هل حيرتي في محلها ؟؟
 

مشكورة أوراق ملونة على ردك الراقي

أنا متأكد 100% من هالشي حتى أختي تقوله، وأيضا وأخوها قالي هالشي ان كل خواته يتابعن القنوات ويسمعن اغاني، لكن أنا محتاااااااااااااااااار مرة يا أما أني اتقدم ويصير عندي شوية غيرة وقلق وتخوف أن اهتماماتها حول هالأمور، أو أخاف أني أنسحب وأعيش هم ومعاناة خصوصاً أنس خاطب لي أكثر من سنة وباني احلام كبيرة مرة، انا محتار والمفروض نملك بعد شهر، وأحياناً أقول ما الموضوع مايستاهل كل القلق وأني معطي الموضوع أكبر من حجمه، علشان كذا اتعبني كثييييييييييييير التفكير والقلق مسيطر على كل أيامي، مادري وش الصح وش الغلط، اكمل أو لا ، اخاف انسحب واكون على خطأ واخاف اكمل واكون أيضاً على خطأ
انا مو ضد الدش بالعكس عادي، انا عندي دش لكن ما اتابع الا البرامج الثقافية والاجتماعية واحيانا السياسية والاخبارية والقضايا الاجتماعية، اخجل من نفسي اني انزل واشوف الافلام وستار اكاديمي وعرب ايدول وغيره من البرامج مثل هالنوعية او افضي وقتي كله للأغاني والأفلام التركية والافلام الاجنبية

وش رايكم اشيروا علي يالبنات وانتم يالشباب عطونا اراكم لو انتم مكاني

أخوي..معليش أسمحلي فيه شوي مبالغه..

يعني بذا الوقت بنات كثير يتابعون ذا الأشياء
يعني مايتزوجووون؟
(على فكره مو معنات كلامي أن هذا الشي صح)
..
بس أنت بعد الزواج يمكن بأسلوبك تغير ذا الشي مو بالفرض لابالأقناع والنصيحه..

وأذا فعلآ شايف نفسك أبد مو مقتنع أنك تتزوج من تتابع هالأمور فتروى قبل ماتقدم...

اذا انت حاب وبنفسك ان ترتبط بزوجة صالحه تربي ابنائك على طاعة الله وان تعم اجواء الخير والصلاح على بيت الزوجية فأنصحك بالتفكير في الانسحاب من جد والله واذا لا عادي عندك ان تعم اصوات الاغاني والبرامج هذه في منزلك خلاص كمل معها وبعدين الله يهديك اخوي ليه مااستكشفت هذه الامور من قبل عشان تتخذ القرار في وقت اسبق من كذا
هداك الله لماهو خير لك

مانقدر نحكم على البنت انها ممكن تتغير او لا
اذا بتقعد توسوس وخايف بالشكل مع اني اشوف مايحتاج كل الخوف
وانت وشخصيتك تقدر تغيرها واذا حبتك صدقني بتمشي وراك
عندي نموذجين من اخواني واحد ملتزم متشدد لدرجة انه يوم يشوف حريم يتغطى
بشماغه ودرس برا وتزوج وحدة حتى غطاء الوجه ماتعرفه سبحان ‏?‏?‏?اللـَّــ??? قدر يأثر عليها
الحين عباية على الراس وقفازات يدين وتغيرت جذريا
الثاني عكسه تماما كل شيء فري عنده ، زوجته كانت مدرسه تحفيظ قرآن
مدري اشوفها تتهاون بمسألة الحجاب احزن عليها صراحه مدري هو غيرها ولاحنا مانعرفها زين.
وبالآخير أكثر من الاستخارة ، نسأل ‏?‏?‏?اللـَّــ??? أن يهدي حيرتك ويكتب لك الخير.

يا اخي الامر فيه الكثير من المبالغه ولا داعي من القلق ,,,

من الأول اذا أردت فتاه ملتزمه وماتسمع اغاني ومحافظه وماعندهم دش ومن عائله متشددهـ ليه خطبت بنت الناس كان أخذت وحده بالمواصفات الا تبغاها ؟؟؟؟؟؟

لكن دامك خطبتها من سنه ومابقي على العقد شي معناه انك مقتنع فيها وفي أهلها اما هذي اشياء تافهه صدقني وكل شي بيتغير بعد الزواج حتى اهتمامات البنت نفسها ,,,

يعني الحين هي فاضيه ولا عندها شي تقضي وقتها في هذي البرامج اللي الناس كلهم يتكلمو عليها وتسمع تعليقاتهم يمكن تبي تكتشف ايش هذي البرامج وعندها وقت فراغ طويل ...

لكن بعد الزواج اكيد بتكون اهتماماتها اكبر اساسا ماراح يكون عندها وقت فراغ يادوب الاهتمام بالبيت والطبخ ونفسها وفيك الوقت الا تقضونه مع بعض ممكن تتفرجون فيه مع بعض على اي شي تحبونه خارج هذي الاشياء
وفي المستقبل بيكون عندها طفل طفلين راح تهمها برامج مفيده اكثر من هذي اما الاغاني انت بيدك بعد الزواج تقولها
انا مابغا اغاني في البيت وشوي شوي راح تبطل ...
ونفس الشي في حجابها وفي كل الامور الا تضايقك راح تتفقو عليها واذا كنتم راح تتكملو بعد الملكه كمان خير وبركه

حرام عليك يا اخي تظلم البنت بعد سنه من الخطوبه وبعد كل واحد حط امله على الثاني ورسم طريق لحياته تتركها !!!

نفترض كانت اهتماماتها بهذي النوع من البرامج لكن البنت تقدرك وتصونك ومو منقصه عليك شي فقط لما تكون برا البيت تمل وتتابعها تضيع وقت خلاص حكمت عليها انها سيئه ؟!
ان شاء الله ربنا يهديها ومثل ماقلتلك راح تكبر واهتماماتها تتغير بس لاتفكر في الانفصال عنها عشان هذا السبب أبدا اذا في شئ ثاني عاد الله واعلم ,,,,

اسأل الله لكم التوفيق

الله يرضى عليكم ويزيل عنكم همومكم

انا قررت أصلي الأستخارة وأمضي في كتابة العقد، وش رايكم ؟؟ ماودي اتراجع بعدين يكون السبب مو قوي ولا معقول وبعدين أندم وأتعب نفسياً وتروح أحلامي هدر