|
شوروا علي احس عفت زوجتي لعدم أهتمامها بي وعفت كل شئ !
السلام عليكم .... كيف حال الاخوان والاخوات في هذا المنتدى الرائع اتمنى تكونوا بصحة وعافية .... انا صراحة قبل كم يوم صار موقف مع زوجتي كنت بروح لها وقالت مشغولة وانا صراحة فيني ضيقة يعني معقولة ماتقدر تفرغ نفسها يوم واحد عشاني احسها موب مهتمة وماتعرف ايش يعني زوج وتقدير ايش اسوي ياناس احس كل مرة تسوي حركة تخليني انفر منها :( اللي اعرفه الوحدة تنبسط يوم زوجها بيجيها وهذه العكس .
|
رد : شوروا علي احس عفت زوجتي وعفت كل شئ !
هلا اخوي ,,,
لو ممكن توضح المشكله بالتفصيل عشان الكل يفهم السالفه ,, عن جد انا مو قادر افهم ايش الموضوع بالظبط . تحياتي لك |
رد : شوروا علي احس عفت زوجتي وعفت كل شئ !
هلا اخي طلال .... السالفة مثل ماذكرت انه مو مهتمة بجيتي يعني ماتفرح فيها ولاتبين فرحها بجيتي ولاقد مرة بادرت بدعوتي من نفسها مع إنه تم ردي أكثر من مرة بخصوص الجية وانا طفشت من هالوضع اشوف الكل يحكوني يقولون ينبسطون ويفرحون وانا اروح اتضايق وارجع بيتي شكلي ماتوفقت في هالبنت :( .
|
رد : شوروا علي احس عفت زوجتي وعفت كل شئ !
هلا اخوي بسألك سؤال ممكن,
انت كيف طريقة تعاملك معاها مع التوظيح من اول ما تزوجتها ؟ |
رد : شوروا علي احس عفت زوجتي وعفت كل شئ !
الظاهر انك تقصد خطيبتك بما أن الموضوع في قسم المقبلين على الزواج ,,
يا أخي لا تستعجل الفتاه في هذه المرحله تكون مشتته ما تعرف كيف تتصرف !! يمكن ماتبغاك تكثر زيارات حتى ماتملو من بعض او اهلها مو حابين الزيارات ومحرجه منك ماهي عارفه ايش تقولك !! واذا باقي على زواجكم فتره بسيطه معاها حق مو حلوه الزياره خليكم بعيدين هذي الفتره عشان تشتاقون لبعض !! انت كلمها واتفاهم معاها بهداوهـ وقولها انك متضايق من تصرفاتها واكيد بتوضحلك وجهة نظرها وتراضيك !! الله يهدي سركم ويصلح حالكم ويتمملكم على خير ,, |
رد : شوروا علي احس عفت زوجتي وعفت كل شئ !
اقتباس:
نعم اخي الصراحة و الحوار يحلو معظم المشاكل |
رد : شوروا علي احس عفت زوجتي وعفت كل شئ !
هلا اخوي اول شي هدي نفسك ...
وانت لا زلت في فتره ملكة او خطوبه...يعني ما تدري عن ضروف البنت واهلها هي ودها تجيها بس اتوقع اهلها لهم عادات او او ... وهي تحبك بس تخبي حبها لك خجلا منك ووشوي شوي ... وللمعلومه ترا البنت ما تحب الرجل الى بعد الزواج ..اما الفتره هذي ح يكون فيه شعور بسيط من الحب .. وعادي ياخوي لو صرفتك انت في فترة لازم تصبر من جميع النواحي ح تلاقي تصريف وتطنيش في هالفتره .. واحمد ربك انك لقيت تصريف ولا تلقى تطنيش وأنت شكلك من النوع الي كل اسبوع رايح لها هههههه انصحك لا تكثر روحات ومكالمات خلها هي تشوق لمكالماتك وشوفتك في الشهر مره واحده تكفي .... وان رحت هناك خليك بشوش ضحكها واحكيلها عن عملك وهي بعد خليها تحكيلك ... ولا تطول بالجلسه .. ساعتين تكفي رغم اني اشوفها كثير ... وانا اتوقع لا زالت زوجتك في سن مراهقه تقريبا ... والبنات بسن المراهقه تعاملهم شوي صعب .. اكثر من المزح والفرفشه ^_^ يوم فرفوشي ويوم رومنسي وهكذا ياخوي ... ولا اوصيك بالهديه ترا لها دافع معنوي قوي جدا للبنت .. جوال بوكيه ورد ..اي شي ... اسأل الله ان يسخر لك |
رد : شوروا علي احس عفت زوجتي وعفت كل شئ !
شي طبيعي
انا من البنات الي رفضت زياره خطيبي تراها مو هينه البنت تستحي تجلس مع رجل غريب حتى لو زوجها تكون خايفه انك تسوي شي يحرجها او لسه ماحبتك وتعودت عليك اعذرها |
رد : شوروا علي احس عفت زوجتي وعفت كل شئ !
لآ مالك حق تزعل منها وانت مو عارف ظروفها
يمكن جايينهم ناس , اهلها رافضين , عندها شغل فعلا كمان إنتا قدر ظروفها شوي ولا تصير حساس ترى البنت ساكنة في بيت اهلها مو في بيتها .. و خلها هي تختار لك الوقت المناسب بعدين مين قالك إن كل وحدة جايها زوجها تنبسط؟؟ بالعكس احيان يصير تحفظ خوف وخجل فنرفض جيتهم ..وهاذا شيء طبيعي |
رد : شوروا علي احس عفت زوجتي لعدم أهتمامها بي وعفت كل شئ !
شكرا للتعقيب ياأخوات .... برد عليكم على هرجة إنو كل اسبوع وانا عندها ههههههههههههههاي بين كل زيارة وزيارة 6 اسابيع واحيانا شهر :( .
|
| الساعة الآن 05:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©