دعواتكم لي ارجوكم
انا في ضغط نفسي شديد
بجانب اني امراه عامله ومبقعدش في البيت وده موترني طول الوقت
لدرجة اني احيانا بيأس وبقول مش لازم حمل انا تعبت

رد : يادكتورة لا تخذليني أرجوكِ
 

اتمنى اخذ الموضوع بعين الاعتبار