|
خطيبي و الماضي !
بسم الله الرحمن الرحيم حبيت اني اعرض مشكلتي مع خطيبي و ان شالله القى الحل المناسب والتوجيه السليم منكم وانا كل ثقة فيكم وفخبراتكم انا مخطوبة او بالاحرى معقود قرآنا هالشخص قد تقدم لخطبتي من فترة ولكن كنت صغيره وبعدين خطب احدى قريباتي وماصار نصيب لاسباب تتعلق فيها ورجع خطبني مرة ثانية والحمدالله مشى الحال وبعد عقد القران بدنا نتكلم فالهاتف الرجل محترم ولطيف ولبق بس في موضوع وايد ضايقني انه كان مره يتكلم عن الرفض الي تعرضله وخصوصا من البنت الثانية وانه حاز في خاطره وسبب انه علاقتة جدا قوية مع اهلها وانه عمها يصير زوج اخته ووهوم مثل الاخوان ودوم مع بعض وكان وده انها تكون زوجته عشان تكون حلال على زوج اخته ويقدرون يطلعون ويروحون مع بعض وما الى ذلك هالشي حز في خاطري بشكل كبير ماعرف يمكن اكون غلط احس ماله داعاي هالكلام هذا ماضي وخلاص كلن راح في حاله وانت الحين متزوج وعلى ذمتك بنت ماعرف وايد تضايقت واحس نفسيتي مش ولا بد احس افكر بالانفصال واحس ابي اقوله بس صعبه وايد مجروحة مثل السكين الي انغرست فقلبي لا اقدر اشيلها وتوجع بشكل كبير احس لو قلت ايش بيصير كلمة وان قالت ماعرف اتمنى القى عندكم الحل :( وجزاكم الله كل خير |
رد : خطيبي و الماضي !
ياقلبي لا تخلي الشيطان يأثر عليكي ويوسوس لك .,~
انتي قلتيها لسانك انو ماضي يعني شي راح خلاص وانتهى .,~ ولو ما يحبك ماكان رجع وخطبك تاني وياقلبي لا تجلسي تفكري انتي بأسلووبك وبتعاملك ولباقتك تقدري تعلقيه بيكي وتخليه مايشوف من البنات غيرك انتي بس والله يتمم لكم على خير يارب : ) |
رد : خطيبي و الماضي !
كلامك منطقي زهره الرمان بس لو انا في مكانها ماقدر اسكت على شي مثل كذا ليش حبيبتي ماتقوليله طبعا بااسلوب لبق علشان ينكسف يمكن قوليله حبيبي خلاص هذا شي صار والله ماكتب نصيب واحنا عيال اليوم لازم نبدا حياه جديده فيها وفيها وكذا يعني ولاتشيلي في قلبك وتنجرحي وشوفي بعدين كيف تكون رده فعله بالتوفيق قلبي000
|
رد : خطيبي و الماضي !
طيب ممكن ترسلين له رساله انك انجرحتي من صراحته وماتوقعتي انه يقولك هالكلام
وان شاء الله يطيب خاطرك ويكون لك احسن مما تتخيلين ياااارب يمكن من كثر ماهو مرتاح لك فتح لك قلبه وقال هالكلام فلاتاخذي عليه ابدا |
رد : خطيبي و الماضي !
انا من رايي ماتنجرحين ابد الا المفروض تفرحين لانه وصل معاك لمرحله قدر فيها انه يعبر لك عن اللي داخله وخصوصا انها زوجه سابقه له
عزيزتي اذا جلستي معه افتحي الموضوع واغسلي شراعه اشوي وقول له تحملني بس انت جرحتني بكلامك عنها وصدقيني ماعاد راح يطريها وقولي له الله ماكتبها لك عشان يعوضك فيني وانا راح اثبت لك اني افضل منها وخلي عنك الخرابيط جرحني وجرحته والله يوفقك ويصلح حالك |
رد : خطيبي و الماضي !
ضحكتيني.... تذكرت نفسي مع خطيبي السابق.... صعب جدا ان يذكر امرأه اخرى امامك.... كنت انوي ان اقول له..... اتعلم لماذا انفصلتوا؟؟ لان الله سيرزقك اياني.... و لاني انا من نصيبك.... و انا من ستكون حبيبتك و عشيقتك..... تلك امرأة لا خيرفيها لك ولهذا لم يتيسر زواجكما اما انا.... فأنا المرأه الصالحه التي دعوت ربك و طلبتها... انا و ليس غيري.... حبيبي اتمنى ان لا تذكرها او غيرها امامي فأنت لا تقبل ان اذكر حزني على خطيب لم اوفق معه
|
رد : خطيبي و الماضي !
جزاكم الله كل خير ردرودكم تهون على الواحد انا اذكر قلتله الحمدالله على كل حال وهاي نصيب والواحد ماياخذ الا نصيبه بس اعلق ابد وقلتله ماتعرف يمكن ربك كاتبلك شي احسن ماعلق احس احتريت لو مجاملة كان قال شي :(
|
رد : خطيبي و الماضي !
احي ودي اعرف قدري عنده اعرف شنو اعنيله احنا مارتبطنا عن حب ارتبطنا عن قناعة وعقل زواج اهل فقط مادري يعني هو مايعبر بس مجرد كلمة حبيبتي وهالكلمة يقولها لامه اخته كل حد على عيني وراسي اهله وقدرهم على الراس محفوظ بس بعد ابي اعرف قدري عنده ابي اطمن الخوف ذابحني مابيه يرتبط فيني لمجرد رغبة لا اكثر
|
رد : خطيبي و الماضي !
حبيبتي لا يلعب الشيطان بعقلج.... القدر يتكون مع العشره مب في فتره عقد القران.... و الحب يتولد مع العشره مب من بداية مكالمات و مقابلات.... حب الشهوه شي و حب العشره شي ثاااااني تماما..... الرجل اللي يكون مندفع بمشاعره و حبه في فترة عقد القران فهو لانه يبي يعوض بحلاله و لكن مع العشره يتكون حب من نوع ثاني.... حب اسمى و ارقى.... هذا اللي لازم تطمحين له..
نصيحه ابتعدي عن اسئله شكثر تحبني و كم تقدرني؟؟؟ هالاسئله تفتح باب ما يتسكر ابدا اذا كان الجواب مب مثل ما تحبين.... |
رد : خطيبي و الماضي !
بس انا يبين علي اذا متضايقة احس حاس انه فيني شي بس مب عارف يسال مبين على صوتي مماعرف اقوله انه هالشي ضايقني او اسكت
|
| الساعة الآن 09:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©