محتارة في أمري ..
 

السلام عليكم ورحمة الله وبركاته
بداية طرحي بتكلم عن نفسي ممكن بعضكم يعرفني وممكن البعض لا .عشان تحكمون تعطوني الرأي
السديد ..
جامعيه عمري 28 لي شهر دخلت ,من عائلة على قولتهم لها اسمها وشهرتها بمنطقتنا
معروف انهم أهل علم وحسب ونسب وإلى آخره ...>>لا اخفيكم اني أحياناً ماأحب أحد يعرفني
أني بنت فلان لأنهم راح يقدروني عشان السمعه بس مو عشان شخصي .احسهم يعطوني اكبر من حجمي
و ماأحب كذا .
الزبدة بالموضوع انه كل ماانخطب إلا يكون مطلق أو متزوج ولااعزب ماهو صالح كزوج لي.
هالأيام وحدة من البنات قاعدة تكلمني وتلح علي انه اوافق عشان اخوها المتزوج يتقدم لي
الولد على ماسمعت منها انه تقريباً اكبر من بسنتين بس وراح يكون مناسب ووظيفته مناسبه ويشرف على حلقات تحفيظ القرآن وإلى غيره من الانشطة ..
لكن مترددة كثييير الي يتقدمون واحسهم مناسبين امايكون مطلق اومتزوج ,المشكلة لاحظت اهلي صار عندهم الوضع عادي يقولون مادام صالح خلاص وش تنتظرين !!!
أنتم شايفين انه خلاص معقولة يعني بعمري ماراح يتقدم لها اعزب وتوافق وترضى بنصيبها ولا انتظر ؟!!

هلا يا وخيتي ..
لا لا بالعكس انا كنت أظن ان عمر 28 كبيرة و فرصها بالزواج قلت
لكن والله اكتشفت انه لا .. قبل اسبوع وحدة من قريباتي عمرها 30
و توها تتزوج ماشالله و لشاب مثل عمرها 30
أرزاق و مالها شغل و لا لها عمر معين
بس تبين رأيي ..
لا تتبطرين ع النعمة ..
اذا رجال يخاف الله و خلقه طيب
تزوجيه ليش لا ..
و اذا هو مو تمام .. ارفضيه
السالفه عشرة عمر ..
و انتي استخيري كثير
و الحي ع الله بالدعاء .. الا ما يهديكي للقرار المناسب
بعض الشباب يكون ما سبق له الزواج لكن ما يصلح ك زوج
و بعضهم معاه اربع حريم و كلهم يحبونه
لأخلاقه ..
فهمتي المعادلة .. الزبدة خلق الرجال
الله يوفقك و ييسر امرك

مشاء الله تقدم لك مواصافاته حلوه ومبين عليه رجل صالح يعنيمافي مبرر انك ترفضينه
دام الرجل شاريك استخيري
على الاقل احسن من تنتظرين اعزب والله العالم تكون مواصفاته زينه او لا
بالتوفيق

الله يكتب االلي فيه صالح لك
ويوفقك ربي ويسعد حظك
كثري من الاستخاره. والقرار لك
تقبلي مروري

الله يبارك لك ويجمعكم على خير

أهم شيء اعرفي شخصيته إذا كان عقلاني يقدر يفتح بيتين ويوفق
أما إذا كان عاطفي فيها نوع من الصعوبة عليه

عموما يا غاليه إستخيري
فلا أخير من خيرة العباد إلا رب العباد

هلابك زود يابعدي
سبحان الله نفس كلام الوالدة
اللهم آمين وإياك ,سعدت برايك ومرورك اسعدك ربي..

الله يكتبلج اللي فيه الخير ان شالله
بس متزوج ؟؟؟ فكري فيها جداام ومستقبلن كيف بتكون وهل انتي قادره على دفن غيرتج وغيره ..

انتي هني تخيل عمرج واستخيري وقرري ومادام انج جامعيه وبنت ناس طيبين ومعروفين ان شالله يكون لج نصيب بواحد موب متزوج او مطلق او ارمل

لاتنسين انتي في مكان عملج بتصادقين بنات وبيعرفون عنج وعن اسلوبج وكل وحده بتتمناج لاخوها او لاخو زوجها
مجرد وجة نظر

بالنسبه لاهلج .. تاركين لج حريه الاختيار بدون ضغط وهاذي حياتج بالنهايه وانتي بتعيشينها..

ما اقدر اجزم انو راح يجيكي العزوبي حتى لو كان عمرك 18 هيا من الله..
بس ابداااااااااا ما انصحك بمتزوج تجيبي لنفسسك الهم..ادعي الله وانتظري يالمطللق يا العزوبي..
اعر كثييييييييير بنات اكبر زيك واكبر منك تزوجو رجال ماسبق لهم الزواج ومريحينهم ماشاء الله ووحده انسه متزوجه مطلق وعايشه احلى حياه الله يديم عليهم..وعقبال مانفرح فيك بواحد على كيييييييييييييف كيفك...:)

الرزق من الله يا اختي

استخيري ثم استشيري

والله يوفقك

حبيبتي ما عليك الا بالاستخاره واكثري منها وربي يعمل اللي فيه الخير .........

بس وقفي شويه على كلمه >> متزوج هذي <<

طيب هل عنده اولاد وليش عايز يتزوج ثاني وزوجته الاولى كيف اخلاقها علشان اذا وافقتي عليه تكوني على علم كيف هي تصرفات زوجته الاولي علشان اما تعملي حسابك منها او تتعاملي معاها في حدود او تجعليها اخت لك .

بس ما اعتقد انها راح تتقبلك بسهوله المهم فكري تماااام وقرري وربي يوفقك:22: