الدبيازه
 

وانا بعد أتمنى اعرف طريقة عمل الدبيازة هذه :d

تدرون ليش؟؟؟

لانها لابقة في دماغي من سنين

والسبب اني انعزمت عند ناس في مكة على عشاء

وكنت على أحر من الجمر انتظر المفطح والجوع

بلغ بي مبلغة وإذا بالصحون تتهاوى عليّ من كل

حدب وصوب وأنا لا أكاد اتمالك نفسي من الفرحة بصحون

السلطات التي تتقدم العشوة المحترمة

وتصوروا ايش هذه الصحون؟؟؟؟

صحن صغير دبيازة مع صحن جبنة وصحن بيض

ياااااسلااااااااام على العشوة الروعة

يافضيحتكم دبيازة إكرام الضيف لا وبعدين

أول مرة أدخل بيتهم ليش هذا قدري :confused:

على العموم من ذيك السنة وأنا ما أشوف

إلا كابوس الدبيازة قدامي :D

نفسي أعرف من أيش يسوونها؟؟؟؟

المظلووم من جد زعلت اهل مكه أهل مكه الخير
مو شرط الكرم يدل على الذبح والسفره من الآول للاخير كل ناس وعاداتهم القدر مو بالأكل بالترحيب الله يسامحك أهل مكه راح يزعلون وفضيحه كمان والله ضحكتني http://smileys.smileycentral.com/cat/4/4_1_4.gif
أختي العزيزه http://smileys.smileycentral.com/cat/11/11_1_116.gif لكي المقادير وبالمكاوي كمان ههههههههههه

المقادير
قمر الدين
ماء
سكر
هيل حسب الرغبه
مكسرات حسب الرغبه النوع اللي تحبوه (( قلاده . مشمش. لوز .كاجو .زبيب.))


الطريقه

ياستي تجيب المكسرات وتحمصيها ( مو تحرقيها http://smileys.smileycentral.com/cat/4/4_1_72.gifانتبهي ) وبعدين تجيبي القمر الدين

وتحطي عليه المويه وتخليه لحدما يدوب وتحطي عليه السكر والهيل

وبعدين ترمي عليه المكسرات وهو على النار .. لحدما تبدأ تتخن شويه

وخلاص تحطيها في التلاجه بعدين ...

وبالعافيه على قلبك ... بس ترى ما تطلع طعمه غير في العيد http://makkawi.com/forum/images/smilies/smile.gif
يعني لو ما ضبطت معاك معناته العيب في التوقيت وليس الوصفه
وعلى فكره لازم لما تحطيها في الثلاجه تحطي على الوجه زيت حتى ماتخرب
بالهناء والعافيه