منتدى عالم الأسرة والمجتمع - محتاره بامر خطيبي بسبب تأجيله لأتمام فحوصات ماقبل الزواج!!

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

محتاره بامر خطيبي بسبب تأجيله لأتمام فحوصات ماقبل الزواج!!

السلام عليكم ورحمة الله وبركاته

انا مخطوبه من شهر ونص بس اعيش بحيره من امري وولله الحمد تمت النظره الشرعيه وتم القبول مني ومن الشاب ومن اهله ولله الحمد امه مررررررره تحبني ومستانسه بالحيل وخطيبي طلع مستانس من عندي قالي ابوي واخواني انه طلع من عندك مستانس وفرحان واخوي وصلهم للفندق لانهم من منطقه ثانيه وبسياره يقول اخوي امه ماتركت جوالها مستانسه وتقول لخواتها عني وانها ارتاحت لي وحبتني انا واهلي وتمدح في وصفي وجاء اخوي قال لخطيبي قال ماشاء الله ع امك تمدح فينا جاء خطيبي ضحك لخوي وقال حبتكم ومستانسه المهم رجعوا الفندق وجلست دقت ع بنت خالتى لانه تعرفهم وجالس تقولها فلان مستانس ومايبي يطلع من عندها بالغرفه يبي يجلس معها وقت النظره امه هي االا قالتني اطلعي خلاص روحي وهو شوي وطلع
والحمدلله رجعوا ديرتهم والامور طيبه وحلوه ومرالاسبوع وابوي طلب بطاقته علشان خطاب من المحكمه للتحليل ماقبل الزوج وجابه ابوي وحللت ولله الحمد وطلع كل شئ سليم
المشكله انه هو يماطل بالتحليل يقول اصبروا علي لانه هويقول راح للمحكمه وجلسوا يعقدونها وقالوا له الموظفين بالمحكمه وش موديك باخر الدنيا ومدري شنو وجيب خطاب من المنطقه المشكله ابوي كلم المحكمه الا عندنا قالوا لو اعطيناهم خطاب تبي تتعقد وطول السالفه وخطيبي كل مايروح لهم يبي الخطاب يطلع شئ وماتتيسر ويعقدونها
المهم ابوي يدق عليه ويقول طيب تعال بمنطقتنا وحلل عندنا وهو مرره مشغول مايقدر يجي لانه يدرس ويشتغل فعنده ضغط بالوقت
كلم اخوي وقال اصبروا شوي علي الحين عندي امتحانات وضغط علي اخوي قال له بسهالات وخلص امورك وحنا مو مستعجلين
المهم ابوي بهالامور مايحبها تطول وكل شئ يسرعه عندها ويدق ع خطيبي ع اساس يجي المنطقه الا فيها حنا ويحلل
المهم وهو مضغوط مرره وامه وابوه يحاولون فيه علشان يجي ويحلل وهو مايبي يجي وقال مابي اتزوج من هالمنطقه وامه زعلانه منه واليوم الثاني دقت ع اختي وتقولها الا صار اختى انصدمت قالت شلون مو حلوه يعني الولد مايبي اختي وهي امه طفشانه وقالت مدري هذولي كله من الا معه جالسين يغيرونه علشان ماياخذ من منطقه بعيده وانا وابوه زعلانين منه ومانكلمه وقلت له خذ الا تبي بس انا مو فرحانه وان شاء الله تجننك ولاتتوفق معها الا تبي تاخذها اختي من سمعت هالكلام تجننت امس كانت الامور حلوه واليوم تدقين تقولين لا
وقالت لها ام خطيبي لاتقولي لاختك الا هي انا ولا اهلك مادري وش صار وانقلب ولدي كذا فجاء قالت اختي شكلها نفس وعين صابتنا مو معقوله الا يصير وطال الحديث وبعدين قفلت المكالمه وجلست يمكن 5 ايام امه مادقت (ودقوا ع اختي ناس يبون يخطبون قبل اسبوع ) اختي قالت ابي ادق عليها واشوفهم دقت اختي وتسال عنهم وعن اخبارهم المهم هي ام خطيبي فتحت الموضوع وقالت ليكون زعلتي قالت اختي لا بالعكس عادي بس مو مصدقه الا صار لو ولدك مايبي اوشي ترا ناس دقوا علي قبل اسبوع يبون يخطبون ومحتاره بامر اختي انتم خاطبينه ولا وش السالفه بعدين ام خطيبي قااالت لالالالالا نبيها هي لنا لا تدخلينها عليهم حنا نبيها وخطيبي سمع من بعيد وقال لالا انا ابي فلانه بس اصبروا علي شوي
قالت اختي لام خطيبي انا ابي ولدك يبي اختي او لا قال أي أي ابيها بس ابيكم شوي تصبرون علي
وهم ع اساس الزواج بعد 5 شهور متفقين قبل
الحين اجلوها لبعد سنه يقول لين اضبط اموري

وانا تفاجاءت انه قال ابيه الزواج بعد سنه وش هالانقلاب بعدين قلت يمكن كل تاخيره فيها خيره
بس قلت ابيه يحلل واطمئن ع التحليل مو اصبر سنه بعدين تطلع لي مشكلة التحليل انا بنت ومحسوبه علي الايام الا تروح والعمر يمشي وانا موصغيره لانه بوقت النظره كل شوي امه تقول ادعوا تطلع التحاليل سليمه لانه كثير مايفركش الزواجه الا التحاليل مادري انا وسوست بكلامها ولانه يماطل بسالفة التحاليل قلت ليكون فيه شئ بتحاليله ..
هل موقفي صحيح ام اني متعجله مع العلم انه موظف بمستشفى حكومي بامكانه انه يحلل . هل تعتقدون فيه شئ بتحاليله او احد مره نفس تجربتي والمحكمه شوي عقدتها ليتكم تطمنوني ..؟؟

وهل الولد يبيني او متردد برائيه اخاف انتظر سنه بعدين يغير رائيه ابي مشورتكم ياشباب لانكم شباب وتفهمون بعض . لاني احسه مو متحمس مثل الا يخطبون يحللون ويخلصون امورهم بسرعه قلت يمكن مايبيني بس علشان امه يبيني ..؟؟

وللمعلومه هو انسان هادئ غير اجتماعي يعني بيتوتي كلامه قليل .

واعذروني لو كلامي شوي ملخبط ومو مرتب ولو في اسئله اجاوب لكم يمكن مع كتاباتي نسيت شي :d

ويليت تطمنوني جعلكم بجنات الفردوس ياااااااارب